1 BaKolinte10
1Banakwaina ndoda kuti muzibe, kuti matate edu ose akabeli mudako lyegole, akale bwose bakavubuka igungwa,2bwose bakabhabhatizwa mugole nomugungwa, bakaba batobeli baMozesi.3Akale bwose bakalya kulya kompepo kumwempela,4akale bwose bakanwa kunwa kompepo umwempela. Bakanwa Mubwe lyompepo lyakabebapelekeja, ibwe yelyo lyakaba liliKristo.5Koga bunji bwabo abajakashantisa Mwali, nokudalo mitumbu yabo yakamezhwa mugwegulu.6Ngweno yezwi zwinhu zwichenjejo kwatili, kuti tiside bubi sezwabakata.7Musibe banonamata zwimwali sezwakabetiwa nabamwe babo, sezwilokwalwa kuti, “Banhu bakagala pasi kuti belye nokunwa, akale bakamilika bezana zobuhungu.”8Tisite zwobusangu sezwabakata bamwe babo, zwiulu makumi mabili nabatatu bakafa izhuba limwempela.9Tisibige Kristo mukukwejwa, sezwakatiwa nabamwe babo bakapalajwa nenyoka,10musinyunyute sabamwe bakapalajwa noMpalaji.11Ngweno yezwi zwinhu zwakatikana kwabali sechichenjejo, koga zwakakwalilwa kuti ibe indayijo kwatili, taswikilwa nonshaji wamapejelejo.12Nokudalo yoyo unoyeya kuti umile ngechenjele kutila kuti esiwe.13Apana kukwejwa kwakamuswikila kusilozibilika kubanhu. Mwali ulobimbika, akale aatomulekeja mukwejwa zwipo pezhulu pamasimba enu, koga mukukwejwa unomupa inzila yokupujumuka, kutila kuti mutubule kuzwimila.14Nokudalo banodikana bangu tizhani kunamata zwimwali.15Ndimulebeleka nabanhu banowhisisa, lingani kuti motini nezwandimuleba.16Unkombe wokuboka watinokombolela, akutoba kushanganyila mulopa lyaKristo na? Chinkwa chatinopemula achitoba kushanganyila mumbili waKristo na?17Sezwo kuli nechinkwa chimwempela yechiya, isu kojoba tili banji timbili umwempela, nokuti tose tokobelana chinkwa chimwempela.18Langalilani banhu bokwaIzilayeli, kuti yabo banolya umpilo, balyijani pedebulilo lyaMwali na?19Ini zwandimuleba biya? Ani zwimwali kana kulya kulopilwa kuzwimwali zwinhu na zwipo?20Mane, ndinova kuti mipilo inopilwa nabasinodimbwa inopilwa kumadimoni kusi kunaMwali. Andidi kuti mukamujane namadimoni.21Amunganwe munkombe waTezi nomunkombe wamadimoni. Amungalye muli petebuli lyaTezi akale nopetebuli lyamadimoni.22Tinyeteje Tezi kuti ebenefupa na? Tinesimba kuumpinda na?23“Zwinhu zwose zwinovumijwa,” koga azwitoba izwo zwose zwinobhancha. “Zwinhu zwose zwinovumijwa,” koga azwitoba izwo zwose zwinobaka.24Kusibe nouchashaka zwinonakila iye, koga zwinonakila umbakijani uwe.25Ilyani zwose zwinotengeswa mumusika wenyama musinobhuza chinhu pezhulu poluyeyo,26nokuti, “Ipasi lyose ngelyaTezi, nezwinhu zwose zwimomukati.”27Kana usinodimbwa akakukoka kunolya akale uda kunda, ulye zwose zwinobigwa mbeli kukwo, usibhuze chinhu pezhulu poluyeyo.28Koga umwe unhu angoti kwauli, “Yechi chakapilwa sompilo kuzwimwali,” usilye pezhulu pooyo wakubuja akale nopezhulu poluyeyo.29Ndoleba luyeyo lulwe, lusili lulwo.
Ani kusungunuka kwangu kunotongelwani pezhulu poluyeyo loumwe?30Kana ndalya nokuboka, ndopilwani undandu nokuda kwezokulya zwandabokela?31Nezwo, kojoba ulya kana unwa, kana ini zwazwo zwaunota, ta zwose ukuja Mwali.32Usichinyile baJuda, baGiliki kana igubungano lyaMwali,33sezwandikumukweja kushantisa unhu wose nenzila jose, andijikumuzwitila kuwana, koga ndimutila banji kutila kuti bechijwe.
Ani kusungunuka kwangu kunotongelwani pezhulu poluyeyo loumwe?30Kana ndalya nokuboka, ndopilwani undandu nokuda kwezokulya zwandabokela?31Nezwo, kojoba ulya kana unwa, kana ini zwazwo zwaunota, ta zwose ukuja Mwali.32Usichinyile baJuda, baGiliki kana igubungano lyaMwali,33sezwandikumukweja kushantisa unhu wose nenzila jose, andijikumuzwitila kuwana, koga ndimutila banji kutila kuti bechijwe.
The Word for the World International