Chakatondejelwa5
1Akale ndakabona muluboko lolulyi, loyo wakabeligele pechigalo chobushe iwhalo ilokwalwa mukati nokushule, ilonamwa nezwi namatijo zwishanu zwina zwibili.2Akale ndakabona ingilozi ina masimba ipupula newhi lyopezhulu iti, “Ndiyani ulokwelela kukwatanula imhande nokuzhula iwhalo?”3Koga akuna unhu kudenga kana penyika kana pasi penyika wakabetubula kuzhula iwhalo kana kulinga mukati mwayo.4Ndakalila kasa nokuti akujakawanika ulokwelela kuzhula iwhalo kana kulinga mukati mwayo.5Kova umwe wabakulwana eti kwandili, “Usilile, iShumba yoluji lwaJuda, chizekululu chaDavidi, wakazunda, kutila kuti ezhule iwhalo akale nezwi namatijo zwalo zwishanu zwina zwibili.”6Pakati pechigalo chobushe akale nezwipuka zwipenyu zwina, mukati mwabakulwana, ndakabona iMhwizana ilimile, iboneka sokuti yakabulayiwa, iline mbizho ishanu jinembili akale namesho mashanu ana mabili, yeyi ili mipepo mishanu ina mibili yaMwali yakatumwa munyika yose.7Wakenda akatola iwhalo kuluboko lolulyi lwaiye wakabeligele pechigalo chobushe.8Paakatola iwhalo, zwipuka zwipenyu zwina akale nabakulwana makumi mabili nabana bakafigama pasi mbeli kweMhwizana, umwe noumwe akabhata kadende, nembiya jendalama jizhele ifhungayijo, iliiyo minamato yabachena,9akale bakakwimba lwimbo lupya beti.“Iwi ndiwi ulokwelela kutola iwhaloakale nokukwatunula inhembe yayo,nokuti iwi wakabulayiwa akale nelopa lilyo Mwali wakontengela banhubanova kunduji jose, nendimi nomubanhu akale nenyika,10akale ukabata kuti bebebushe, batebuji baMwali wedu,akale banootonga penyika.”11Ndakalinga akale ndikawha iwhi lyengilozi inji, jisinobalika akale zwiulu nezwiulu, zwilopamwa makumi ezwiulu alopamwa kabili makumi ezwiulu. Ingilozi jakakomboloja chibhula chobushe, nomuzwipuka zwipenyu nokubakulwana.12Newhi lipo pezhulu beti,“Ilokwelela Imhwizana yakabulayiwa,kutambula isimba, bufumi, buchenjevu, butongi,lukujo, kungaima nokutunhumwijwa!”13Ndipo pandakawha zwipuka zwose zwokudenga, nozwo penyika, nozwa pasi penyika, nomugungwa, naizwo zwose zwino gala mukati zwiti,“Kuna iye ugele pechigalo chobushe nokuMhwizana,ngekube kutunwa, lukujo, kungaima, nesimba,kwemisi isinopela!”14Zwipuka zwipenyu zwina zwakati, “Ameni!” akale bakulwana bakafhigama akale bakanamata.
The Word for the World International