निर्गमोअ पुस्तक निर्गमोअ पुस्तक3
1मोशेए होवरुह्हू यित्रो नावोअ ओतू, जो मिद्यान देसोअ पुंजारु ओतू. तियाआ मेडे-बोकड़े मोशे सारतुतो. एक दिही तो तियांहां दिही बुड्ताआ वोलेहे रानम होरेब नावोअ देवोअ डोगोअ वोलेहे लेत गोयू.2डोगोपोअ एका पेटाअत्ला साटवाम देवोअ देवदूतोहो देख्यू. मोशे नजर टाकीत कोइत पाल्यो ताहां एहेलोह देखाअयो के साटवो आगी वाअहीं पेटाअहे, पोन नाहां निजलाअतो.3ताहां मोशे विसार कोअयू, “फोलो साटवो काहा नाहां निजलाअतो या वोडा समत्कारोहो आंय तिहीं जात कोइत पालिहीं.”4जाहां यहोवा देवे मोशेहे आहने आवत्लाहा देख्यू, ताहां तिये मोशेहे साटवाम रोत हाद कोअयू, “ए मोशे, ए मोशे!”
मोशे कोयो, “आंय इंहीं होंव.”5तिये कोयो, “इंहीं आहने मा आवही; आन ताआ गुडामेएं खाहड़े काड, काहाके जिया जागाम तु उबू होय तो जागू सोकू होय.”6फाश्योअ तिये कोयो, “आंय ताआ डायहांअ देव होय, अब्राहाम, इसाहाक आन याकोबोअ देव होय.” मोशेहे देवोअहें पालीइलोअ हिम्मत ने ओवी, तिहीं वाअहीं तिये सोब टापित लेदी.7फाशुउ यहोवा देव कोयो, “मिसर देसोमेहें माआ माहुंहूं केहेलुहू तारास ओवेहे तो आंय देख्योहो, तियांहां मेहेंनत कोआड़नारा मुकोड़दोमोअ वाखरी तियांआं किगलीइलोअ बी मी होंबल्योहो, आन तियांआं पिड़ापोअ आंय नजर टाक्यीही.8तिहीं वाअहीं ओमे माआ माअहुंहूं मिसरवालाआं आथोम रोत वासाड़ीइलोअ काजे आंय निसे उतरीत आयुहू; आन आंय तियां तिया देसोम रोत काडीत कोइत एक हाजा आन वोडा देसोम, जिहीं दुद आन मोदोअ तारी वोहतीही तिहीं मोन्ज्ये कनानी, हित्ती, एमोरी, परिज्जी, हिव्वी आन यबूसी माअहुंउं जागामेहें पोताड़ो.9तियाहा काजे ओमे उनाआ, इस्राएलवाला माअहुंउं रोड़ीइलोअ आवाज माहूं होंबलाअयुहू, आन मिसरवालाआं तियांहां तारास कोआड़ीलोअ बी मी देख्योहो.10तियाहा काजे तू जा, आंय ताहूं फारो राजाअ जागेहे मोकलोहो के तु माआं माहें इस्राएलोहो मिसरोम रोत बारथे काडीत लेतावुहूं जोवे.”11पोन मोशे देवोह कोयो, “आंय कोडू होय के आंय फारो राजाअ जागेहे जांव आन इस्राएलवालाहां मिसरोअ आथोम रोत काडीत लेत आवो?”12देवे उत्तर आप्यो, “आंय ताअरी होंव; आंय ताहूं मोकलोहो याआ निशाणी ए होय के जेहेलाम तु माआं माहुंहूं मिसरोम रोत काडीत लेत आवही ताहां तु याज डोगोपोअ माआं आराधना कोअही.”13पोन मोशे देवोहो कोयो, “जर आंय इस्राएलवालाआ जागे जात कोइत तियांहां कोहीं के, ‘तुमाआं डायहांआं देवे माहूं तुमाआ जागे मोकल्युहू,’ ताहां तें माहूं फुसे, ‘तियाआ नाव की होय,’ ताहां आंय तियांहां की कोंव?”14देवे मोशेहे कोयो, “‘आंय जो होय तोज होय,’ तु इस्राएलवालाहां जात कोइत को, जियाआ नाव ‘आंय होंव’ होय तियेज माहूं तुमाआ जागे मोकल्युहू.”15फाश्योअ देवे मोशेहे ओं बी कोयो, “तु