यहेज्केल5
1“ए मोनव्योअ पोर्या, एक वाडाली तारवाआ ले, आन तियीही नावटाआ पानोअ होस वापरीत ताआ मुन्को आन मुशे बोड़ीत ले, ताहां तोलीइलाआ काटू लेत कोइत सिंग्याआ वाटा पाड़.2जेहेलाम होयरोअ केंडवारीलोअ दिही पुरा ओवे, ताहां गावोंअ मायते बाराने भाग आगीम टाकीत कोइत पेटाड़ी दे, आन बाराने भाग सिंग्ये लेत कोइत शारु वोल तारवाआ सालाड़; आन बाराने भाग हावामेहें उडाड़; एहें कोइत आंय तारवाआ काडीत तियांआं फाट पोड़ीहीं.3ताहां तियामेहें रोत थोड़ेक सिंग्ये लेत कोइत ताआ आंगड़ाआ सेवड़े बांद.4फाशेए तियामेहें रोत थोड़ेक सिंग्ये लेत कोइत आगीम पेटाय तेहें काजे टाकजी, ताहरीइ आग निहे आन इस्राएलोअ आखी पारवाड़ीमेहें पोसरीत जाय.”5“प्रभु देव ओं कोहे: येरुसालेम होयर एहेलोज होय; आंय तियाहा बिहीरा देसोअ विसमेहें मिक्योहो, आन शारु वोल्याआ बिहीरा देसो वाअहीं केंडात होय.6तिये माआ नियमोअ विरुद्दाम काम कोइत बिहीरा माअहोंअ रोत जाअखी बाक्ताय कोअयीही, आन माआ नियमोअ विरुद्द शारी ओरीइ माअहों रोत जाअखी बाक्ताय कोअयीही; काहाके तियां माआ नियमोहों सोड़ी देदुहू, आन तें माआ नियमोपोअ ने साल्ये.7तिहीं वाअहीं प्रभु देव ओं कोहे: तुमू जे तुमाआ आसे पासेए देसो रोत जाअखे दोंगा कोअतेहे, आन नाहां माआ नियमोपोअ सालते, आन नाहां माआ नियम मानते आन तुमाआ शारी ओरीइ देसोअ माअहोंअ नियमोंअ परमाणे बी ने कोअयो;8तियाहा कोत प्रभु यहोवा एहें कोहे: ए येरुसालेम पाल, आंय सोताहा ताआ विरुद्दामेहें होय; आन बिहीरा देसोअ माअहोंअ देखताइज आंय ताआ विसमेहें न्यायनिवाड़ू कोअहीं.9ताआ आखा खाराब कामोअ वाखरी जेहेलोहो ओमे जाआं नाहां कोअयो आन फाशोअ आगाड़ी केदिहीं ने कोओ एहेलोहो आंय ताअरी कोअहीं.10तियाहा काजे तामेहें आब्हा तियांआं पोऱ्याहां खाय आन पोऱ्ये तियांआं आब्हाहां खाय; आंय ताआ न्यायनिवाड़ू कोअहीं, आन बाकी रोल्ये आखे माअहें आखी वोल वेरीत टाकीहीं.11“तियाहा काजे प्रभु यहोवा एहें कोहे: माआ जिवनोअ शप्पत, तुमे माआ सोका जागाहा ताआ आखी खाराब मुर्ती वाअहीं आन आखी सोगदायीइ कामोवाअहीं एठु कोअयुहू; तियाहा कोत आंय ताहूं गोटाड़ीहीं, आन तापोअ दया ने कोओ, आन तापोअ केदिहीं किव ने कोओ.12ताआ बाराने भाग वोडी मोरायी वाअहीं मोए, आन ते ताआ सामने फुके वाअहीं मोए; बाराने भाग ताआ आसे पासे तारवाइ वाअहीं माआत जाय; आन बाराने भागोहो शारु वोल वेरासेर कोइ देहीं आन तारवाआ काडीत कोइत तियांआं फासाड़ी सालिहीं.13“एहें कोइत जाअहूं जाआं माआ खोत तियांपोअ पुरी ने ओवे; ताअहूं जाआं माआ खोत ने हेलाय; आन माहूं ने होक आवे. ताहां तियांहां मुंदू जाय के आंय यहोवा तियांहां खोते वाअहीं एहें कोयोहो.14आंय ताहूं ताआ मेरेमेरेए माअहोंअ विसमेहें आखा जानारा-आवनाराआ देखताइज उजाड़ीहीं, आन ताआ इजोत जावाड़ीहीं.15“जाहां आंय ताहूं खोतेम आन ताअरी खोताइत कोइत आन खिजवाइत ताहूं टिंगल उडाड़ीहीं ताहां तु पुरा आसे पासेए रोनारा माअहूंमेहें आद्रायीइ, निंदा, सेतावणी आन अपमानोअ लायक बोणीत जाही. उनाआ, आंय ताआ यहोवा प्रभु, ओं कोयोहो.16आंय तियांहां आरवीइलोअ कोअते, तापोअ फुकेए कालोअ वाडाली आन आरवीइनारी बिलखी विंदीहीं, आन तापोअ जुदून जुदू वोडू काल पाड़ीहीं आन ताआ रोटाआ आदार तोड़ीहीं.17आंय तुमापोअ काल आन तुमाआ विसमेहें रानठ्ये जनवारे मोकलिहीं; तें तुमाआ पोऱ्याहां खात जाय. वोडी मोराय आन खुन तुमापोअ आवे; आन आंय तुमापोअ तारवाआ सालाड़ीहीं, आंय यहोवाज ओं कोहो.”
The Word for the World International