BaHebhelu13
1Itani kuti ludo lwomwanakwaina lundile mbeli.2Musikanganilwe kutambula bezi, nokudalo bamwe bakatambula ingilozi besinoziba.3Bayeyeni yabo bayimo muntolongo, mute soti mumontolongo nabo, naabo banosheteswa sokuti mumushetela pamwempela.4Itani kuti kulobolana kulemekejwe pakati penu mose, akale itani kuti bulo lwabalolobolana busibe neshambwa, nokuti Mwali uchababetekisa basangu nabapomboli.5Musikubuse kuda imali mubupenyu bwenu, gutisikani nezwamuna nazwo, nokuti wakati iye, “Anditookulasha kana kukusiya woga.”6Ndizwo titubula kulebeleka nolubimbo titi,“She umbhanchi wangu,Anditootya.Unhu angatani kwandili?”7Yeyani batungamili benu, yabo bakamupupulila iwhi lyaMwali, mulangalile mapejelejo ondalamilo wabo, mukwejejele kudimbwa kwabo.8Jesu Kristo unogala eli iye omene zhilo nanasi nalini kwose.9Musichengelwe nezwilayijo zwemishobo zwilosiyanasiyana, nokuti zwibuya kuti mwoyo usimiswe nechipiwo, kusi kuti nozwokulya kusakabhancha yabo bakaba bekudisisa.10Tine debulilo libasinovumijwa kulyila ipo yabo banoshinga muchitumba.11Mitumbu yemhuka jine lopa linobuzwa mubugalo buchena, nontebuji unkulwana sontebulo wompilo woluchinyo, jinopiswa kuzhe kwemishasha.12Nokudalo Jesu wakasheteswa kuzhe kweshubo lyeguta kutila kuchenesa banhu nelopa lilye.13Nokudalo andeni mbeli kwaali kuzhe kwemishasha, tinyamula kuyabuliswa kukwe.14Nokuti yopano atina iguta linogalwa unshaji undefu kasa, koga tinoshaka iguta linoozha.15Nomuna iye, ngatindileni mbeli tipila untebulo wolukujo kunaMwali, yoyo ndiwo unchelo wondomo unokuja izina lilye.16Musuleke kuta mishingo mibuya nokukobelana zwamunanazwo, nokuti mipilo yakadai inoshantisa Mwali.17Whililani batungamili benu akale muzwideleje kwabali, nokuti ibo balolinda mipepo yenu sabanhu bachoolungulula nezwazwo. Ngebete yezwi nolushanto, kusi nomwoyo unolwaja nokuti yezwi azwina lubhancho kwamuli.18Mutinamatile isu nokuti tinechokomende yokuba noluyeyo lubhodo, nokuti tinoda kuta zwakalulama unshaji uli wose.19Ndinomubweta kuti munditile yezwi kutila kuti ndibwilizwe nokukambija kwamuli.20Feno ngana Mwali wolunyalalo, iye wakamusa She wedu Jesu mubafi, undyisi unkulwana wemwizi, nelopa lyechivumilano chisinopela,21angomululamisa muzwinhu zwose zwibuya kutila kuti mute kuda kukwe, eshinga mukati mwenu, yezwo zwinounshantisa mumesho awe, nomuna Jesu Kristo, iye ulokwelela kukujwa lini nalini. Ameni.22Ndinomubweta banakwaina bangu, kuti mutambule nokubabalila mawhi angu, nokuti ndamukwalila zwishoma.23Mulokwelela kuwhisisa kuti mwanakwaina wedu Timoti wakasungunulwa, ndinoomubona ndili naye angokambija kuswika.24Mumuse bose batungamili benu naibo bachena bose. Naabo banova kuItali banomumusa.25Chipiwo ngachibe namwi mose.
The Word for the World International