इस्राएलवालाहां एहें कोजी के तुमाआं डायहांआं देव, मोन्ज्ये अब्राहाम, इसाहाक आन याकोबोअ यहोवा देव, तियेज माहूं तुमाआं जागे मोकल्युहू; देख, माआं नाव हादाजोलम्योअ ओंज होय. आन पिड़ीन पिड़ी याज वाअहीं माआं ओर कोआय.16तियाह काजे ओमे जात कोइत इस्राएली पुडाऱ्योहों टोलू कोअ, आन तियांहां को, तुमाआं वेगाआ डाया अब्राहाम, इसाहाक आन याकोबोअ यहोवा देव माहूं दर्शन आपित कोइत ओं कोयो के आंय तुमापोअ आन तुमुहूं तारास देनारा मिसरवालापोअ बी नजर मिक्यीही;17आन मी ठरवीत लेदोहो के तुमुहूं मिसरोअ तारासोम रोत काडीत कनानी, हित्ती, एमोरी, परिज्जी, हिव्वी, आन यबूसी माहुंउं देसोम लेत जाहीं, जो एहेलुहू देस होय जिहींमेहें दुद आन मोदोअ तारी वोहत्यीही.”18“ताहां ते पुडारी ताआ गोठी माने; आन तु इस्राएलवाला डायहांहां आरी लेत कोइत मिसरवाला राजाआ जागे जात कोइत तियाहा एहें कोजी, ‘इब्रीइ, यहोवा देवोअरी आमू मिल्याहा; तियाहा काजे ओमे आमुहूं तिन दिहोअ वाट सालित कोइत जाअहूं दे; काहाके आमाआं यहोवा देवोहो गाराहा आपित सेको.’19माहूं मुंदू होय के मिसरोअ राजा वोडी सेक्ती ने देखे ताअहूं जाआं तुमुहूं ने जाअहूं देय.20तियाहा काजे आंय समत्कार देखाड़ीत कोइत माआ आथोअ सेक्ती वाअहीं मिसर देसोहो डोंड आपिहीं; तिहींइं फासाड़ी तो तुमुहूं जाअहूं देय.”21“ताहां मिसरवाले माअहें तुमापोअ मेरवानी कोए एहेलोहो आंय कोई देहीं; आन जेहेलाम तुमू निहाहा ताहां ठाल्ले आथेज ने निहाहा.22हरेक इस्राएलवाली बोईं जागेवाली मिसरवाली बोईंपोअ रोत होना-सांदीइ गोवणो, आन आंगड़े मागित लेय, आन तुमू तुमाआं बेटाह्हा-बेटिह्हीही पेवाड़हा; एहें कोइत तुमू मिसरवालाहां लुटहा.”
मोशे कोयो, “आंय इंहीं होंव.”5तिये कोयो, “इंहीं आहने मा आवही; आन ताआ गुडामेएं खाहड़े काड, काहाके जिया जागाम तु उबू होय तो जागू सोकू होय.”6फाश्योअ तिये कोयो, “आंय ताआ डायहांअ देव होय, अब्राहाम, इसाहाक आन याकोबोअ देव होय.” मोशेहे देवोअहें पालीइलोअ हिम्मत ने ओवी, तिहीं वाअहीं तिये सोब टापित लेदी.7फाशुउ यहोवा देव कोयो, “मिसर देसोमेहें माआ माहुंहूं केहेलुहू तारास ओवेहे तो आंय देख्योहो, तियांहां मेहेंनत कोआड़नारा मुकोड़दोमोअ वाखरी तियांआं किगलीइलोअ बी मी होंबल्योहो, आन तियांआं पिड़ापोअ आंय नजर टाक्यीही.8तिहीं वाअहीं ओमे माआ माअहुंहूं मिसरवालाआं आथोम रोत वासाड़ीइलोअ काजे आंय निसे उतरीत आयुहू; आन आंय तियां तिया देसोम रोत काडीत कोइत एक हाजा आन वोडा देसोम, जिहीं दुद आन मोदोअ तारी वोहतीही तिहीं मोन्ज्ये कनानी, हित्ती, एमोरी, परिज्जी, हिव्वी आन यबूसी माअहुंउं जागामेहें पोताड़ो.9तियाहा काजे ओमे उनाआ, इस्राएलवाला माअहुंउं रोड़ीइलोअ आवाज माहूं होंबलाअयुहू, आन