1Pita2
1Nokudalo lekani lubengo lwose, buchengeji bwose, kuniepejela, nobuchiba akale kuswibhisa bamwe nenzila jose.2Sabana bacheche, kwemujani unkaka unchena wompepo, kuti naiwo, namwi mukubuke muluchijo,3nokuti mwakalabila bubuya bwaTezi.4Izhani kwaali, kubwe ibhenyu yeli, lyakalambwa nabanhu koga mumesho aMwali liloshalwa akale lilokosha,5akale samabwe mapenyu imwi momene mubakwe mube ingumba yompepo, mubebatebuji bachena, kupila mipilo yompepo inotambulika kunaMwali nomunaJesu Kristo.6Nokuti zwimo muwhalo inchena.“Lingani ndimubiga ibwe muZayoni,ibwe lyolujibo liloshalwa akale lilokosha,akale yoyo unodimbwa munaiye aatoswabiswa.”7Nokudalo kunamwi banodimbwa, yelibwe lilokosha koga kunabo basinodimbwa, iye ulokosha, koga kunayabo basinodimbwa,“Ibwe babaki libakalamba,lyaba ilyo unsholo wolujibo,”8akale,“ibwe lichagubhula banhu,ihando ichabawiga.”Banogubhulwa nokuti abatowhilila iwhi, swokubigwa kwazwo kuti bete.9Koga imwi muluji luloshalwa, batebuji bwobushe, luji luchena, banhu baMwali, kuti mutubule kuleba zwito zwizwe zwinochenamisa iye wakamubhisa munhilima emusenga mwenje uwe unochenamisa.10Noumwe unshaji amujakabeli banhu baMwali, koga ngweno mwababanhu baMwali, noumwe unshaji amujakabanu mwatambula ishe, koga ngweno mwatambula ishe.11Banodikana, ndomubweta sabo banova kunejimwe nyika akale sabo bagele kunyika jisilijabo kuti bezwikwije muzwilakamilo zwoluchinyo zwombili, izwo zwimomuhondo nomwoyo wenu.12Itani untilo umbuya pakati pabasinodimbwa, kutila kuti bangoti belebeleke bubi namwi sababipisi, ateni bangabona zwito zwenu zwibuya bekuje Mwali nezhuba lyokushanyilwa.13Zwidelejeni pasi pobutongi bwose bwabanhu mutilaTezi, kungaba kuntongi wenyika jilosiyanasiyana eli nkulugulu,14kana batongi bamatunhu, swokutumwa kwabo kulanga yabo banota zwibi nokukuja yabo banota zwibuya.15Nokuti chido chaMwali kuti mute zwibuya kuti muwhilijise indebo jisina luzibo, jabanhu malema.16Galani sabanhu balosununguka, koga musinoshingisa kusununguka kwenu kutila kusisa bubi, koga galani sabashingi baMwali.17Kujani wose unhu. Mude banakwaina. Ityani Mwali. Kujani untongi unotonga inyika jilosiyanasiyana.18Bashingi mukutya Mwali, zwidelejeni kumatezi enu wose nechilemela chose, kusi kunaabo babuya nabanyolonyolo chete koga nokunaabo banabukali.19Nokuti umwe unonyamulwa, kana eyeya Mwali, kova emilana nokulwajilwa ejiijwa zwisakalulama.20Umbayiloni waunowana, kana walobelwa kuchinya kuko kova utamoyondefu? Asi kana ungota zwibuya kova uzwijiilila akale kova utamoyondefu, unowana kunyamulwa naMwali.21Yezwi ndizwo zwimwakashobelwa, sezwo Kristo naiye wakakuyabulila, emusiyila chibonelo, kuti mutobele munhambo jije.22Aajakachinya, nobuchengeji abujakawanikwa mundomo mumwe.23Paakatukwa, aajakabwilizila kutuka, paakajiila, aajakatyisijila, koga wakabimba naiye unotonga zwilolulama.24Iye nokukwe wakanyamula luchinyo lwedu mumbili uwe ponchinjikwa, kuti tife muluchinyo akale tibe babapenyu mubululami. Namalonda awe mwakachiliswa.25Mwabelashika semhwizi, koga ngweno mwabuya kuNdyisi akale Undondoti wemyoyo yenu.
The Word for the World International