Psalms73
Asaph gu lei ge.
1Tinggwang au Israelme dade yi kesang, mina pelung kemcime dade.2Dede a ziemne au, a sap gade kaudi nage; Ih a kenlum bam tadi3kedanemene Ih ngang kelame de ngau a riakdi Ih kemaume lungh yi kecu ngau kegai dau.4Kedanemene penui lungrei ga penui tsai kemaktane, dede penui au ngking nah yi mcang bam.5Penui au mina kedame nzwa keherei ma; penuide au mina kedame nzwa tei keherei ma.6Penui hegie de ne ntei ge nzwa penui ngwang ga ntei la; zaikesia ne penui paidung nzwa ba la.7Penui lung gade makesia pet; penui nlung makesia cet eh naang lala.8Penui mide nuila nah makesia rangla; penui ngang eh kedame de ngau kerau ciem riem la.9Penui mui le tinggimdung de rang msia la, nah penui mleudung le kideube de rang msia la.10Cine pe minadungde penuide nreu gwangla nah penui sam neu ngga eh nlum lala.11Penui rang eh, “Tinggwang dainzwa cilu lano? Hutube Tinggwang da maci bamme ni?”12Aide cilu: mina aidungde au kemaume; penuida lungrei gah, mahei reu reu dila.13Magede mede ni Ih mci kebam de. Nah kemau tei kemak de.14Tingba pelane peu acu keherei nah tingcang ramsang ledeu beula.15Magade Ih rangdi cai, “Ih ma aidungde rang zie,” iciu cai Ih n cai lungh leu kera ceuheu aidungde de cwa dizie de nai ge.16Ih aidungde cet kera tei kegaidau, cide a ziemne hungham di.17Pecai Ih n kerecaki ga gwang O Tinggwang nah Ih kemaume kamtu ga gwang kera bam de cilu.18Nang penui de kereneu henidung gage kaidi bi zie; nang penuide peu kaumie eh kapdi zie.19Penui dainzwa kaknage gage hetaideu ge mie dino! Penui penli ga gwang lada nah ngaukehing ge gade cangdi zie.20Penui au mige mrak cuh eh mimang gadi kela nzwa da; Rampaubo, nang cuh kecudau, nang cipau mangdung de mning dailak.21Kedanemene a lungcet ga teei kedi dau, delwe acu rezam sütdi.22Ih ncu cilu tadi; Ih makaune mang eh kela nzwa di n dwa gade.23Ciuliede Ih nda la muila; nang a ba zetle herak teula.24Nang n samdung gade acu gumla beuzie nah pecai kemdu gade acu luulu zie.25Nang mecai a ziemne tinggim ga cau bam no? Kideu ga nang gwale migede Ih luu keneu ga.26A nlung nah a pumteih mnei kedi dau, dede Tinggwang au kelungta a kengkieng be.27N dade mdeitet kedime kap dizie; nang n samzai teikemakme pelane de tei ngkap dizie.28Dede a ziemne au, teimai kesiabe Ih Tinggwang da gwang kecude delie. Ih RAMPAUBE Tinggwang de a kemsiu tei luda. Ih n tadung leune mdugai zie.Bridge Connectivity Solutions Pvt. Ltd.