1 तिमथ्या2
1ओमे आंय आखा रोत पेल ए विनंती कोअहो के, विनंती, प्रार्थना, निवेदन आन धन्यवाद आखा माअहोंअ काजे कोअहूं जोवे.2राजहां आन बादा उसा पदोवालाआ वाखरी याअ काजे प्रार्थना कोआ, काहाके आपुहूं आरामसीर आन होकेहे पुरी भक्ती मेहें आन वारुहूं जिवन जिवीत सेकाय.3ओं आपुहूं वासाड़नारा देवोहो हाजो लागेहे आन गोमेहें बी,4तो ओं होदेहे के आक्खा माअहुंउं सुटका ओवुहूं जोवे, आन ते सत्याआ ओकलेहे हाजीहुतायी ओलखीत लेय.5काहाके देव एकुज होय,आना देवोअ आन माअहोंअ विसमेहें मोन्जे माहुंउं जो ईसु ख्रिस्त ओ माटी एक्कुज वोग्यु होय.6जिये आखाआ सुटकाअ काजेहे सोताहा आपी देदू, आन तियाआ साक्शी बोराबर वेले पोअ आपाअयी.7आंय खोरीज कोहो, नाहां ठोगतु, के आंय या उद्देशो वाअहीं परसारक आन प्रेशित आन बिगर यहुदीइ काजे खोरा विश्वासोअ मास्तर सत्याआ पुकारु कोअनारु ठरवाअयुहू.8तियाहा काजे माअ इश्शा होय के हारेक उपासोअ जागे माटी विण खोतेए आन बिगर सोबी लाग्येज पवित्र आथोहो उसा कोइत प्रार्थना कोअया कोआ.9तेहेंज कोइत बोईं बी विश्वास आन समजदारीम हाजा साअका वाअहीं सोताहा होबाड़ुहूं जोवे; निस्त सिंग्ये गुथीइलो आन होनो, मोती आन मोगला साअका वाअहीं एतोज नाहां;10पोन हाजा कामों वाअहीं, काहाके देवोअ भक्ती कोअनारी बायहींहीं ओंज होबेहे बी.11बोईं ठावकीज रोत पुरा ताबामेहें रोत कोइत सिकाअहूं जोवे.12आंय कोहो के बोईंहीं सिकाडीलाअ परवानगी कायनाहां, आन माट्योपोअ आधिकार सालाडीलाअ परवानगी कायनाहां, पोन ठावकीज रोअहूं जोवे.13काहाके आदाम पेल, तिहींइं फासाड़ी हव्वाहा बोणावयी.14आन आदाम नाहां ठोगाअयु, पोन बोईं ठोगाइत कोइत देवोअ नियम तोड़्यू.15तेबी बोईं पोर्ये जोणीइलो वाईं वासाइत जाय, जर ते समजदारीम विश्वास, मेर, आन सोकायीमेहें मजबुत रोय ताहां.
The Word for the World International