1Pita4
1Sezwo Kristo akajiila mumbili, zwisimiseni nendangalilo imwempela, nokuti yoyo wayabiswa mumbili waleka luchinyo,2nokudalo abachina bupenyu bonshaji wose bokugala mumbili nomululakamilo lubi lwobunhu koga muchido chaMwali.3Lekani unshaji wapinda ubewazhulila wokuti bokuzhe bete zwabanoda kuta, begala mubuhungu, muzwilakamilo, mubukolwi, mukunakilwa, nejungwe lyokukolwa kunezhoba, nokunamata zwimwali zwinosheshemesa.4Bamuchenama kuti ngweno amuchinotandila muzwito zwobuhungu, akale bamumubhata bubi,5koga banoopa inshandulo kunaiye ulozwibambanyila kutonga bapenyu nabakafa.6Nokuti yezwi ndizwo zwakatisa kuti indebo imbuya ibhaunulwe nokunabakafa, kuti kojoba bakatongwa munyama sabanhu, pamwe bangagala mumpepo saMwali.7Mapejelejo ezwinhu zwose abapelyo, nokudalo galani nendangalilo jizhele akale mulichanga paminamato yenu.8Pezhulu paizo zwose bhatisisani musinolekeja kudanana, sezwo ludo lunotibhikila luchinyo lunjinji.9Mutambulane zwibuyanana pasina unogungu.10Umwe noumwe wakatambula chipo, ngeechishingise umwe kunoumwe, sababhati babuya bezwipiwo zwilosiyanasiyana zwaMwali.11Yoyo unolebeleka, elebeleke sounolebeleka mawhi aMwali, yoyo unobhancha, ngezwite nesimba lyaanopiwa naMwali, kutila kuti munaizwo zwose Mwali ekujwe muna Jesu Kristo. Lukujo nobutongi zwibe kwaali kwemisi isinopela. Ameni.12Banodikana musichenamiswe nokuyabiswa kunopisa kuchamuzhila koomukweja, swokuti chinhu chisilozibilika chimutikana kwamuli.13Koga shantani cheninge mulimukukobelana injabulo naKristo, kuti pamwe namwibo mungooshanta mukashantisisa pakuchoofumulwa kungaima kukwe.14Kana mutukilwa izina lyaKristo, mulokombolelwa, nokuti umpepo wolukujo akale nowaMwali ulochegela panamwi.15Kusibe umwe wenu uchayabula sombulayi, kana imbava, unchinyi, kana umputuki.16Kana umwe angoyabula soNkristo, esibe neshoni, koga pasi pezina yelyo ngekuje Mwali.17Nokuti unshaji waswika kuti kutongwa kutangiswe munsha waMwali, akale kana bungotangisa nasu, ini achabamapejelejo aabo basinowhilila iNdebo iMbuya yaMwali?18Akale“Kana kuchija ulolulama kuli kukukutuani biya umbi nonchinyi banoochilila poni?”19Nokudalo yabo banojiila mumishingo mibuya yaMwali ngabete zwilolulama akale bepile myoyo yabo kuMbumbi ulobimbika.
The Word for the World International