उत्पत्ती30
1जाहां राहेले पाल्यो के याकोबोअ काजे मापरोत पोर्ये नाहां ओवते, ताहरीइ ते तियीइ बोअह्हींइरी ठोटाय कोइ वोल्यी आन याकोबोहो कोयो, “माहूं पोर्ये आपे, नेत आंय मोइत जानारी.”2ताहरुउ याकोबे राहेलोहो बावराइत कोयो, “आंय देव होय के? ताआ पोऱ्ये ने जोड़े एहलोहो तोम तियेज कोइत मिक्योहो.”3ताहरीइ राहेले कोयो, “ताहरुउ माआ पावरी बिल्हा होय; तू यीही राख, ते माआ मांडीपोअ ठाल्ली पोड़े आन तियीप रोत माआ घराणो साले.”4ताहरीइ ते याकोबोहो तियीइ साकऱ्यी बिल्हाहा आप्यी; आन याकोब तियीइ जागे गोयु.5आन बिल्हा पोटाअरी ओवी आन याकोबोप रोत तियीइ एक सोऊ उबज्यु.6ताहरीइ राहेले कोयो, “देवे माआ न्याय कोइ देदुहू आन माआं उनाइत कोइत एक पोर्यू आप्यू.” तियाहा काजे तियी तियाआ नाव दान मिक्यो.7राहेलोअ साकऱ्यी बिल्हा फाशीइ पोटाअरी ओवी आन याकोबोप रोत फाशुउ एक सोऊ उबज्यु.8ताहरीइ राहेल कोयो, “आंय माआ बोअह्हींइरी पुरी सेक्तीवाअहीं बाथे पोड़ीत कोइत कुस्ती रोम्यी आन ओमे जिकीत गोयी.” ताहरीइ तियी तियाआ नाव नफ्ताली मिक्यो.9जाहां लिआ पाल्यो के तियीइ पोर्ये ओवीइलाअ बोंद ओत गोयोहो, ताहरीइ ते तियीइ साकऱ्यी जिल्पाहा लेत कोइत याकोबोअ लाडी ओवे तेहें काजे आपी देदी.10आन लिआआ पावरी जिल्पाआ बी याकोबोप रोत एक सोऊ उबज्यु.11ताहरीइ लिआ कोयो, “आंय केतीही तोग्दीरवाली होय!” तियाहा काजे तियी तियाआ नाव गाद मिक्यो.12फाशीइ लिआआ पावरी जिल्पाआ याकोबोप रोत फाशुउ एक सोऊ उबज्यु.13ताहरीइ लिआ कोयो, “माआ केतोहो हाजो ओवो! हुदाअलीज बोईं माहूं ताआ हाजो ओवो कोये.” तियाहा काजे तियी तियाआ नाव आशेर मिक्यो.14गोवें वाडीइलोअ दिहोमेहें रूबेन बारथे गोयु, तियाहा खेतोमेहें दूदाफोल सापड़्ये, आन तो तियांहां तियाआ आयही लिआआ जागे लेत गोयु. ताहरीइ राहेल लिआहा कोहे, “ताआ पोर्यू दूदाफोल लेत आयुहू तें थोड़ेक माहूं बी आपेए वा.”15ताहां लिआ कोयो, “तुमे ओ माआ माटी मागीत लेदुहू ए हानी गोठ होय के? ओमे तू माआ पोर्याआ दूदाफोल बी लेत जाअहूं होदेहे?” राहेले कोयो, “ताआ पोर्याआ दुदाफोलोअ बोदले याकोब आज राती ताअरी हुवे.”16हांजेपोअ जेहेलाम याकोब खेतोम रोत आवतुतो, ताहां लिआ तियाहा मिलीइलाअ कोअते निहींयी, आन कोयो, “ताहूं माअरीज आवुहूं पोड़नारो; काहाके आंय माआ पोर्याआ दूदाफोल आपीत कोइत ताहूं हुदाअलीज वेसातु लेदुहू.” ताहरुउ तो तेदिहीं राती तियीइ आरीज हुतू.17ताहां देव लिआआ गोठ उनाअयू, आन ते पोटाअरी ओवी आन याकोबोप रोत तियीइ पासवू पोर्यू उबज्यु.18ताहरीइ लिआ कोयो, “आंय माआ माट्योहो जे माआ पावरी आप्यी, तियाहा काजे देवे माहूं माआं मोजरी आप्यीही.” ताहां तियी तियाआ नाव इस्साखार मिक्यो.19लिआ फाशीइ पोटाअरी ओवी आन याकोबोप रोत तियीइ साहावू पोर्यू उबज्यु.20ताहरीइ लिआ कोयो, “देवे माहूं हाजो दान आप्योहो; ओमे ते माआ माटी सादा माअरीज रोये, काहाके माहूं तियाप रोत सोव पोर्या ओवाहा.” तियाहा काजे तियी तियाआ नाव जबुलून मिक्यो.21तिहींइं फासाड़ी तियीइ एक सोई बी उब्ज्यी, आन लिआ तियीइ नाव दीना मिक्यो.22देव राहेलोअ बी ओर कोअयी, आन तियीइ रावणी उनाइत कोइत तियीही बी पोऱ्ये जोड़े एहलोहो कोइ देदी.23राहेल पोटाअरी ओवी आन तियी एका सोआहा जल्म आप्यो, ताहां तियी कोयो, “देवे माआ बोदनामी सेटे कोइ देदीही.”24तियाहा काजे तियी ओं कोत कोइत तियाआ नाव योसेफ मिक्यो, “देव माहूं एक सोऊ फाशुउ आपे.”25जेहेलाम राहेलोप रोत योसेफ उबज्यु, ताहां याकोबे लाबानोहो कोयो, “माहूं जाअहूं देमे ताहां आंय माआ देसोम कोअ जातु रोहीं.26माआ बोईंन माआ पोर्ये, जियांआं काजे आंय ताआ सेवा कोअयीही, तियांहां माहूं आपेएमे ताहां आंय जातु रोहीं; ताहूं ते मुंदूज होय के आंय ताआ केहलीही सेवा कोअयीही.”27लाबाने तियाहा कोयो, “जर ताआ मेरवानी ओय ताहां इहींज रोत जा; काहाके आंय आनुभावो वाअहीं जाईंत लेदोहो के यहोवा देव तावाअहीं माहूं आशिर्वाद आप्युहू.”28फाश्योअ तिये कोयो, “ताआ मोजरी को, आंय ते हुदाअलीज आपिहीं.”29याकोब तियाहा कोयो, “जे ताआ सेवासाकरी आंय कोअयीही, आन जेहेंकोइत ताआ मेडेन बोकड़े माआं जागे रोये, तियांआं बाप्तिमेहें सोताहा ताहूं मुंदू होय.30माआ आवीइलोअ पेल ते केतेहे ओते, आन ओमे केतेहे ओत गोयेहे; आन यहोवा देवे आंय आयू ताहां ताहूं आशिर्वाद आप्युहू. पोन आंय माआं कोअबाआ कोयों वालिहीं?”31लाबाने फाश्योअ कोयो, “आंय ताहूं की आपो?”
याकोबे कोयो, “तू माहूं कीज मा आपीही; जर तू माआ काजे एक काम कोअही, ताहां आंय मेडेन बोकड़े सारीहीं, आन तियांआं राखवाली कोअहीं.32आंय आज ताआ आखा मेडा बोकड़ाआ विसमेहें रोत सोरकिहीं, आन जो मेडो नेत बोकड़ो पाटावालो आन काबरो ओय, आन जो काल्लो ओय, तियाहा आंय आलाग कोइत मिकीहीं; एज माआ मोजरी ठरे.33आन जेहेलाम आगाड़ी माआ मोजरीइ सरसा ताआ सामने साले, ताहां माआ इमानदारीइ ओज पुरावू रोय; मोन्ज्ये बोकड़ीमेहें रोत जे पाटावाली आन काबरी ने ओय, आन मेडाम रोत जों काल्लो ने ओय, तेहेलेहे मापोअ सापड़ीत गोये, ताहां सोअल्ये कोवाये.”34ताहरुउ लाबाने कोयो, “ठिक होय, ताहरुउ तुमे कोयो एहेंज कोइत कोओ.”35पोन तेदिहींज लाबाने आखे पाटावाले आन काबरे बोकड़े, मोन्ज्ये जियांपोअ पांडा डाबा ओता, तें आन आखा काल्ला मेडाहां बी आलाग कोइत तियाआ बेटाह्हाअहीं आपीत आयू;36आन तिये तियाआ आन याकोबोअ विसमेहें तिन दिहोअ वाटीइ गालो ठरव्यो; आन याकोब लाबानोअ मेडे आन बोकड़ाआ गोवारु सारु वोल्यू.37ताहरुउ याकोबे सिनार, बादाम आन आर्मोन साड़ोअ निल्ली डेंगार्यी लेत आवीत कोइत, तियींइं सोडे गाला गालाहा हांदड़ीत मेकी देदे, तिहींमेएं आसलू भाग देखाउ वोल्यू.38ताहरीइ हांदड़ीइल्यी डेंगार्यीही मेडान बोकड़ाआ सामने तियांआं पाईं पीइलाआ कोड्बामेहें उबी कोइ देदी; आन जाहां ते पाईं पीइलाआ काजे आवयी ताहां साटाइत गोयी.39डेंगार्यीइ सामने साटाइत कोइत मेडेन बोकड़े काबरे, पांडा पाटावाले बासे विआंये.40ताहरुउ याकोब मेडाआ बासाहा आलाग-आलाग कोअये, आन लाबानोअ मेडाआ आन बोकड़ाआ सोबीही पाटावाला आन आखा काल्ला बासाअहें कोइ देदे; आन तियाआ गोवाराहा तियांप रोत आंगेज मिक्ये, आन लाबानोअ मेडा आन बोकड़ामेहें ने सान्बाअहूं देदे.41आन जाहां जाहां पेडी मेडी-बोकड़ी गाभोण ओवतीते, ताहां ताहां याकोबे ते डेंगारी कोड्बामेहें तियींइं सामने मेकी देतुतो; जिहीं वाअहीं तियीं डेंगारीही देखीत ते गाभोण ओत जाअहूं जोवे.42पोन जेहेलाम लुले मेडे आन बोकड़े साटाअतेते, ताहां तो डेंगार्यीही तियांआं आगाड़ी ने मिकतुतो. तिहीं वाअहीं लुल्ली-लुल्ली लाबानोअ रोयी, आन डिलाखी डिलाखी याकोबोअ ओत गोयी.43एहेंकोइत तो माटी जाअखीलुहू मालदार ओत गोयु, आन तियाआ जाअखीलेहे मेडे आन बोकड़े, आन पावर पावरीइं, आन उटड़ेन गोदड़े ओत गोये.
