1करिन्थ15
1माआं पाव्हीइला, ओमे आंय तुमुहूं पेल कोयी तेज हाजी बातमी कोत आपोहो, जे तुमू स्विकार कोअयीते आन जिहीं पोअ तुमाआं विश्वास मजबुत उबू होय.2तियी हाजी बातमी वाअहीं तुमू वासाअयेहे, जे आंय तुमुहूं कोत आप्यीते आन जर तियीइ ओर मिकतेय ताहां हाजो; नेत तुमाआं विश्वास बी वाया होय.3तियाहाज काजे आंय आखाम रोत पेल तेज गोठ तुमुहूं पोताड़ी देदी, जे माआं जागेहे पोतीते, तिहींमेएं जास्ती कामोअ गोठ ए होय के, पवित्रशास्राम लेखल्या वसनोअ परमाणे ख्रिस्त आपाआ पापोअ काजे मोइत गोयू.4आन तियाहा डाटी देदू; आन पवित्रशास्राम लेखल्या वसनोअ परमाणे तो तीन दिहोम फाशुउ जिवीत बी उठ्यू.5आन केफाहा तिहीं रोत बारा प्रेशितोहों देखाअयू.6तिहींइं फासाड़ी तो पास होवो रोत बी जाअखा पाव्हीइलाहां एकवाऱ्युज देखाअयू. तिहीं मेर्येए वार जोएं ओमें जाआं जिवतेज होय, पोन थोड़हे मोइत गोये.7फाशुउ तो याकोबोहो देखाअयू, तिहीं रोत आखा प्रेशितोहों देखाअयू.8आखाआ फासाड़ी माहूं बी देखाअयू, जो आरदी वेलेपोअ उब्जीइल्यु एहेलुहू होंव.9काहाके प्रेशितोमेएं आखाम रोत हानू होय, एतुहू हानू के प्रेशित कोवड़ाइलोअ बी लायक कायनाहां, काहाके आंय देवोअ मंडड़ीही तारास देद्लू.10पोन आंय जो बी होय, तो देवोअ मेरवानी वाअहीं होय. जे मेरवानी तिये मापोअ कोअयी, ते वाया ने गोयी. काहाके बिहीरा प्रेशितों रोत वादार मी मेहेंनत कोअयी आन ओं माआं तरफ से नाहां, पोन देवोअ मेरवानी मापोअ ओवी.11तियाहा काजे आंय जो बी ओय, नेत तें ओय, आमू ओंज परसार कोअताहा आन याज पोअ तुमू विश्वास बी कोअयुहू.12पोन ओमें, ख्रिस्त मोल्याम रोत फाशुउ जिवित उठ्यूहू एहेलिही बातमीइ परसार आपू कोअताहा ताहां तुमामेर्येए वारुज जोएं कोतेहे मोल्याम रोत जिवता उठीइलोअ होयज नाहां ओं केहें?13जर मोल्याम रोत जिवित उठीइलाआ ने ओय, ताहां ख्रिस्त बी जिवित नाहां उठ्यू.14आन जर ख्रिस्त मोल्याम रोत ने जिवित उठ्युय ताहां आमाआं संदेश बी वायेज गोयू, आन तुमाआं विश्वास बी वायेज होय.15मोन्ज्ये आमू देवोअ बाप्तिम ठोगोअ साक्शीदार ठर्या; काहाके आमू देवोअ बाप्तिम ए साक्शी आप्यीही के तिये ख्रिस्ताहा जिवाड़ी देदू, जर ने जिवाड़्यू ताहां मोल्ये बी ने जिवित उठते.16आन जर मोल्ये नाहां जिवित उठते ताहां ख्रिस्त बी नाहां जिवित उठ्यू;17आन जर ख्रिस्त नाहां जिवित उठ्यू, ताहां तुमाआं विश्वास वायेज होय, आन तुमू ओमें जाआं सोताआ पापोमेहें फोशेहे.18आन जे ख्रिस्तामेहें हुवित गोयेहे, तें बी आरवात गोये.19जर आमू फक्त यी दुन्यादारीइ जिवनोअ ख्रिस्तापोअ एतीज आशा कोओ, ताहां बाकी माअहों रोत जास्ती टोटामेहें देखाअताहा.20पोन खोरीज ख्रिस्त मोतोम रोत जिवित उठ्युहू, आन जे हुवित गोयेहे तियांमेएं तो पेल्लोअ फल होय.21काहाके जेहेलाम माहूंवाईं मोत आयो, ताहां माहुंउं मोतो वाअहींज मोतोम रोत जिवित उठीइलो बी ओयो.22आन जेहलोहो आदामोमेहें आखे मोअतेहे, तेहेंज कोइत ख्रिस्तामेहें आखे जिवते ओवे.23पोन हर एक जोओं जिया तियाआ पाड़ीइ वेलेज: ख्रिस्त पेल्लोअ फल होय, तिहीं रोत ख्रिस्त आवे ताहां तियाआ माअहें जिवते ओवे.24तिहींइं फासाड़ी आखरी ओवे, तेहेलाम हर एक सत्ता, आन आखा आधिकार, आन सेक्तीही ख्रिस्त जिकीत लेय आन देव बाह्हाआ आथोम होपी देय.25काहाके जाअहूं जाआं आखा दुस्मोन तियाआ गुडाआ थुड़ी ने आवे ताअहूं जाआं तियाहा राज सालाडीइलोअ जरुरी होय.26आखाम रोत आखरीइ दुस्मोन मोन्ज्ये मोत होय, तो माइत टाकाय.27काहाके वसन कोहे, “देवे आखी गोठी तियाआ गुडाआ थुड़ी कोइ देदीही,” पोन जेहेलाम तो कोहे के “आखी गोठी तियाआ ताबाम कोइ देदीही,” ताहां ओं खुल्लो देखाअहे के तो सोताहा आलांग रोयू.28आन जेहेलाम आखो बादो तियाआ ताबाम आवित लागे ताहां, बेटुह्हू सोताहा तियाआ ताबाम आवित लागे जिये आखो तियाआ ताबाम कोइ देदो, मोन्ज्ये देव बाह्हूज आखामेहें आखोज रोय.29नेत जे माअहें मोल्याआं काजे बाप्तिस्मा लेतेहे तियांहां कि जोड़नारो? जर मोल्ये माअहें जिवित ने उठते, ताहां तें तियांआं काजे बाप्तिस्मा काहा लेते?30आन आमू बी ताल ताल तारासोम काहा पोड़ताहा?31माआं पाव्हीइला, प्रभु ईसु ख्रिस्ताम माहूं जे तुमाआं बाप्तिम वोडाय होय, तिया वाईं कोहो के आंय दाड़ख्युउ मोतोअरी सुलाअहो.32जर मोनवीइ सोभावोअ परमाणे इफिसोमेहें रानठ्या जनवारोअरी लड़ाय कोअयी, ताहां माहूं कि जोड़्यो? जर मोल्ये जिवते ने ओवे “ताहां साला, खात्लान-पित्ला, काहाके हांदाआ तोम मोइलोज होय!”33ठोगाअहा मा, “बाक्ती हेंगात हाजी सोवायिही बिगाड़ी देहे.”34हाजी गोठीइ काजे जागित उठा आन पाप मा कोअहा; काहाके तुमामेहें थोड़ेक जोएं देवोहो नाहां ओलखीइते. आंय तुमुहूं लाजवाड़ीलोअ कोअते एहें कोहो.35ओमें एखु ओं कोय के, “मोल्ये कि कोइत जिवित उठतेहे, आन केहेलाहा डिलोम तें आवतेहे?”36ए फोगा! तु जों बी ओअहे, तों जाअहूं जाआं ने मोए ताअहूं जाआं नाहां जिवतो.37आन जों तु ओअहे तों आवनारा दिहोम जोड़े तो डिल नाहां ओअतू, पोन खाली दाणू ओअहे; तो गोंवोंअ नेत बिहीरा किहाआ बी ओय.38पोन देव तियाआ मोर्जी वाअहीं तियाहा डिल आपत्लू, आन हारेक बिजोहो तियाआ वावड़्यो डिल आपत्लू.39आखाआ डिल एकाआ होस नाहां: माहुंउं डिल बिहीरो होय, जनवारोअ डिल बिहीरो होय; सिड़ाआं डिल बिहीरो होय; मासाआ डिल बिहीरोज होय.40होरगाआ डिल होय आन धरतीइ डिल बी होय. पोन होरगाआ डिलोअ उजालो आलांगुज होय. आन धरतीपोर्योअ आलांग.41दिहोअ उजालो आलांग होय, सांदोअ उजालो आलांग होय, आन ताराआ उजालो आलांग होय, काहाके एका ताराआ उजालो बिहीरा तारा रोत आलांग होय.42मोल्याआं जिवित उठीइलाअ बी एहेंज कोइत होय. मोल्यो डिल धरतीमेहें डाटाअहे आन हादाजल्म्योंअ जिवनोमेहें जिवित उठेहे.43तों अपमानोमेहें ओआअहे, आन महिमाअरी जिवीत उठेहे; विण कमजोरीम ओआअहे, आन ताकतोम जिवीत उठेहे.44कादवोअ डिल रेटी देतेहे, आन आत्मिक डिल जिवित उठेहे: जेहें कोइत कादवोअ डिल होय तेहें कोइत आत्मिक डिल बी होय.45एहेंकोइत लेख्योहो बी के, “पेहलु माटी आदाम जिवतु जिव बोण्यु” पोन आखरीइ आदाम, जिवन आपनारु आत्मा बोण्यु.46पेल आत्मिक ने ओतो, पोन सादो ओतो, आन सेलवाआ आत्मिक बोण्यो.47पेहलु माटी धरतीमेहें रोत कादवोअ बोण्युतो; दुसरु माटी होरगाम रोत होये.48जेहें कोइत तो कादवोअ ओतू, तेहें कोइत तें बी होय जें कादवोअ होय; आन जेहें कोइत तो होरगाआ होय, तेहें कोइत तें बी होय जें होरगाआ होय.49आन जेहें कोइत आपू तियाआ कादवोअ रुप लेदू, तेहेंज कोइत तियाआ होरगामेर्युउ रुप लेहूं.50पाव्हीइलां, आंय एहें कोहो के, माहां आन रक्त देवोअ राजोअ आधिकारी नाहां ओत सेकतो, आन आरवाअनारो विण आरवाअनाराआ आधिकारी नाहां ओत सेकतो.51पाला, आंय तुमुहूं एक निकाअली गोठ कोहो: आपू आखे नाहां मोअनारे, पोन आखे बोदलाइत जानारे होय.52आन ओं एकाज तालोमेहें आखरीइ तुरी फुकताज वाआ ओवे. काहाके तुरी फुकाय आन मोल्ये माअहें हादाजल्म्याआं जिवनोमेहें विसाइत जाय, आन आपू बोदलाइत जाहूं.53काहाके गरज बी होय के, ओं आरवाअनारो डिल ने आरवाअनाराम बोदलाइत जाय, आन ओं मोअनारो डिल अमरोम बोदलाइत जाय.54आन जेहेलाम आरवाअनारो ओं ने आरवाअनारामेहें बोदलाइत जाय, आन ओं मोअनारो अमरोमेहें बोदलाइत जाय, तेहेलाम जों वसन लेख्योहो तों पुरो ओत जाय: “जिक मोतोहो गिईंत लेदो.55“ए मोत, ताआ जिक का गोयी?ए मोत, ताआ टोसनारो डासो का गोयो?”56मोतोअ डासो पाप होय, आन पापोअ ताकत कायदु होय.57पोन देवोअ आभार, जो प्रभु ईसु ख्रिस्तावाअहीं आपुहूं जिक आपेहे!58तियाहा काजे माआं मेराला पाव्हीइला, मजबुत आन पाक्के रोवा, आन प्रभुउ कामोमेहें सादा वादते जावा, काहाके तुमुहूं ओं मुंदू होय के, तुमाअ मेहेंनत प्रभुमेहें वाया कायनाहां.
The Word for the World International