Keuliakegai5
1Pecai hegwangbam ga kebambe ba zetle bie ga laisiudum ge pedwa nah pecaile marau pwa kebam ge bam eh Ih ngau, cide kaugiak hena gele giak pwabam.2Nah kengkieng tinggimgwame ge sahbak eh, “Caube ne laisiudum de nah pe kaugiak de let nah rapop lubui no?” de reci kecu Ih ngau.3Dede tinggim ga mede kideu reu ga mede kideu kangga migede laisiudum de letlu kera mede cide peilu kera gahdi.4Cine Ih hap sütti kedanemene migede laisiudum de letlu kera mede cide peilu kebui gah kedine.5Dede hangkiame hange a dage ranggai, “Hap so. Ainie! Judah leuhme Hingho, David Kiriabe ne ngam luda. Pa laisiudum de nah pe kaugiak henadung de let lubui.”6Pecai hegwangbam sum ga nah ringkela kaune mdai kakga nah hangkiamedung kakga, Meurünna pecu teitset kedi nzwa eh sap kebam Ih ngau. Pa pekii hena nah pemiak hena bam, cidungde kideu pelane gage Tinggwang Rabe henadung lang mpet kegaidung deda.7Pa mie delwe hegwang bam ga kebambe ba zetle gade laisiudum de keulu.8Pa laisiudum de keu kelucai, ringkela kaune mdaidung de nah hangkiame hang ngkaiemdaidung de Meurünnabe dwa ga keumie di. Penui hangge ge kecu leibung nah marim kehengui le kepui kecak kwak ge pwa bam, cidungde kemcime kekiedung.9Penui lei keheci ge teigai, “Nang laisiudum de keulwekaugiak cide letlu kebuibe lie.Kedanemene ncu daptsetdi, nah n jai le nang Tinggwang ziemne,pautsa, helet, mina, nah heleuh leune gade mina de lui luda.10Nang penuide anui Tinggwang dage hegwangram ge nah cingkumedung teibeu dida,nah penui kideu reu di zie.”11Pecai Ih piegai ge hegwangbam nah ringkela kaunedung nah hangkiamedung de twagwa pwa kebam tinggimgwame kekiee kwa siu. Penui riak au cang kerei kecu cang kerei kieege nah pecang pecang bam.12Penui sahbak eh ranggai,
“Meurünna daptset kedibe de kengkieng, mahei, maci, kengking, herüt, kendu nah hetwa ngaulu kebuibe lie.”13Pecai dam kegai leune, tinggim ga nah kideu reuga nah kideu kangga, nah jaaidi ga nah cika kebam pelane cu,
“Hegwangbam ga kebambe nah Meurünnabe de peu kelungta twa nah rüt, nah ndu nah ngkieng kelube tei lulo,” de kecu Ih siu.14Nah ringkela kaune mdai de, “Amen!” degai nah hangkiamedung keumie delwe Meurünnabe de recadi.
“Meurünna daptset kedibe de kengkieng, mahei, maci, kengking, herüt, kendu nah hetwa ngaulu kebuibe lie.”13Pecai dam kegai leune, tinggim ga nah kideu reuga nah kideu kangga, nah jaaidi ga nah cika kebam pelane cu,
“Hegwangbam ga kebambe nah Meurünnabe de peu kelungta twa nah rüt, nah ndu nah ngkieng kelube tei lulo,” de kecu Ih siu.14Nah ringkela kaune mdai de, “Amen!” degai nah hangkiamedung keumie delwe Meurünnabe de recadi.
Bridge Connectivity Solutions Pvt. Ltd.