1करिन्थ3
1माआं पाव्हीइला, आंय तुमाअरी फोला आत्मिक माअहोंअरी गोठी कोअहो तेहलुहू ने गोगित सेक्यू. पोन आंय तुमाअरी दुन्यादारीइ माअहोंअरी गोगत्लू जेहें आन ख्रिस्तामेहें नविल विश्वासी माअहोंअरी जेहें गोग्यू.2मी तुमुहूं दुध पियतेहें आप्यो, रोटू ने खावाड़्यू; काहाके तुमू वातड़ू रोटू ने खात सेकतेते; फाश्येए ओमें बी नाहां खात सेकते.3काहाके तुमू ओमें जाआं दुन्यादारीइ जिवन जिवतेहे. काहाके तुमामेहें खोद्राय आन भान्गड़्यी सालू होय, ताहां तुमू दुन्यादारीइ होस नाहां के? आन दुन्याआं माअहोंअ होस नाहां सालते के?4काहाके जाहां एक कोहे “आंय पौलुसोअ होय,” आन बिहीरु कोहे, “आंय अपुल्लोसोअ होय,” ताहां तुमू सादा माअहोंअ होसुज के नाहां?5अपुल्लोस कोडू होय, आन पौलुस कोडू होय? आमू फक्त देवोअ सेवक होय, जियां वाअहीं तुमू विश्वास कोअयू, जेहलोहो प्रभु हारेक जोओंहों काम वाटीत आप्योहो तिया इसाबो वाअहीं आमू आमाआं काम कोअताहा.6मी बीज ठांअयो, अपुल्लोसे पाईं ओल्यो, पोन देवे वोडो कोअयो.7ताहां ठांअनारु किज कायनाहां आन पाईं ओलनारु बी किज कायनाहां, पोन देव जो वोडो कोअनारु होय तोज आखो होय.8ठांअनारु आन पाईं ओलनारु बेनू एकुज होय; पोन हारेक जोओंहों जिया तियाआ कामोअ इसाबो वाअहीं मोजरी जोड़े.9काहाके आमू देवोअ कामोमेहें गोवांद्या होय; तुमू देवोअ खेत आन देवोअ आवाली होय.10देवोअ मेरवानी वाईं माहूं जों बी आप्योहो, तों आंय हुशार बांदकामोअ कारागिरोअ होस पायू टाक्यु आन बिहीरु तियापोअ बांदकाम कोअहे, तो तियापोर्योअ बांदकाम कि कोइत कोअहे तियाआ कालजी लेअहूं जोवे.11काहाके ईसु ख्रिस्त ओ निस्तु एक्कुज पायू होये, ताहां बिहीरो कोडोज फाशोअ बिहीरु पायू नाहां टाकीत सेकतो.12जर एखू तिया पायापोअ होनो, सांदी, मोगलू डोण, लाकुड़, खोड़ नेत खाटक्या वाअहीं बांदे,13ताहां आखाआ कामोअ गोठ देखात जाय; काहाके तो दिही तियाहा कोये, याअकाजे के तें आगीवाईं प्रगट ओवे आन आग आखाआ कामोंहों फारके के तें कामें केहेलेहे होय.14जियाअ बी काम तिया पायापोअ टिकीत रोये, तियाहाज मोजरी जोड़े.15पोन जियाअ काम पेटात जाय, तियाआ नुकसान ओवे; तों सोताहा वासात जाय, पोन आगीम रोत बारथे ओसकीत काड्ल्याआ होस वासाय.16तुमू देवोअ मंदिर होय आन देवोअ आत्मा तुमामेहें रोहे ओं तुमुहूं नाहां मुंदू के?17जर एखू देवोअ मंदिरोहो आरवे, ताहां देव बी तियाहा आरवे; काहाके देवोअ मंदिर सोको होय, आन तों तुमूज होय.18कोडो बी सोताआ जिवोहो मा ठोगहा, जर एखू दुन्याआं नजरेमेहें हुशार गोणाअतुय तो हुदाअलीज हुशार बोणिइलोअ कोअते फोगू बोणीत जाअहूं जोवे, मोन्ज्ये हुशार बोणीत सेके.19काहाके यी दुन्याअ ओकल देवोअ नजरेमेहें फोगाय होय; जेहें कोइत वसनोम लेख्योहो, “देव बुद्दीमानोहों तियांआंज हुशारीम फसाड़त्लू.”20आन फाशुउ, “प्रभु हुशारोअ विसारोहों ओलखेहे के, ते बिगर कामोअ होय.”21तियाहा काजे माहुंउं वोडाय ने कोअहूं जोवे, काहाके आखी गोठी तुमाआंज होय.22ताहां पौलुस, नेत अपुल्लोस, नेते केफा, नेत ए दुन्या, नेत जिवन, नेत मोत, नेते आज्योअ, नेताहां भविश्य, ओं आखो तुमाआं होय.23आन तुमू ख्रिस्ताआ होय आन ख्रिस्त देवोअ होय.
The Word for the World International