BaEfeso6
1Bana whililani bazwali benu munaTezi nokuti yezwi zwilokwelela.2“Lemesa tate namai babo” yoyu ndiwo undayo wotanga unachibimbiso,3“kuti zwikululamile iwi akale kuti ulalame bupenyu bulefu penyika.”4MaTate musinyemise bana benu kuti benyetele koga bakubuseni mubalaye nomundayo jaTezi.5Balanda lemekejani matezi enu openyika, nolutyo nokudedema, nomwoyo uloshambijika somunaKristo.6Kusili kuti moshinga mukalingwa, sabanoshantisa banhu koga sabalanda baKristo beta kuda kwaMwali zwiva mumwoyo,7muta unshingo wenu nolushanto nomwoyo wenu wose, soti mumushingila Tezi kusi banhu.8Muzibe kuti zwibuya zwose zwamunota unowana zwilokwelela kuva kuna Tezi, kojoba muli balanda kana balosupuka.9Namwi Matezi itani zwakadalo mbeli kwabalanda benu muleke kubahatamija sezwo muziba kuti Iye uli Tezi wabo eli Tezi wenu bo uko kudenga akale aane shalulo.10Kopejeleja, simani munaTezi akale nomumasimba obukulwana bubwe.11Mbalani zwose zwilaniso zwaMwali kuti mukwanise kumilana nobusoso bwaguluzhanje.12Nokuti atijikumulwana nombili nelopa, koga timulwana nobutongi namasimba, nabatungamilili benyika benhilima yeyino nemipepo mibi kubugalo bokumatenga.13Nokudalo tolani zwilwaniso zwose zwaMwali kuti mutubule kumisikijana nezhuba lyobubi akale mwata zwose kuti mume mwakasima.14Nezwo imani mwakazwibambanyila mwakazwisunga ibhanti lyechokomende mushana, mwakambala chitabilijo chechifuba chobululami.15Mwambala ishangu jenu, mubambanyila indebo imbuya yolunyalalo,16pezhulu pezwi zwose tolani intibi yokudimbwa yokujimisa misebe inovilima yombi.17Mutole inhulu yoluchijo, akale negwalabaza lyoMpepo lili iwhi lyaMwali.18Namatani unshaji wose muMpepo, neminamato yose akale nezwikumbilo. Nezwo chenjelani nokunangatila kose mutila zwikumbilo bachena bose,19akale nami mundinamatile kuti ndipiwe kulebeleka nefuba ndibhaunula isiswa lyendebo imbuya,20nokuti ndili umililili ulosungwa namaketani. Ndinamatileni kuti ndizwilebelekele ndisina lutyo sezwa ndilokwelela kulebeleka.21Ngweno kuti mungaziba namwi kuti ndili chini akale kuti ndikumutani, Tichikasi mwanakwaina wangu unodikana akale unshingili ulobimbika munaTezi unomubuja zwose.22Ndotuma kwamuli nechinangwa yechi kuti muzibe kuti tilichini akale kuti esungwaje myoyo yenu.23Banakwaina lunyalalo ngalube kwamuli, noludo nokudimbwa zwinova kunaMwali Tate nokuna Tezi Jesu Kristo.24Chipiwo ngachibe namwi mose, banoda Tezi Jesu Kristo noludo lusinopela.
The Word for the World International