मिसरवालाआं तियांहां तारास कोआड़ीलोअ बी मी देख्योहो.10तियाहा काजे तू जा, आंय ताहूं फारो राजाअ जागेहे मोकलोहो के तु माआं माहें इस्राएलोहो मिसरोम रोत बारथे काडीत लेतावुहूं जोवे.”11पोन मोशे देवोह कोयो, “आंय कोडू होय के आंय फारो राजाअ जागेहे जांव आन इस्राएलवालाहां मिसरोअ आथोम रोत काडीत लेत आवो?”12देवे उत्तर आप्यो, “आंय ताअरी होंव; आंय ताहूं मोकलोहो याआ निशाणी ए होय के जेहेलाम तु माआं माहुंहूं मिसरोम रोत काडीत लेत आवही ताहां तु याज डोगोपोअ माआं आराधना कोअही.”13पोन मोशे देवोहो कोयो, “जर आंय इस्राएलवालाआ जागे जात कोइत तियांहां कोहीं के, ‘तुमाआं डायहांआं देवे माहूं तुमाआ जागे मोकल्युहू,’ ताहां तें माहूं फुसे, ‘तियाआ नाव की होय,’ ताहां आंय तियांहां की कोंव?”14देवे मोशेहे कोयो, “‘आंय जो होय तोज होय,’ तु इस्राएलवालाहां जात कोइत को, जियाआ नाव ‘आंय होंव’ होय तियेज माहूं तुमाआ जागे मोकल्युहू.”15फाश्योअ देवे मोशेहे ओं बी कोयो, “तु इस्राएलवालाहां एहें कोजी के तुमाआं डायहांआं देव, मोन्ज्ये अब्राहाम, इसाहाक आन याकोबोअ यहोवा देव, तियेज माहूं तुमाआं जागे मोकल्युहू; देख, माआं नाव हादाजोलम्योअ ओंज होय. आन पिड़ीन पिड़ी याज वाअहीं माआं ओर कोआय.16तियाह काजे ओमे जात कोइत इस्राएली पुडाऱ्योहों टोलू कोअ, आन तियांहां को, तुमाआं वेगाआ डाया अब्राहाम, इसाहाक आन याकोबोअ यहोवा देव माहूं दर्शन आपित कोइत ओं कोयो के आंय तुमापोअ आन तुमुहूं तारास देनारा मिसरवालापोअ बी नजर मिक्यीही;17आन मी ठरवीत लेदोहो के तुमुहूं मिसरोअ तारासोम रोत काडीत कनानी, हित्ती, एमोरी, परिज्जी, हिव्वी, आन यबूसी माहुंउं देसोम लेत जाहीं, जो एहेलुहू देस होय जिहींमेहें दुद आन मोदोअ तारी वोहत्यीही.”18“ताहां ते पुडारी ताआ गोठी माने; आन तु इस्राएलवाला डायहांहां आरी लेत कोइत मिसरवाला राजाआ जागे जात कोइत तियाहा एहें कोजी, ‘इब्रीइ, यहोवा देवोअरी आमू मिल्याहा; तियाहा काजे ओमे आमुहूं तिन दिहोअ वाट सालित कोइत जाअहूं दे; काहाके आमाआं यहोवा देवोहो गाराहा आपित सेको.’19माहूं मुंदू होय के मिसरोअ राजा वोडी सेक्ती ने देखे ताअहूं जाआं तुमुहूं ने जाअहूं देय.20तियाहा काजे आंय समत्कार देखाड़ीत कोइत माआ आथोअ सेक्ती वाअहीं मिसर देसोहो डोंड आपिहीं; तिहींइं फासाड़ी तो तुमुहूं जाअहूं देय.”21“ताहां मिसरवाले माअहें तुमापोअ मेरवानी कोए एहेलोहो आंय कोई देहीं; आन जेहेलाम तुमू निहाहा ताहां ठाल्ले आथेज ने निहाहा.22हरेक इस्राएलवाली बोईं जागेवाली मिसरवाली बोईंपोअ रोत होना-सांदीइ गोवणो, आन आंगड़े मागित लेय, आन तुमू तुमाआं बेटाह्हा-बेटिह्हीही पेवाड़हा; एहें कोइत तुमू मिसरवालाहां लुटहा.”
The Word for the World International