BaHebhelu11
1Kudimbwa kuba nesimiso yezwinhu zwatilolingilila, isimiso lyezwinhu zwisinobonwa.2Yezwi ndizo zwakatisa kuti Mwali beshantilwe namatategulu.3Nokudimbwa tinowhisisa kuti inyika yakabumbwa newhi lyaMwali, kutila kuti zwinoboneka zwakatiwa, zwiva munezwo zwisinoboneka.4Nokudimbwa Abhelo wakapila untebulo kunaMwali, untebulo wakashantisa Mwali kupinda waKeyini, nokudalo wakashobwa kuwhi wakalulama pezhulu pontebulo, Mwali wakaba unsumikiji pakutambula untebulo uwe, kojoba akafa ukumulebeleka nokuda kwokudimbwa.5Nokudimbwa Inoki wakanyamulilwa pezhulu zwakatisa kuti esife akale aajakawanikwa nokuda kokuti Mwali bakontola. Ngweno esanhu atolwa wakapupulilwa kuti wakashantisa Mwali.6Akale pasina ludimbo azwitotubulika kuunshantisa Mwali. Nokuti ani nani unozha kuna Mwali ulokwelela kudimbwa kuti Mwali upo akale unopa umbayilo kunayabo banounshaka.7Nowa nokudimbwa, anyeulilwa naMwali pezhulu pezwitiko zwisanu nezwinhu zwaboneka, wakawhilila akale akabaka chikepe kuti echije imhuli iye, nezwi wakapa undandu kunyika, akale akaba uNdyifuma wobululami bunozha nokudimbwa8Abhulahamu nokudimbwa wakawhilila paakabujwa kuti emilike ende kunyika yaalopiwa kuti ibe fuma iye, wakamilika esinoziba kuti ukumunda kupi.9Nokudimbwa wakagala munyika yokubimbiswa somunyika yokuzhe egala mumishasha eli naIsaki naJakobe bakaba beli balyi becho chibimbiso panhu pamwela naye.10Nokuti wakaba ekamilila unzinda waluba mabambo ezwakalonganywa zwikabakwa naMwali.11Sala nokudimbwa wakapiwa isimba lyokubhata imimba, kojoba wakaba akwegula nokuti wakabona kuti ulobimbika iye wakopa chibimbiso.12Nokudalo kuvila kunhulume yoyu umwempela, akale iye wakaba sonhu wakafa wakazwala zwizekululu zwinji zwinanga senyenyeji jedenga akale zwisilobalwa sonsenche wokumbali kwegungwa.13Bose yaba banhu bakabe chinolalama nokudimbwa pabakashayika abajakatambula zwinhu zwibakabimbiswa asi bakazwibona bakashantila zwilikule, bevuma kuti banovakule akale bezi penyika.14Banhu banolebeleka yezwi, banobhudila pachena kuti bakumushaka bugalo bwabo.15Ngana bakaba beyeya nezwobugalo mubakava, baluba nonshaji wokubwilila.16Asi sezwazwili, banolakamilila inyika imbuya, inanga sedenga. Nokudalo Mwali abana ishoni kuti beshobwe kuti ndiMwali wabo, nokuti wakabalonganyila iguta.17Abhulahamu nokudimbwa wakapila Isaki, mukukwejwa, wakabatambuliswa zwibimbiso akazwimisila kuumpila mwananhulumyana uwe umwempela chete,18kojoba iye wakalebwa nezwizwe kuwhi, “Inzwalo iyo ichoova muna Isaki.”19Wakazwibona kuti Mwali walutubula kumusa banhu kuva mubafi, nezwo sechitondejelo, wakontambula kabili kuva kubafi.20Nokudimbwa Isaki wakapa makombolelo onshaji unozha kunaJakobe naIsawu.21Nokudimbwa Jakobe abulofa wakakombolela umwe nomwe wabana banhulumyana baJosefa, ekakotama pakadozo, enamata.22Nokudimbwa Josefa, pakufa kukwe wakalebeleka nezwokubhuda kwaba