उत्पत्ती15
1यीं गोठीइ फासाड़ी यहोवा देवोअ ओं वसन दर्शनोमेहें अब्रामोअ जागे पोत्यो: “अब्राम बिही मा; ताआ ढाल आन ताआ आखाम रोत वोडो फोल आंय होय.”2अब्रामे कोयो, “प्रभु यहोवा, माआं तोम पोऱ्ये बी कायनाहां, आन माआं कोओअ वारिस ओ दमिश्कवालू एलीएजेर बोणे, पोन: तू माहूं की आपनारु?”3फाशुउ अब्रामे कोयो, “माहूं तोम तुमे पोऱ्ये नाहां आप्ये, आन की पालोहो के माआं कोअमेहें उब्जीइल्यु नोवकर माआं वारिस बोणे.”4ताहां यहोवाआ ओं वसन तियाआ जागे पोत्यो, “ओ नोवकर ताआ वारिस ने बोणे, ताआ जो खाजगी पोर्यू उब्जे, तोज ताआ वारिस बोणे.”5आन देवे तियाहा बारथे लेत जात कोइत कोयो, “जुगोअहें नजर टाकीत ताराहा गोण, केहें तू यांहां गोणीत सेकही के?” फाश्योअ तिये तियाहा कोयो, “ताआ पारवाड़ एहेलीज बोणे.”6तिये यहोवा देवोपोअ विश्वास मिक्यू; आन यहोवा देवे यी गोठीही तियाआ लेख्यामेहें धर्मी गोण्यी.7ताहां देवे अब्रामोहो कोयो, “आंय तोज यहोवा होय जो खास्द्याआं ऊर गांवोम रोत बारथे लेतायु, के ताहूं या देसोअ आधिकार आपो.”8पोन अब्रामे कोयो, “प्रभु यहोवा, आंय की कोइत जाओं के आंय या देसोअ आधिकारी ओविहीं?”9यहोवा तियाहा कोयो, “माआ काजे तिन वोरह्योअ एक वासड़ी, आन तिन वोरह्योअ एक बोकड़ीइ गिद्लो, आन तिन वोरह्योअ एक मेडो, आन एक ओलो आन पेरवाअ एक पिलो ले.”10यां आखाहा लेत कोइत तिये पोरापोर रोत बेन डुन्का कोई देदा, आन डुन्काहा हुंबाहुंब मिक्या; पोन सिड़ाआ तिये डुन्का नाहां कोअया.11जेहेलाम माहां खानारे सिड़े तियां डुन्काहा टोसीत खाने आवतेते, ताहां अब्रामे तियांहां उडाड़ी देदे.12जेहेलाम दिही बुडू वोल्यू, तेहलाम अब्रामोहो जाअखीलीही निंद आयी; आन एक्काइज जाअखीलीही बिक आन वोडे आंदारे तियाहा टापित लेदो.13ताहां यहोवा अब्रामोहो कोयो, “ओं पाक्को जाइंत ले के ताआ पारवाड़ी पारका देसोम जिवण्ये रोय, आन तिया देसोअ माअहुंउं गुलामीम रोय; आन ते तियांहां शार होव वोरह्ये जाआं दुख आपे.14जिया देसोअ ते पावर बोणे तिया देसोहो आंय डोंड आपीहीं: आन तिहींइं फासाड़ी ते जाअखीलीही मालमिलकत तिहीं रोत लेत कोइत निहीत आवनारे.15तू ताआ वेगाआ डायहांमेहें होकेहे पेलाइत जाही; तू जाअखीलुहू डायु ओत जाही ताहां ओजाअही.16पोन तें शोवथी पिड़ीमेहें इंहीं फाशेए आवे: काहाके ओमे जाआं एमोरीइ गुना नाहांजी पुराअया.”17आन एहेलोहो ओवो के जाहां दिही बुडीत गोयु आन जाअखीलोहो आंदारो ओत गोयो, ताहां एक आगीइठ्यो जियामेहें रोत तुमाणो निहींतोतो आन एक पेटाअत्ली दिवी देखाअयी जे तियां डुन्काआ विसमेहें रोत निहीत गोयी.18तेदिहींज यहोवा अब्रामोअरी ए शप्पत लेदी, “मिसर देसोअ वोडी नोयीइहीं रोत फरात नावोअ वोडी नोयीइहीं जाआं जेत्ता देस होय,19मोन्ज्ये केनी, कनिज्जी, कदमोनी,20हित्ती, परिज्जी, रपाइ,21एमोरी, कनानी, गिर्गाशीत, आन यबूसीइ देस आंय ताआ ताबाम आप्याहा.”
The Word for the World International