1 योहान4
1माआं मेराला दोस्तां, आखाज आत्माआं विश्वास मा कोअहा, पोन तें देवोअ वोलेहे रोत होय के नाहां तों फारकीत पाला; काहाके वारुज ठोग भविश्यवक्ता दुन्याम उठीत पोड़्याहा.2देवोअ आत्माहां तुमू एहेंकोइत ओलखीत सेकतेहे के; जो भविश्यवक्ता ईसु ख्रिस्त माअहोंअ रुपोम आयुहू आन तो देवोअ वोलेहे रोत होय एहें कोत मानित लेहे, तियाम देवोअ आत्मा होय.3पोन जे आत्मा ईसुहू नाहां मानती, ते देवोअहें रोत कायनाहां; आन तेज ताम ख्रिस्ताआ दुस्मोन आत्मा होय. याआ बाप्तिम तुमू होंबलीत सुकेहे के, ते आवनारी होय, आन ते ओमेज बी यी दुन्याम होय.4पोन माआं मेराला पोऱ्या, तुमू देवोअ होय, आन तुमू तियां आत्माहां हारवी देदेहे; काहाके जो आत्मा तुमामेहें होय, तो दुन्याम जो होय, तिया रोत जाअखु वोडू होय.5तें आत्में दुन्याआ होय, तियाहा कोत तें दुन्यादारीइ गोठी कोतापतेहे, आन दुन्या तियांआं गोठी उनाअतिही.6पोन आपू ताम देवोअ होय, जों कोडो देवोहो ओलखेहे तों आपाआ गोठी होंबलेहे; जो कोडो देवोहो नाहां ओलखीइतो, तों आपाआ गोठी नाहां होंबलीइतो. ताहां यावाईं आपू सत्याआ आत्मा आन ठोग आत्माहां ओलखीत सेकतेहे.7मेराला दोस्तां, आपू एकमेकापोअ मेर कोअहूं जोवे, काहाके मेर देवोअहें रोत होय. जों कोडो मेर कोअहे, तों देवोअ उबज्योहो आन तों देवोहो ओलखेहे.8जों मेर नाहां कोअतो तों देवोहो नाहां ओलखीइतो, काहाके देव मेर होय.9देवे तियाआ एखलु बेटुह्हू यी दुन्याम मोकल्युहू, तो याअ काजे काहाके आपुहूं तिया वाईं अमर जिवन जोड़ुहूं जोवे. एहें कोइत तिये आपापोअ मेर देखाड़्यिही.10आपू देवोपोअ मेर कोअयी एहलोहो नाहां, पोन तिये आपापोअ मेर कोअयी आन आपाआ पापोअ वोतीइ गाराहा कोत तियाआ बेटाह्हाहा मोकल्यू; याजमेहें खोरी मेर देखाअहे.11मेराला दोस्तां, जाहां देवे आपापोअ एहेंकोइत मेर कोअयी, ताहां आपू बी एकमेकापोअ मेर कोअहूं जोवे.12देवोहो आज कोडे केदिहींज नाहांजी देख्यू; जर आपू एकमेकापोअ मेर कोअहूं ताहां देव आपाम रोहे, आन तियाआ मेर आपामेहें पुरो ओवेहे.13इंहींज वाईं आपुहूं समजाअहे के देव आपामेहें रोहे आन आपू तियामेहें रोतेहे; काहाके तिये सोताआ आत्मा आपामेहें मिक्युहू.14आन आमू देखीत बी लेदुहू आन साक्शी बी आपताहा के देव आब्हे तियाआ बेटाह्हाहा दुन्याआं तारनारु कोत मोकल्युहू.15जो कोडो “ईसु देवोअ बेटुह्हू होय” एहें कोत कबलेहे, तियाअरी देव रोहे आन तों देवोअरी रोहे.16आपापोअ देवोअ मेर केतीही तों आपू ओलख्योहो, आन तियी मेरेपोअ आपाआ भरिवसू होय.
देव मेर होय, आन जों मेरेम जिवेहे तों देवोअरी रोहे आन देव तियाअरी रोहे.17यावाअहीं आपामेहें मेर पुरी ओवीही, तों याअ काजे के न्यायनिवाड़ु ठरवीइलोअ दिही आपाम हिम्मत रोअहूं जोवे; काहाके जेहेंकोइत ख्रिस्त होय तेहेंज कोइत आपू बी यी दुन्याम होय.18मेरेम बिक नाहां रोती; हारीपुरी मेर बिकुज काडीत टाकेहे; काहाके बिक रोयी ताहां डोंड जोड़ेज ओ विसार रोहे, आन बिकऱ्यो माहुंउं मेरेम पाक्को नाहां ओवो.19पेल देवे आपापोअ मेर कोअयी, तिहींइं काजे आपू मेर कोअतेहे.20जर एखु कोय, “आंय देवोपोअ मेर कोअहो,” पोन तियाआ पायहोअ सीस कोअतोय ताहां तों ठोग होय; जर तों तियाआ सामने देखाअनारा पायहोपोअ मेर ने कोअतोय, ताहां तों तियाआ सामने ने देखाअनारा देवोपोअ की कोइत मेर कोइत सेकेहे?21जों कोडो देवोपोअ मेर कोअतोय तों तियाआ पाव्हीइलापोअ बी मेर कोअहूं जोवे, ओ ख्रिस्ताआ आदेश होय.
देव मेर होय, आन जों मेरेम जिवेहे तों देवोअरी रोहे आन देव तियाअरी रोहे.17यावाअहीं आपामेहें मेर पुरी ओवीही, तों याअ काजे के न्यायनिवाड़ु ठरवीइलोअ दिही आपाम हिम्मत रोअहूं जोवे; काहाके जेहेंकोइत ख्रिस्त होय तेहेंज कोइत आपू बी यी दुन्याम होय.18मेरेम बिक नाहां रोती; हारीपुरी मेर बिकुज काडीत टाकेहे; काहाके बिक रोयी ताहां डोंड जोड़ेज ओ विसार रोहे, आन बिकऱ्यो माहुंउं मेरेम पाक्को नाहां ओवो.19पेल देवे आपापोअ मेर कोअयी, तिहींइं काजे आपू मेर कोअतेहे.20जर एखु कोय, “आंय देवोपोअ मेर कोअहो,” पोन तियाआ पायहोअ सीस कोअतोय ताहां तों ठोग होय; जर तों तियाआ सामने देखाअनारा पायहोपोअ मेर ने कोअतोय, ताहां तों तियाआ सामने ने देखाअनारा देवोपोअ की कोइत मेर कोइत सेकेहे?21जों कोडो देवोपोअ मेर कोअतोय तों तियाआ पाव्हीइलापोअ बी मेर कोअहूं जोवे, ओ ख्रिस्ताआ आदेश होय.
The Word for the World International