प्रेशित28
1जेहेलाम आमू वासाइत कोइत मेरे पोता, ताहां मुंदू गोयू के या बेटोअ नाव माल्टा होय.2तिहीं रोनारे माअहें आमाअरी जास्ती हाजे वाग्ये; काहाके पाईं बी पोड़तोतो आन हेलो बी लागतोतो, तिहीं वाअहीं तियां आग पेटाड़ीत कोइत आमू आखाहा हाद्या.3जेहेलाम पौलुसे एक पारु एतेहे लाकड़े टोलू वालीत आगी पोअ मिक्ये, तेहेलाम एक गोड़हू हेके वाअहीं निहींयू आन तियाआ आथोअरी वेट्लाइत गोयू.4जेहेलाम तिहीं रोनारे माअहें गोड़हू तियाआ आथोअरी वेट्लाइत रोल्यू देख्यू, ताहां तियां तियांआंज कोने वोल्ये, “हादामक्योज ओं माहुंउं माहोंणमारो ओय, दोर्याम रोत बोले वासात आयो, तेबी बोगवानोअ न्याय याहा जिवतो रोअहूं ने देदो.”5ताहरुउ तिये गोड़हाहा आगीम फोकड़ीत उडाड़्यू, आन तियाहा किज नुकसान ने ओवो.6पोन तें माहें वाट जोवतेते के तो हुजीत जाय नेत ताबुड़ फोपड़ीत मोइत जाय, पोन जेहेलाम हांहतेहे जाआं पाल्याज कोअयो पोन तियाहा किज बी ने ओवो. ताहरोअ तियांआं विसार बोदलात गोयुन कोने वोल्ये “ओं ते काविहीं देवुज होये.”7तिया जागाअ आहने पाहने पुब्ल्यास नावोअ आधिकार्योअ खेते ओते. तिये आमुहूं तियाआ कोअ लेत जात कोइत तीन दिही जाआं दोस्त्योंअ होस पावणा तोअया.8पुब्ल्यासोअ आब्हू जोराअरी आन बारथीइरी ओतू. तियाहा काजे पौलुस तियाअहीं कोअमेहें जात कोइत प्रार्थना कोअयी आन तियापोअ आथ मिकीत कोइत तियाहा हुदार्यु.9जेहेलाम एहेलोहो ओयो ताहां तिया बेटोपोअ रोनारे बाकी बिमारी माअहें बी आयेन हुदरीत गोये.10तियां आमुहूं वारुज भेटवस्तू आपीत जास्ती इज्जत कोअयी, आन जेहेलाम आमू जाना वोल्या तेहेलाम जो किबी वाटे जोवनारो ओतो तों जाहाजेम मिकी देदो.11तीन मोयनाआं फासाड़ी आमू अलेक्झान्डरीया वालाआ एकी जाहाजेम बोहीत कोइत निहीत पोड़्या, जे तिया बेटोपोअ हियालू सेकाड़तीते, आन तियी जाहाजेए नाव “जुड़वा पाही ” ओतो.12सुरकुसामेहें जाहाज उबी कोइत आमू तीन दिही काड्या.13तिहीं रोत आमू फिरीत कोइत रेगियुमोमेहें आया; आन एका दिहोअ फासाड़ी देहामी हावा साल्यी, ताहराअ आमू बिहरे दिही पुतियुलीमेहें आया.14तिहीं आमुहूं विश्वासी पाही मिल्या, ताहरोअ तियांआं कोयावाअहीं आमू तियांआं जागे हांत दिही जाआं रोया; आन एहें कोइत आमू रोमोमेहें आवया.15तिहींइं विश्वासी पाव्हीइले आमू आवताहा ओं उनाइत कोइत “अप्पियुस” नावोअ सौकड़ी आन “तीन सराय” नावोअ जागे जाआं आमुहूं मिले आवये. जियांहां देखीत कोइत पौलुसे देवोअ आभार मान्यू आन तियाहा हिम्मत जोड़्यी.16जेहेलाम आमू रोमोमेहें पोत्या, ताहरोअ पौलुसोहो तियाआ राखवाली कोअनारा एका सैनिकोअरी एखलाहाज रोअलाआ परवानगी जोड़्यी. रोमन होयरोअ सड़केए देखावु17तीन दिहोअ फासाड़ी तिये यहुद्याआं पुढार्योहों हाद्या, आन जेहेलाम ते टोलू वोल्या, ताहां तियांहां कोयो, “माआं होगा पायहों, आंय आपाअ नेत वेगाअ डायहांअ रुढ़ीइ विरुद्दाम किज नाहां कोअयो, तेबी माहूं तोइत येरुसालेमोमेहें रोत रोमनवालाआ आथोम होपी देदू.18तियां माहूं फारकीत कोइत सोड़ी देअलोअ कोअयो, काहाके मामेहें मोतोअ जोगुहू कोड़लूज गुनू ने ओतू.19पोन जेहेलाम यहुद्यां याआ विरोध कोअयू, ताहां माहूं कैसरोहो विनंती कोअहूं पोड़्यी: माहूं माआं होगा पोअ एखु दोश लागाड़ीइलू एहेलोह बी ने ओतो.20पोन आंय ताम तुमुहूं मिलीइलोन गोठी कोइलोअ काजे हाद्याहा; काहाके आंय इस्राएलोअ आशाआ काजे यी हाकले वाअहीं बांदाअयुहू.”21तियां पौलुसोहो कोयो, “ने आमुहूं ताआ बाप्तिमेहें यहुदीया रोत सिट्टी जोड़्यी, आन ने होगा पायहोमेर्योअ एखो आवित ताआ बाप्तिमेहें काविहीं कोयो, के ने बाक्तो कोयो.22पोन ताआ विसार की होय तो आमू तापोअ रोत उनाअहूं कोअताहा, काहाके आमुहूं मुंदू होय के हारेक जागे या पंथाआ विरुद्दाम माअहें गोठी कोअतेहे.”23ताहराअ तियां पौलुसोअ काजे एक दिही ठरव्यू, आन वारुज माअहें तियाआ जागे टोलू वोल्ये, आन तो देवोअ राजोअ गोठी कोतापतू रोयू, मोशेए नियमोअ आन भविश्यवक्ताआ पुस्तकोम रोत वेग्र्युउ रोत ते हांजेपोअ जाआं ईसुउ बाप्तिमेहें समजाड़ी समजाड़ीइ कोतापतू रोयू.24ताहराआ थोड़ाक जोओं तियीं गोठीही मानित लेदी, आन थोड़ाक जोओं विश्वास ने कोअयू.25जेहेलाम तियां तियांजमेहें एक मत पोड़्यो, ताहराआ पौलुसोअ ए गोठ कोताजमेहें ते वेरात गोया: “पवित्र आत्मा यशया भविश्यवक्ता वाअहीं तुमाआं वेगाआ डायहांहां बोराबरुज कोयो!26“‘जात कोइत यां माअहुंहूं को,के उनाअते ते रोहा, पोन ने समजाहा,आन पालते ते रोहा, पोन ने देखहा; 27काहाके यां माअहुंउं मोन नादान ओत गोयोहोआन कान बोयरात गोयाहा,आन तियां डोआ मिसीत लेदाहा,नेते तें डोआ वाअहीं देखते,कानो वाअहीं उनाअते,मोनो वाअहीं समजीइते,माअहें फिरते,आन आंय तियांहां हुदारतू.’ एहें कोत देव कोहे.”28“तियाहा काजे तुमू ओलखा के देवोअ ओ तारणोअ संदेश बिगर यहुदीइ जागे मोकलाअयहू, आन तें उनाये!”29जेहेलाम तिये ओं कोयो ताहां यहुदी तियां तियांआं जाअखीलेहे सुलाए वोल्ये आन तिहीं रोत जाते रोये. 30पौलुस पुरे बेन वोरह्ये जाआं तिया पाड़े लेदला कोअमेहें रोयू,31आन जे तियाआ जागे आवतेते, तियां आखाहा मिलतू रोयू आन हिम्मत कोइत देवोअ राजोअ परसार कोअतू रोयू आन प्रभु ईसु ख्रिस्ताआ गोठी सिकाड़तू रोयू.
The Word for the World International