याकोबे कोयो, “तू माहूं कीज मा आपीही; जर तू माआ काजे एक काम कोअही, ताहां आंय मेडेन बोकड़े सारीहीं, आन तियांआं राखवाली कोअहीं.32आंय आज ताआ आखा मेडा बोकड़ाआ विसमेहें रोत सोरकिहीं, आन जो मेडो नेत बोकड़ो पाटावालो आन काबरो ओय, आन जो काल्लो ओय, तियाहा आंय आलाग कोइत मिकीहीं; एज माआ मोजरी ठरे.33आन जेहेलाम आगाड़ी माआ मोजरीइ सरसा ताआ सामने साले, ताहां माआ इमानदारीइ ओज पुरावू रोय; मोन्ज्ये बोकड़ीमेहें रोत जे पाटावाली आन काबरी ने ओय, आन मेडाम रोत जों काल्लो ने ओय, तेहेलेहे मापोअ सापड़ीत गोये, ताहां सोअल्ये कोवाये.”34ताहरुउ लाबाने कोयो, “ठिक होय, ताहरुउ तुमे कोयो एहेंज कोइत कोओ.”35पोन तेदिहींज लाबाने आखे पाटावाले आन काबरे बोकड़े, मोन्ज्ये जियांपोअ पांडा डाबा ओता, तें आन आखा काल्ला मेडाहां बी आलाग कोइत तियाआ बेटाह्हाअहीं आपीत आयू;36आन तिये तियाआ आन याकोबोअ विसमेहें तिन दिहोअ वाटीइ गालो ठरव्यो; आन याकोब लाबानोअ मेडे आन बोकड़ाआ गोवारु सारु वोल्यू.37ताहरुउ याकोबे सिनार, बादाम आन आर्मोन साड़ोअ निल्ली डेंगार्यी लेत आवीत कोइत, तियींइं सोडे गाला गालाहा हांदड़ीत मेकी देदे, तिहींमेएं आसलू भाग देखाउ वोल्यू.38ताहरीइ हांदड़ीइल्यी डेंगार्यीही मेडान बोकड़ाआ सामने तियांआं पाईं पीइलाआ कोड्बामेहें उबी कोइ देदी; आन जाहां ते पाईं पीइलाआ काजे आवयी ताहां साटाइत गोयी.39डेंगार्यीइ सामने साटाइत कोइत मेडेन बोकड़े काबरे, पांडा पाटावाले बासे विआंये.40ताहरुउ याकोब मेडाआ बासाहा आलाग-आलाग कोअये, आन लाबानोअ मेडाआ आन बोकड़ाआ सोबीही पाटावाला आन आखा काल्ला बासाअहें कोइ देदे; आन तियाआ गोवाराहा तियांप रोत आंगेज मिक्ये, आन लाबानोअ मेडा आन बोकड़ामेहें ने सान्बाअहूं देदे.41आन जाहां जाहां पेडी मेडी-बोकड़ी गाभोण ओवतीते, ताहां ताहां याकोबे ते डेंगारी कोड्बामेहें तियींइं सामने मेकी देतुतो; जिहीं वाअहीं तियीं डेंगारीही देखीत ते गाभोण ओत जाअहूं जोवे.42पोन जेहेलाम लुले मेडे आन बोकड़े साटाअतेते, ताहां तो डेंगार्यीही तियांआं आगाड़ी ने मिकतुतो. तिहीं वाअहीं लुल्ली-लुल्ली लाबानोअ रोयी, आन डिलाखी डिलाखी याकोबोअ ओत गोयी.43एहेंकोइत तो माटी जाअखीलुहू मालदार ओत गोयु, आन तियाआ जाअखीलेहे मेडे आन बोकड़े, आन पावर पावरीइं, आन उटड़ेन गोदड़े ओत गोये.
The Word for the World International