यहेज्केल8
1फाशोअ साहावा वोरह्योअ साहावा मोयनाआ पाशवे दिहे, जेहेलाम आंय माआ कोअमेहें बोठुतो, आन यहुदीइ डायहां माआ आगाड़ी बोठाते, ताहां प्रभु यहोवाआ सेक्ती मापोअ प्रगट ओवी.2ताहां आंय पाल्यो के आगीइ होस एक रुप देखाअयू; तियाआ कंबरेए निसेए वोल आग होय, आन कंबरेए उसेए भाग सोमकीइतुतो, तो माहूं तांबाआ होस लागू.3तिये आथोअ होस कि तेबी आगाड़ी कोइत माआ मुन्काआ सिंग्ये तोअये; ताहां आत्मा माहूं धरती आन जुगोअ विसमेहें उसलीत कोइत देवे देखाड़ल्या दर्शनोमेहें रोत येरुसालेमोअ मायते, खोलीइ जागे पालामाआ वोल फोहीइलोअ बाअणो ओतो. तिहीं एक खोत लागाड़नारी मुर्तीइ जागु ओतु.4फाशोअ जेहेलोहो आंय सापड़ामेहें पाल्योतो तेहेलोज तिहीं इस्राएलोअ देवोअ महिमा ओती.5तिये माहूं कोयो, “मोनव्योअ पोर्या, ताआ नजर पालामाअहें टाकीत पाल.” आंय पालामाअहें पाल्यो ताहां देवान्याआ बाअणाआ जागे पालामाआ वोल तियाआ फोहीइलोअ जागाजमेहें खोत लागाड़नारी मुर्ती होय.6ताहां तिये माहूं कोयो, “मोनव्योअ पोर्या, केहें तु पालेहे के, एं माअहें कि कोअतेहे? इस्राएलोअ घराणो केहेलोहो वोडो खाराब काम कोअहे, काहाके आंय माआ सोका जागाअहीं रोत सेटे ओत जात रोअहूं जोवे; पोन तु या रोत जाअखे खाराब कामे पालही.”7ताहां तो माहूं खोलीइ बाअणाआ जागे लेत गोयु, आन आंय पाल्यो, के पितड़ामेहें एक डुसू होय.8ताहां तिये माहूं कोयो, “ए मोनव्योअ पोर्या, पितड़ाहा फोड़,” तियाहा कोत आंय पितड़ाहा फोड़्यो, ताहां माहूं एक बाअणो देखाअयो.9तिये माहूं कोयो, “मायते जात कोइत पाल के एं माअहें इंहीं केहले केहले आन केतेहे एठे कामे कोअतेहे.”10तियाहा काजे आंय मायते जात पाल्यो ताहां शारु वोल पितड़ापोअ राज्या राज्यामेहें होरतींडनारे जिवतोर आन खाराब जनवारे आन इस्राएलोअ घराणाआ आखी मुर्ती पितड़ापोअ काड़्यीते.11इस्राएल घराणाआ डायहांमेहें रोत सत्तर माटी जियांआं विसमेहें शापानोअ पोर्यू याजन्या बी होय, ते तियां सित्राआ हुंबर उबा होय, हारेक माटी तियांआं आथोम धुपदान लेत होय, आन धुपोअ तुमाणू उपोअ जाहे.12ताहां तिये माहूं कोयो, “ए मोनव्योअ पोर्या, केहें तुमे पाल्यो के इस्राएलोअ घराणाआ डायहां तियां तियांआं सित्रावाली खुलीइ मायते मोन्ज्ये आंदारामेहें कि कोअताहा? ते कोताहा के यहोवा आमुहूं नाहां पालतू; यहोवा देसोहो सोड़ी देदोहो.”13फाशोअ तिये माहूं कोयो, “तु यां रोत बी जाअखे खाराब कामे पालही, जें ते कोअताहा.”14ताहां तो माहूं यहोवाआ मंदिरोअ फोहीइलाआ बाअणाआ जागे लेत गोयू जो पालामाआ वोल ओतो आन तिहीं बोईं बोहीत रोल्यी तम्मुज देवताआ कोअते रोड़्या कोअतीते.15ताहां तिये माहूं कोयो, “ए मोनव्योअ पोर्या, केहें तु ओं पाल्योहो के? फाशोअ यां रोत बी तु जास्ती एठे कामे पालही.”16ताहां तो माहूं यहोवा देवोअ मंदिरोअ मायते खोलीमेहें लेत गोयु; आन तिहीं यहोवाआ मंदिरोअ बाअणाआ जागे ओटाआ आन देवान्याआ विसमेहें पोसीही माटी तियांआं टुंग यहोवा देवोअ कोओअ वोल आन तियांआं सोब उगतामाआ वोल कोअयेते; आन ते उगतामाआ वोल दिहोहो वोंदताते.17ताहां तिये माहूं कोयो, “ए मोनव्योअ पोर्या, केहें तु ओं पाल्यो के? केहें यहुदा घराणाअ कोअते खाराब काम कोइलाआ जो ते इंहीं कोअतेहे हानी गोठ होय के? तियां ते तियांआं देसोहो खाराब गोठी वाअहीं पोइ देदोहो, आन इंहीं आवीत कोइत माहूं खोत लागाड़तेहे.तें तियांआं नाकोअ आगाड़ी डाल लेत रोतेतेहे.18तियाहा कोत आंय बी खिजवाइत तियांअरी काम कोअहीं, आंय दया ने कोओ आन माहूं तियांआं बाप्तिम वाईट ने हासवाय, आन माहूं आअड़े, तेबी आंय तियांआं ने उनाओ.”
The Word for the World International