2 BaKolinte10
1Imi, Paulu, nokwangu ndinomubweta, nobunyolo akale nokujikama kwaKristo, ndinozwininipisa kana ndakalingana namwi, koga ndilinsimu kana ndilikule namwi!2ndomukumbila kuti kana ndilipakati penu musite kuti nditondejele busimu bundinoshingisa kuna ibo banoti mishingo yedu toitila inyika.3Kojoba tili penyika, atijikumulwana ihondo yopenyika,4nokuti zwilwaniso zwehondo yedu azwitoba zwopenyika asi zwinesimba lyaMwali linopilimula isimba lyombengi, topalaja unchilijano wamaniepwa,5naizwo zwose zweshiyo zwinokoneja kuti Mwali ezibikane, akale totapa indangalilo jose kuti jiwhilile Kristo,6tikazwimisila kulanga kusowhilila kwose, kana kuwhilila kwenu kwapelelela.7Ilingani zwikokumbeli kwamesho enu. Kana umwe ebimba kuti ngowaKristo, ngeezwikumbuluje kuti sobwaali waKristo, nasubo tili baKristo.8Kojoba ndikashiya kasa nozwesimba lyedu, lyatakapiwa naTezi lyokumubaka lisi lyokumupalaja, anditooswabiswa pe.9Andidi kuboneka soti ndikumumutyisijila namakwalo.10Nokuti banoti, “Makwalo awe malemu akale ngeesimba, koga kubaipo kontumbu uwe kulelu, akale undebelekelo uwe undelu.”11Banhu bakadalo ngebewhisise kuti yezwo zwatinoleba mulukwalo tisipo, tozwitabo tilipo.12Atitokweja kuzwikwela kana kuzwikwejanisa nabamwe banozwitunhumwija. Asi pabanozwikwela ibo nabamwe babo, akale bezwikwejanisa ibo nabamwe babo, ibo abajilochenjela.13Koga isu atitooshiya zwilopindilija, koga toojiba pamajibijo aakatipa Mwali, zwishanganisila unshingo wedu munamwi.14Nokuti atijimuzwitalabula zwilopamijika, sokuti atijakaswika kwamuli, ndisu botanga kuswika kwamuli unshizho wose neNdebo iMbuya yaKristo.15Atitoshiya zwilopindilija, nemishingo yakatiwa nabamwe, asi chibimbo chedu ngechokuti nokukubuka kwoluvumilo lwenu, majibijo onshingo wedu mukati mwenu ekubuswe kasakasa,16kutila kuti toobhaunula iNdebo iMbuya kuna jimwe inyika jikombeli kwenu, atitoshiya nonshingo watiwa kale muminda womwe.17“Yoyo unozwitunhumwija, ngeezwitunhumwije munaTezi.”18Nokuti aatoba yoyo unhu unozwitunhumwija unotambulwa, asi unhu unotunhumwijwa naTezi.
The Word for the World International