उत्पत्ती2
1एहेंकोइत जुग आन धरती आन तियांआं पुरी सेनाहा बोणावीइलोअ काम पुरो ओवो.2आन देवे तियाआ काम जों तो कोअतुतो हांतवे दिहे सेल्यो, आन तिये तियाआ आखा कोअल्या कामोम रोत हांतवे दिही आराम कोअयू.3आन देवे हांतवा दिहोहो आशिर्वाद आप्यू आन सोकू ठरव्यू; काहाके तियामेहें तिये कोलीही बोणावीइलोअ तियाआ आखा कामोम रोत आराम कोअयू.4यहोवा देवे धरती आन जुग जोयोंअ रोत बोणायू तियाआ ओ खुलासु होय.5तेहेलाम धरतीइ कोड्लोज साड़ पुयींपोअ ने ओतो, आन धरतीइ कोड्लोज हानो साड़ बी ने उगोतो, काहाके यहोवा देवे धरतीपोअ वोरहात ने पाड़्युतो, आन धरतीपोअ खेते कोइलाआ काजे एक माअहुंउं बी ने ओतो;6तेहलाम साकलो धरतीम रोत निहींतोतो जिहीं वाअहीं पुरी धरतुउ पिगित जातीते.7ताहां यहोवा देवे पुंयींपोऱ्युउ कादुउ लेत कोइत तियाआ एक माहुंउं बोणायो; आन तियाआ नाकोमेहें जिवनोअ हावा फुकी देदी, ताहां तों माहुंउं जिवीत गोयो.8तिहीं रोत यहोवा देवे उक्तामाअहें एदेन नावोअ जागे एक बोगिसू लागाड़्यू, आन तिहीं तिया माहुंहूं मेकी देदो जियाहा तिये बोणायोतो.9आन यहोवा देवे धरतीपोअ रोत आखी जातीइ साड़े, जें देख्याम बाहरी एतोज आन जियांआं फोलवे खाअलाम हाजे होय, तियांहां उगाड़्ये, आन तिहीं बोगिसाआ विसमेहें जिवनोअ साड़ आन हाजी बाक्ती ओकलेए साड़ोहो बी ठांअयों.10तिया बोगिसाहा पिगवीलाआ काजे एक वोडी खाड एदेनोम रोत निहींयी, आन तिहीं रोत आगाड़ी वोहीत कोइत शार वेरामेहें वाटाइत गोयी.11पेल्लीइ नाव पीशोन होय; ए तेज होय जे हवीला नावोअ पुरा देसोहो केंडालीत रोयीही जिहीं होनो सापड़ेहे.12तिया देसोअ होनो सोको रोहे; तिहीं मोती आन सुलेमानी डोण बी सापड़ीइताहा.13दुसरी खाडीइ नाव गीहोन होय; ए तेज हो जे कूशोअ पुरा देसोहो केंडालीत होय.14आन तिसरी खाडीइ नाव हिद्देकेल होय. ए तेज होय जे आश्शूरोअ उक्तामाअहें वोहेहे. आन शोवथी खाडीइ नाव फरात होय.15ताहां यहोवा देवे माहुंहूं लेत कोइत एदेनोअ बोगिसामेहें काम कोए आन तियाआ राखवाली कोए तेहें मिकी देदो.16आन यहोवा देवे आदामोहों ओ आदेश आप्यू, “तू बोगिसाआ आखा साड़ोअ फलवे बिन्दास खात सेकेहे;17पोन हाजा बाक्ताआ ओकलेए जों साड़ होय, तियाआ फल तू केदिहींज मा खाही: काहाके जेदिहीं तू तियाआ फल खाही तेदिहीं हुदाअलीज मोईत जाही.”18फाश्योअ यहोवा देवे कोयो, “माहुंउं एखलो रोअलोअ नाहां हाजो; आंय तियाआ काजे एक एहेलोहो हाती बोणाविहीं जों तियाअरी सान्बाय.”19आन यहोवा देव कादवोमेहें रोत आखी जातीइ कोर्येए जनवारे, आन जुगोमेर्येए आखी जातीइ सिड़े बोणावीत कोइत आदामोअ जागे पाले तेहें काजे लेत गोयू, के तो तियांआं कि कि नावे मिकेहे; आन जिया जिया जिवता जनवारोअ जों जों नाव आदामे मिक्यो, तोंज तियाआ नाव ओत गोयो.20ताहां ये मोनवी आखी जातीइ कोर्याआ जनवारोअ आन जुगोमेएं सिड़ाआं, आन आखी जातीइ धरतीपोऱ्याआ जनवारोअ नावे मिक्ये; पोन आदामोअ काजे कोडो एहेलोहो हेंगात ने जोड़्यो जों तियाअरी सान्बात सेके.21ताहां यहोवा देवे आदामोहों वोडी निंदेमेहें पाड़ी देदू, आन जाहां तो हुवीत गोयु, तेहेलाम तिये तियाआ डिलोमेहें रोत एक पाहलो काडीत कोइत तियाआ जागापोअ माहां पोई देदो.22आन यहोवा देवे तिया आदामोअ पाहलाआ बोईं बोणावी देदी; आन तियीही आदामोअ जागे लेत आयू.23ताहां आदामे कोयो,“ओमे ए माआं आडोमेर्योअ आडआन माआं माहोंमेर्योअ माहां होय;तियाहा काजे यीइ नाव बोईं रोय,काहाके यीही माट्योमेहें रोत काड्यीही.”24याआ कोअते माटी तियाआ आयहीन आब्हाहा सोड़ीत तियाआ लाडीइरी मिलीत रोय, आन तें बेनु एक डिल बोणीत रोये.25आदाम आन तियाआ लाडी बेनू उगड़ाअलेज ओते, पोन ने तें लाजवाअतेते.
The Word for the World International