Izilayeli, kova ebalayila kuti banooajika poni mafupa awe pakufa kukwe.23Nokudimbwa, Mozesi, paakazwalwa, wakasiswa nabazwali babe kwemweji mitatu, nokuti bakabona kuti waluba mwana umbhodo, akale abajakatya mulawo washe.24Nokudimbwa Mozesi, paakakubuka, wakalamba kushobwa kuwhi mwana womwananhukajana waFalo,25wakashala kuti eyangate pamwempela nabanhu baMwali, pana kunakilwa muluchinyo konshaji fupi.26Wakalangalila kuti kujiijwa pezhulu paKristo bufumi bukulwana kupinda bweIjipiti, nokuti wakabakalindila kupiwa umbhayilo.27Nokudimbwa wakabhuda muIjipiti esinotya bukali bwashe, nokuti wakasimatija pakuda kubona yoyo usinoboneka.28Nokudimbwa wakalondota milya yokupindilila yabaJuda nokushashaila ilopa, kuti umpalaji wembano esijibulaye imbano jabaIzilayeli.29Nokudimbwa banhu bakataluka iGungwa iShaba sofana penyika pakakoma, asi baIjipiti pabakakweja kuta alo, bakanwila undondwe.30Nokudimbwa, bulambo bweJeliko bwakakolomoka pabwaka zunguluka kwamazhuba mashanu ana mabili.31Nokudimbwa Rahabhu ivemu, aajakapalajwa pamwempela naabo basijakabewhilila, nokuti wakatambula neshe ifukula.32Ini zwimwe zwandingalebe? Unshaji autondivumija kulebeleka nezwaGidiyoni, naBharaki, naSamsoni, naJefuta, naDavidi, naSamuyeli nabamwe bapolofeti.33Ibo nokudimbwa bakazunda bushe, bakasungwajila indulamo, bakatambula zwibimbiso, nokuzuna milomo yeshumba,34bakajima mabibi makulana omoto, bakatizha kubulayiwa negwalabaza, bakawana isimba kuva mubutela, bakasima mujihondo, nokuzunda balwi behondo banova kunejimwe inyika, kuti betizhe.35Banhukaji bakatambula bakafa babo, bakamuswa mukufa.
Bamwe bakayangatiswa, bakalamba kutambula lusupuko, kutila kuti boomuka akale kubupenyu bubuya.36Bamwe bakasekwa nokunabhwa, bakasungwa namaketani nokubigwa muntolongo.37Bakapubulwa namabwe, bakachekwa nesaha pakati, bakabulayiwa negwalabaza, bekwenda bekambala zwipapata zwemhwizi nembuji, beli basheti, bakayabiswa nokuyangatiswa,38besakakwelelwa nenyika beyambaila mumakwa nomumatunhu, nomumapako nomumakwizhana.39Yaba bose, kojoba kwakalebelekwa zwibuya nezwokudimbwa kwabo, abajakatambula zwakabimbiswa,40nokuti Mwali wakabona mbeli chimwe chinhu chibuya kasa kwatili, kuzhe kwedu abajaluwana kupelela.
Bamwe bakayangatiswa, bakalamba kutambula lusupuko, kutila kuti boomuka akale kubupenyu bubuya.36Bamwe bakasekwa nokunabhwa, bakasungwa namaketani nokubigwa muntolongo.37Bakapubulwa namabwe, bakachekwa nesaha pakati, bakabulayiwa negwalabaza, bekwenda bekambala zwipapata zwemhwizi nembuji, beli basheti, bakayabiswa nokuyangatiswa,38besakakwelelwa nenyika beyambaila mumakwa nomumatunhu, nomumapako nomumakwizhana.39Yaba bose, kojoba kwakalebelekwa zwibuya nezwokudimbwa kwabo, abajakatambula zwakabimbiswa,40nokuti Mwali wakabona mbeli chimwe chinhu chibuya kasa kwatili, kuzhe kwedu abajaluwana kupelela.
The Word for the World International