Chakatondejelwa21
1Pakalepo ndakabona idenga ibhya akale nenyika impya, nokuti idenga lyotanga akale nenyika yotanga zwakabapinda, akale negungwa alijakabechipo.2Ndakabona iguta ijena, iJelusalema impya, lizha libhuluka liva kudenga kunaMwali, likabambanyilwa sondobolwa ulocheneselwa undume uwe,3Ndakawha iwhi lishomeja liva muchibhula chobushe liti, “Linga, bugalo bwaMwali bwaba mubanhu. Unoogala nabo, akale banooba banhu babe, akale Mwali nokukwe unooba nabo, akale unoba Mwali wabo.4Unoochumula mishoji yose mumesho mwabo, akale kufa, kufwikula, kulila nokulwajilwa akutobaipo, nokuti zwinhu zwantolo zwakapinda.”5Iye wakabeligele pechigalo chobushe wakati, “Linga, ndikumuta zwinhu zwose bupya.” Akale wakati, “Kwala yezwi, nokuti mawhi yaya alobimbika akale ichokomende.”6Akale wakati kwandili, “zwapela! Imi ndimi Alufa naOmega, matangisilo nokujiba. Kuna unenyota ndopa ivula pasina indipo, iva mushawi lyevula yobupenyu.7Iye unozunda unoowana ifuma yeyi, akale ndooba Mwali uwe akale iye unooba mwananhulumyana wangu.8Koga bana bubhempele, basilobimbika, baloswibhiswa, babulayi, bapomboli, balowi, banamati bezwimwali, akale nabaniepi bose, unkobelo wabo unobeli mugandwa linamoto unopisa nesalifa, luli ilo lufu lwabili.”9Pakalepo kwakezha ingilozi imwempela yejingilozi ishanu jinembili jakabeline mbiya ishanu jinembili jizhele imhalajo jopejeleja, akale yakalebeleka nami, iti, “Izha, ndikutondeje uNdobolwa, unkaji weMhwizana.”10Akale ndangwina muMpepo yakandinyamula ikandisenga kudunhu igulwana, ilefu, ikanditondeja iJelusalema iguta ijena, libhuluka liva kudenga kunaMwali,11lili nokungaima kwaMwali, kupenya kwalo kuli sebwe lilokosha, linanga sejasipa, ijena ilobelengela sevula.12Lyakabeli nobulambo bukulwana kasa, bulefu, lilina mashubo igumi namabili, pamashubo pakabeli nengilozi igumi nembili, akale pamashubo pakabe pekakwalwa mazina enduji igumi jinembili jabana banhulumyana baIzilayeli,13Pakabelina mashubo pamapazu ose eguta, kubuvezhuba mashubo matatu, kuluteka mashubo matatu, kuchampembwe mashubo matatu, akale kubumililo mashubo matatu.14Bulambo bweguta bwakabelina zwimisikilo igumi nezwibili, akale panaizo pabakakwalwa mazina abalayijwa baligumi nababili beMhwizana.15Akale iye yoyo wakalebeleka nami wakabelina kakombo kendalama kotala kuti etale iguta namashubo alyo akale nobulambo.16Iguta ligele pabugalo bunokwelana namapazu mana, bulefu bunokwelana nobwasha, akale wakatala iguta nakakombo kake, bulefu, bwasha nobulefu bwazhezhulu zwose zwikwelana akawana zwingaba makumi mabili ozwiulu namazana mabili amakilomita.17Ingilozi yakatala bulambo, ishingisa kutala konhu kungaba makumi mashanu negumi amamita.18Bulambo bwakabakabakwa namabwe anokosha ijasipa, ilyo iguta lili lyendalama imbuyanana, ilongwejemuka segilazi.19Zwimisikilo zwobulambo bweguta zwakabakacheneswa namabwe ose alokosha, lyotanga lyakaba lilishaba, lyabili safaya, lyatatu lilikalikidoni, lyechina lili iemelalidi,20lyashanu lili ionikisi, lyashanu lina limwempela lili ikanaliyani, lyashanu lina mabili lili ikilisolaiti, lyashanu linamatatu ibhelili, lyashanu linamana itopazi, lgumi ikilisofulezi, igumi linemwepela ijasinti, igumi linatubili iamateisiti.21Akale mashubo igumi linamabili akabeli bulungu bulokosha, limwe nelimwe ishubo lyakaba lyakatiwa nobulungu bulokosha bumwempela, akale ungwagwa weguta wakaba uli wendalama imbuyanana, ilobelengela segilazi.22Akale andijakabona itempeli muguta, nokuti itempeli lyalyo ndiShe Mwali waMasimba neMhwizana.23Akale iguta alijakabeshaka izhuba kana mweji kuti zwilimunikile, nokuti kungaima kwaMwali ndiwo mwenje walyo, akale chimuniko chalyo iMhwizana.24Nomwenje walyo inyika jichakwenda, namashe enyika achabuza bukulwana bwawo mwachili,25mashubo alyo aatokonywa masikati akale akutooba nobusiku kwakale,26banoobuza mwalili kungaima akale nolulemekejo lwenyika.27Koga apana kana chineshambwa chichangwina mwalili, kana aani unota zwisheshemeso kana maniepwa, koga chete yabo balokwalwa muwhalo yobupenyu yeMhwizana.
The Word for the World International