Psalms57
Kenlang leibungkekwame ziemne; Al Tashheth ga teleilu. David lei ge. Michtam ge; pa Saul dade pak kedi dau, tsupop.
1Acu ngaunggia lo, Tinggwang, acu ngaunggia lo, kedanemene Ih n da msiubam zie kehereidung cangdi kemakta. Ih acu gumlu kerane n hesiudung kangga bam zie kengkap aide cangdi kemakta.2Hutube Tinggwang dage Ih hap gai zie, Tinggwang dage, ma pelane a ziemne tei kegaibe.3Tinggwang tinggim gade kengha langgai nah acu kelibeu zie, acu teikeherei kelame da pe rata bam. Selah Tinggwang ada keku kehung nah pe kenlum langgai zie.4A teilung au hinghodung kakga bam; Ih au acu tei ngkapti kera mtei lwe kebamme kakga bam. Ih au mina penui gei au hengeidung nah lakpidung kenzwame kakga bam, nah penui mleudung au kingtiedung pemui nzautau.5Ndu kelube teilo, Tinggwang, tinggimdung reu; n kendu de peu hangdeu pelane reu bamlu.6Ngauraume a pidung ziemne hetak ge teizang gai; Ih keherei bam di. Penui hekwaki a dwa gade kuilu. Penuikatei cipau sumbe ga kaumie di! Selah7A nlung au ntip bam, Tinggwang, a nlung au ntip bam; Ih lei teizie, yeo, Ih ketwa leidung teizie.8Cuhlwe nraklu, rüt kela a mlung; nrak cuhlu, lute nah leibung; Ih tingnaimiak de nkia luzie.9Ih ncu hetwa peu zie, O a Tinggwang, minadung kakgade; Heleuhdung kakga de Ih ncu ketwa lei teizie.10Kedanemene n keku kedi au madau gede ga lama; tinggimdung ga cangla; nah n masang au ting tung bam.11Ndu kelube teilo, Tinggwang, tinggimdung reu; n kendu de peu hangdeu pelane reu bamlu.Bridge Connectivity Solutions Pvt. Ltd.