1करिन्थ8
1ओमें आंय मुर्तीही पुंजल्यी वस्तुउ बाप्तिम कोत आपोहो. यी गोठीइ आपुहूं मुंदू होय के, “आखाहा ज्ञान होय.” ज्ञान वोडाय सोढ़वेहे, पोन मेरे वाअहीं पानगाय ओवेहे.2जर एखाहा लागतोय के माहूं थोड़ुक मुंदू होय, ताहां जेहेलुहू मुंदू जोवे तेहलुहू ओमे जाआं नाहां जी मुंदू.3पोन एखू देवोहो मेर कोअतुय, ताहां देव तियाहा ओलखेहे.4तियाहा काजे मुर्तीइ सामने पुंजल्यी वस्तु खाअलोअ बाप्तिम आपुहूं मुंदू होय के, मुर्ती यी दुन्याम किज बी कायनाहां आन एकाहा सोड़ीत बिहीरु देव कायनाहां.5काहाके होरगाम आन धरतीपोअ देव कोत कोवड़ाअनारा खेल होय, तेहलाहा खेल देव आन खेल प्रभु ओय.6पोन आपाअ काजे तोम एकुज देव जो बाह्हू होय, तियाआ आथे आखो बोण्योहों, आन आपू तियाआज काजे होय. आन फक्त एकुज प्रभु मोन्ज्ये ईसु ख्रिस्त होय. जियाअ आथे आखोज ओवो, आन आपू बी तियाज वाअहीं जिवतेहे.7पोन आखाहाज या सत्याआ बाप्तिम नाहां मुंदू, तेबी थोड़हा माअहुंहूं मुर्तीइ एतीही सवाय ओत गोयीही के, आज बी तें एहेलुहू रोटू खातेहे, ताहां विसार कोअतेहे के ए मुर्तीइ पुंजल्यी वस्तु होय, आन तियांआं दिमाक कमजोर होय तिहीं वाअहीं तें विसार कोअतेहे के, रोटा वाईं एठे बोणीत जातेहे.8रोटावाईं देवोअ सामने आपाआ लायकी नाहां ठरती. आपू तों ने खांव तेबी किज नुकसान कायने, आन आपू खाहूं तेबी किज फायदू कायनाहां.9पोन हेअजा! तुमाआं ए सुट कमजोर विश्वासी माहुंउं काजे अड़सन ने बोणुहूं जोवे, आन तें पापोम ने पोड़ुहूं जोवे.10काहाके ताहूं ज्ञानीही मुर्तीइ जागे रोटू खानु बोठलू देखीत तिया कमजोर मोनोवाला विश्वासीइ दिमाक मुर्तीही पुंजल्यी वस्तु खाअलोअ काजे तियार ने ओत जाय के?11आन जियाअ काजे ख्रिस्त मोयु एहेलोहो कमजोर विश्वासी पाव्हीइलो ताआ या ज्ञानोवाअहीं आरवात जाहे.12एहें कोइत बिहीरा पाव्हीइलाआ विरुद्दाम गुनू कोइलो आन तियांआं कमजोर दिमाकोहो दुख देअलोअ वाखरी तुमू ख्रिस्ताआ विरुद्दाम गुनू कोअतेहे.13तियाहा काजे जर माआं पाव्हीइलाहा माआं खाअलो वाअहीं अड़सन ओवतीय ताहां, माआं पायहोअ कोअते आंय अड़सन ने बोणुहूं जोवे कोत आंय माहां केदिहीं ने खांव.
The Word for the World International