Chakatondejelwa7
1Mushule mwezwi ndakabona ingilozi ina, jilimile kumatibi mana enyika, jitabilija mipepo mina yopenyika, kuti pesibe ibhepo lichapunga penyika, mugungwa kana nokumiti.2Pakalepo ndakabona imwe ingilozi iva kubhazu lokubuve izhuba, nemhande yaMwali umpenyu, akale ikashomeja newhi lyopezhulu kungilozi ina jakapiwa isimba lyokuchinya inyika negungwa,3iti, “Musichinye inyika kana igungwa nemiti, kuswikila tabiga imhande pehuma jabashingi baMwali.”4Ndakachiwha chilabo chabakabigwa imhande, izana lozwiulu namakumi mana anazwiulu zwina, beva muluji lwose lwabana banhulumyana baIzilayeli,5boluji lwaJuda bakabeli igumi lyozwiulu nozwiulu zwibili bakabigwa imhande, boluji lwaRubheni igumi lyozwiulu nozwiulu zwibili, boluji lwaGadi igumi lyozwiulu nozwiulu zwibili,6boluji lwaAsha, igumi lyozwiulu nozwiulu zwibili, boluji lwaNafutali igumi lyozwiulu nozwiulu zwibili, igumi lyozwiulu nozwiulu zwibili boluji lwaManase,7igumi lyozwiulu nozwiulu zwibili boluji lwaSimioni, igumi lyozwiulu nozwiulu zwibili boluji lwaLevi, igumi lyozwiulu nozwiulu zwibili boluji lwaIsaka,8boluji lwaZebhuloni igumi lyozwiulu nozwiulu zwibili, boluji lwaJosefa igumi lyozwiulu nozwiulu zwibili, boluji lwaBhenjamini igumi lyozwiulu nozwiulu zwibili.9Mushule mwezwi ndakalinga, akale ndakabona luvute lusinotubulika kulabwa nonhu, luva munyika jose, luva munduji jose nomubanhu nomundimi jose, belimile mbeli kwechibhula chobushe akale mbeli kweMhwizana. Bakambala zwimbalo zwichena, beli nenhabi jamalala mumaboko abo,10akale beshomeja namawhi opezhulu beti, “Luchijo ngolwaMwali wedu, unogala pechigalo chobushe, akale ngubwe Mhwizana!”11iNgilozi jose jakama jikazyunguluka chibhula chobushe akale jikazyunguluka bakulwana bezwibumbwa zwina zwipenyu, akale bakalala nechisopasi mbeli kwechibhula chobushe jikanamata Mwali,12jiti, “Ameni! Makombolelo, kungaima, buchenjevu, kuboka, lukujo nesimba nobukulwana kunaMwali wedu kwemisi isinopela! Ameni.”13Pakalepo umwe wabakulwana wakalebeleka kwandili eti, “Ndibaani yaba, balombala ingubo inchena, akale bakumuva kupi!”14Ndakati kwaali, “Shungwasha, mwoziba.”
Akati kwandili, “Yaba ndibo bakava mumasheto makulwana kasakasa, bakapopa ingubo jabo mulopa lyeMhwizana jikabenchena.15Nokudalo ndizwo belimbeli kwechibhula chobushe chaMwali, bonshingila busiku namasikati mutempeli lilye, akale unogala pechigalo chobushe unooba fukatila.16Abachinoofa nezhala, kana inyota akale nezhuba alitoobapisa, kana kunyeza kuli chini,17nokuti iMhwizana ipopakati pechigalo chobushe inooba undyisi wabo, akale inooba tondeja kumashawi evula imhenyu, akale Mwali unoochumula mishoji yose mumesho abo.”
Akati kwandili, “Yaba ndibo bakava mumasheto makulwana kasakasa, bakapopa ingubo jabo mulopa lyeMhwizana jikabenchena.15Nokudalo ndizwo belimbeli kwechibhula chobushe chaMwali, bonshingila busiku namasikati mutempeli lilye, akale unogala pechigalo chobushe unooba fukatila.16Abachinoofa nezhala, kana inyota akale nezhuba alitoobapisa, kana kunyeza kuli chini,17nokuti iMhwizana ipopakati pechigalo chobushe inooba undyisi wabo, akale inooba tondeja kumashawi evula imhenyu, akale Mwali unoochumula mishoji yose mumesho abo.”
The Word for the World International