Chakatondejelwa14
1Pakalepo ndakalinga, pedunhu lyeZioni pakabelimile iMhwizana, akale nayo kwakabelimile izana lyozwiulu nezwiulu makumi mana nezwiulu zwina zwabanhu, bakakwalwa izina lilye nelyaTate babe pehuma jabo.2Akale ndakawha iwhi linanga sontimbo sevula yamapopoma iva kudenga, akale nokudilima kwevula. Izhoba lyandakawha lyakabeli sabaliji botudende belija tudende twabo.3Akale bakakwimba lwimbo lupya mbeli kwechibhula chobushe nambeli kwezwibumbwa zwina zwipenyu nambeli kwabakulwana. Apana wakaluziba lwimbo yolo kuzhe kwezana lyozwiulu namakumi mana ozwiulu anazwiulu zwina bakachijwa munyika.4Yaba ndibo banhulume basakabanu bashangana nabanhukaji, ibo yaba baloshambijika, yaba ndibo banotobela iMhwizana kwose kwainonda, yaba bakachijwa mubanhu semichelo yotanga yaMwali neMhwizana.5Apana iniepwa lyakawanikwa mumilomo yabo, nokuti abana chibi pabali.6Pakalepo ndakabona imwe ingilozi ipululuka mumpepo mudenga lyopakati, iline ndebo imbuya isinopela yokupupula kunaibo bose banogala munyika, kuna ijo jose inyika, nenduji jose, nendimi jose, nabanhu bwose,7yakati newhi lyopezhulu, “Ityani Mwali akale muumpe lukujo, nokuti iawa yontongo uwe yaswika. Namatani iye wakabumba idenga, nenyika, igungwa namashawi evula.”8Ingilozi, yabili yakatobela iti, “Yawa! Yawa iBhabhiloni ihulwana, iyo yakata kuti jose inyika jinwe iwayini yezwi lakamilo zwayo zwobusangu.”9Akale imwe ingilozi yatatu yakajitobela iti newhi lyopezhulu, “Kana pelino unonamata chibanda nechibumbwa chacho, nokutambula imhande yacho pehuma kana poluboko lulwe,10yoyo neebo unoonwa iwayini yokunyetela kwaMwali, idilwa munkombe wokunyetela kukwe isa lelupiswa, akale unooyabiswa nomoto nesalifa inopisa mbeli kwengilozi inchena nambeli kweMhwizana.11Akale busi bokuyabiswa kwabo bunoofhunga bunda pezhulu kwemisi isinopela. Banamati bechibanda nechibumbwa chacho akale noyo unotambula imhande yezina lyacho, abatooba nolunyetutuko busiku kana masikati.”12Yoku kushobelela kokusimatija kokugontama kwabachena, yabo banolondota milawo yaMwali akale nokudimbwa kunaJesu.13Pakalepo ndakawha iwhi liva kudenga liti, “Kwala yezwi, Balokombolelwa yabo bachafa befila munshingo waTezi kuvila unshaji yono zwindila mbeli!”
uMpepo unoleba “Eya chokomende!” “Muminshingo yabo mikukutu banoonyetutukwa mulushanto, nokuti mishingo yabo inoobatobela.”14Ndakalinga ndikabona igole ijena pambeli pangu akale umwe unanga soMwananhulumyana wonhu wakabeligele pegole, eline nhulu yendalama pansholo uwe, akale nechibaza chinopiza muluboko lulwe.15Akale imwe ingilozi yakabhuda mutempeli, ishomeja newhi lyopezhulu kunaiye wakabeligele pegole, “Tola chibaza chicho, uvune, nokuti unshaji wokuvuna waswika, nokuti zwokuvuna penyika zwayiva zwilopelela.”16Nokudalo yoyo wakaba eligele pegole wakavukuja chibaza chiche penyika, inyika ikavunwa.17Akale imwe ingilozi yakabhuda mutempeli kudenga, naiyo bo yakabelina nechibaza lilopiza.18Pakalepo yakabhuda imwe ingilozi yakabeli noshingo wokulinga moto mudebulilo, akale ikashomeja newhi lyopezhulu kuneeyo yakabeli nechibaza chilopiza, “Shingisa chibaza chicho chilopiza, ucheke zwikata zwonzhambi penyika, nokuti michelo yonzhambi yayiva.”19Ingilozi yakavukuja chibaza chayo penyika ikabutitika zwikata zwonzhambi zwopenyika ikazwiposela muchiswinilo chikulwana cholunyemo lwaMwali.20Zwikata zwemichelo yonzhambi zwakabetobokwa muchiswinilo kuzhe kweguta, akale ilopa lyakakunga likanyamuka liva muchiswinilo, likatana bulefu bokuswika muzwimilo zwebhiza, likakunga zwinamazana angaba matatu amakilomita.
uMpepo unoleba “Eya chokomende!” “Muminshingo yabo mikukutu banoonyetutukwa mulushanto, nokuti mishingo yabo inoobatobela.”14Ndakalinga ndikabona igole ijena pambeli pangu akale umwe unanga soMwananhulumyana wonhu wakabeligele pegole, eline nhulu yendalama pansholo uwe, akale nechibaza chinopiza muluboko lulwe.15Akale imwe ingilozi yakabhuda mutempeli, ishomeja newhi lyopezhulu kunaiye wakabeligele pegole, “Tola chibaza chicho, uvune, nokuti unshaji wokuvuna waswika, nokuti zwokuvuna penyika zwayiva zwilopelela.”16Nokudalo yoyo wakaba eligele pegole wakavukuja chibaza chiche penyika, inyika ikavunwa.17Akale imwe ingilozi yakabhuda mutempeli kudenga, naiyo bo yakabelina nechibaza lilopiza.18Pakalepo yakabhuda imwe ingilozi yakabeli noshingo wokulinga moto mudebulilo, akale ikashomeja newhi lyopezhulu kuneeyo yakabeli nechibaza chilopiza, “Shingisa chibaza chicho chilopiza, ucheke zwikata zwonzhambi penyika, nokuti michelo yonzhambi yayiva.”19Ingilozi yakavukuja chibaza chayo penyika ikabutitika zwikata zwonzhambi zwopenyika ikazwiposela muchiswinilo chikulwana cholunyemo lwaMwali.20Zwikata zwemichelo yonzhambi zwakabetobokwa muchiswinilo kuzhe kweguta, akale ilopa lyakakunga likanyamuka liva muchiswinilo, likatana bulefu bokuswika muzwimilo zwebhiza, likakunga zwinamazana angaba matatu amakilomita.
The Word for the World International