1 तिमथ्या6
1जेतेहे जोएं गुलामीइ जुहरोअ निसे होय, ते जिव जिवोअ मालिख्योहों खुब आदर आपुहूं जोवे, काहाके देवोअ नावोअ आन शिक्शणोअ बदनामी ने ओवुहूं जोवे.2जियांआं मालिख विश्वासी होय तियांहां ते पाही होय कोत कमी ने मानुहूं जोवे, पोन तियांआं फाश्यीइ बी सेवा कोअहूं जोवे, काहाके याअ वाअहीं लाभ लेनारे विश्वासी आन मेराले होय. यीं गोठीही सिकाडतु ले आन समजाड़तु ले.3जर एखू बिहीरीज जातीइ हिकवोण आपेहे आन खोरी गोठी, मोन्ज्ये आपाअ प्रभु ईसु ख्रिस्ताआ गोठीही आन तियी हिकवोणोहों नाहां मानतु, जे भक्तीइ इसाबोवाअहीं होय,4ताहां तो वोडार्यु ओत गोयुहू आन किज नाहां जांअतू; पोन तियाहा भान्गड़ आन शब्दापोअ तोणाइलोअ रोग होय, जियावाअहीं खोद्राय, राड़ी, रोवाआ गोठ्यी, आन खाराब खाराब सौंसु,5आन तियां माहूंमेहें बिगर कामोअ राड़ी-भान्गड़ी उत्पन्न ओवतिही, आन जियांआं बुद्दी बिगड़ीत गोयीही, आन ते सत्याअहीं रोत नांबे जाते रोयेहे, जे होमजीइतेहे के भक्ती वोडी कामायीइ दरवाजू होय.6पोन होय तियाजमेहें खुस रोय ताहां भक्ती वोडी कामाय होय.7काहाके आपू दुन्यामेहें किज नाहां लेताये आन नाहां की लेत जात सेक्ते.8जर आपापोअ खाअलोअ आन फांगीइलोअ रोयो, ताहां तियाजमेहें खुस रोअहूं जोवे.9पोन जें मालदार बोणुहूं होदतेहे, तें एहलीही परिक्शा आन फांदाम आन वारुज एहलीही बिगर कामोअ आन नुकसान कोअनारी लालसोम गुसवाअतेहें, जे माहुंहूं बिगाड़ीत टाकेहे आन तारासोअ दोर्याम बुडाड़ीत टाकेहे.10काहाके रुप्याअ लालस आखी जातीइ खाराब गोठीइ मुल होय, जियाहा मेलविइलोअ काजे मेहेंनत कोअते जात केतेहे जोएं विश्वासोम रोत भटकीत कोइत सोताहा बातीवानीइ दुखोवाअहीं सारी बोणावीत लेदोहो.11पोन ए देवोअ माटी, तु यीं गोठी रोत सेटे भाग, आन सती जिवन, भक्ती, विश्वास, मेर, धिर आन नम्रताआ फाटी लाग.12विश्वासोअ लड़ाय वारुहूं लड़जी; आन तिया अमर जिवनोहो तोइत ले, जियाअ काजे देवे ताहूं हाद्युहू आन वारुज साक्शीदारोअ सामने हाजी कबुली आप्यीते.13आंय ताहूं, देवोहो जो आखाहा जिवतु मिकेहे, आन ख्रिस्त ईसुहू साक्शी कोइत तुमू पंतीयुस पिलातोअ सामने विश्वासोअ हाजी कबुली आप्यी, ओ आदेश आपोहो14के तु आपाअ प्रभु ईसु ख्रिस्त देखाय ताअहूं जाआं या आदेशोहो इमानदारी वाअहीं आन निर्दुस मिकजी,15जियाहा तो बराबोर वेलेपोअ देखाड़े, जो परमधन्य आन एक्कुज मंत्री होय, आन राजाअ राजा आन प्रभुउ प्रभु होय.16तो एखलुज कायम जिवतु होय, आन वोडा उजालाम रोहे, आन नाहां तियाहा कोडो माअहुंउं देख्यू आन ने केदिहीं पालित सेकनारो. सन्मान आन राज्य हादाजलम तियाआज रोय! आमेन.17यी दुन्याआं कुन्ब्योहों आदेश आप के, ते वोडाय ने कोअहूं जोवे, आन ताबुड़ उडीत जानारा पोशापोअ आशा ने कोअहूं जोवे, पोन जो आपाअ सुखोअ काजे आखोज पुरीत उगरे एतोहो आपेहे तिया देवोपोअ आशा मिकुहूं जोवे.18ते हाजो कोअहूं जोवे, आन हाजा कामोमेहें मालदार बोणुहूं जोवे, आन खुल्ला मोनोवाईं मदत कोइलामेहें उतवाल्या रोअहूं जोवे,19आन आगाड़ीइ दिहोअ काजे एक हाजू पायू टाकीत लेअहूं जोवे के, खोरा जिवनोहों ताबामेहें कोइत सेके.20ए तिमथ्या, ताआ आथोम जो होप्योहो, तियाहा वारुहूं सांबालित मिकजी; आन फालतु विरोद आन फोगायीइ गोठीम रोत सेटे रो.21केतेहे जोएं तिया ज्ञानोहो स्विकार कोइत विश्वासोम रोत भटकीत गोयेहे.
तुमा आखापोअ देवोअ मेरवानी ओवती रोअहूं जोवे.
तुमा आखापोअ देवोअ मेरवानी ओवती रोअहूं जोवे.
The Word for the World International