Psalms94
1RAMPAUBO, Tinggwang pa hekum peei kelabe, Tinggwang saja peu kelabe, anui reugage baagai lulo. 2Cuhlu, kideube tutiakbe, ngang kelamede daipai penui ngaukerabe bi peu dilu.3Kenlienme daikenzwa tiege, RAMPAUBO, kenlienme daitie ge penui suiyi bamzie no?4Penui zai kedi samdung penui rangpet la, makesia ketei kelame leune penui hegie la.5Penui n minadung de teikeherei la, RAMPAUBO; deudi ga minadung de teikeherei la.6Penui hemipui nah sangme penui deudi ga lungh kebamme de teitset la, nah penui pepei kegah mede daptset la.7Penui rangla, “RAMPAUBE ngau lak, Jacob Tinggwang cide cetswa lama.”8Cetgai pielo, nnui mina kesiamedung! Nnui kemangmedung, daidauge ne nnui ma cilu zieno?9Pa pe kwen teibeu, pa masiu gailak zieni? Pa pe miak teigai, pa mangau gailak zieni?10Pa heleuhdung de ledeubeu kelabe, pa petau meni? Pa rünne maci pwa mina de peu kelabe, pa cilak ni?11RAMPAUBE minadung kecetdung cila, penui lungcet au kemta. 12RAMPAUBO, nangne ledeu kelabe de au samlam kepungme ge, n zai gade nang ledeubeu kelabe.13Keherei tingdau nang pecu kemtak peu, kenlienme ziemne pe kwaki kuilu kemaktane.14RAMPAUBE pe minadung de pütdi kelak mede pe mapwame de gidi kelak ziemne. 15Tutiakki gade kemzuibe ngaudai luzie lu; nah pelung mzuikela leune cide mzui luzie.16Cau a ziemne cuhsap eh kesia keteime de renia zieno? Cau a ziemne cuhsap eh kenlienme de renia zieno?17RAMPAUBE ne acu ngha beu meliecai, Ih nzet eh heni zingde kecu ga zeu miedi zieda.18Ih rang eh, “A pi reneu kecudau,” N samkak masang dene, RAMPAUBO, acu pwacuh beu.19Ih a lungrei kekiee ge kebamdau, nang a lung tau mlabeu eh a sui yi lula. 20Nang kengkap hegwangbam de ngngwa hemaa ge lubui ni? Mige hezai gade ma nsamkemak teila ni?21Penui makesang teilung keu dizie lie ngkwalwe ngkim eh riem la nah penui keyime de peu tsaidi kera mmau la.22Dede RAMPAUBE ne a renei kecehube, nah a Tinggwang au tsurabe kegumbe.23Pa penui katei kemau penui reu gage teugwang beu zie, nah penui katei kenlien gade penuide dangtüt dizie. RAMPAUBE anui Tinggwang penuide dangtüt dizie.
Bridge Connectivity Solutions Pvt. Ltd.