Psalms46
Lei kempwakme muiteube ziemne. Korah namedung gu lei ge; Alamoth gage tei gai. Lei ge.
1Tinggwang au anui nsiube nah kengkieng, keherei tingdau nghabeu la.2Ciziemne anui ngngi dilak, kideube nnui teudi liede, lamlwatudung jaaidi kecuk gage kelien gaidi liede,3pe duidung mra nah pe rata di liede, nah lamlwatudung mma kecu ziemne mbeu di liede. Selah4Tinggwang namdi be ga suiyi teu gwang beu kela kereuki reunadung bamla, Hutube Tinggwang lungh kebam kemci ni ga.5Tinggwang au namdibe sum ga la; pecu pwa nlaidi gailak; Tinggwang pecu ngha zie, nah pa cide tingcang nuge teigai zie.6Heleuhbedung penui rata di nah hegwangramdung mbeu di; pa mra cuhgai, nah kideube suimie di. 7Kengkieng RAMPAUBE anuida la; Jacob Tinggwang au anui kensiube. Selah8Gwanglu, ainie RAMPAUBE batadung, kideube ga kengkap kai kegai de pielo.9Pa kideube pelane ga hereu keteide kaam dida; pa lakpidung de teipangdi la nah hengeidung de dang takcai dila; pa hegeudung de ru dila.10Zingde dilu nah Ih Tinggwang lie kecu cilu; heleuhdung kakga acu hetwa peu zie; kideube reuga acu hetwa peu zie.11Kengking RAMPAUBE anuida la; Jacob Tinggwang au anui kensiube. SelahBridge Connectivity Solutions Pvt. Ltd.