Psalms44
Lei kempwakme muiteube ziemne. Korah namedung gu lei ge. Maschil ge.
1Anui kwen le anui siu da, Tinggwang, anui peimedung anuide ranglia da penui tingdau nang hetah tei kegaidung, nda tingdau.2Nang n ba le heleuhdung de gwa gidi, dede nang anui minadung de peu kwaklu; nang minadung de tei keherei, dede nang anui minadung de kideube ga lunghhing petlu.3Kedanemene penui katei n minadung penui kiengtie le penui hangdeu de gum kera ngau luma, mede penui katei penui ba le penuide kelilu ma; dede n zetle ba le, n bapum, nah n zu kebaa de ne, kedanemene nang penuide nsui kelane.4Tinggwang, Nang au a Hegwangpei; Jacob de ngamkelu peu.5N dade anui ngauraume de tei nkau dizie; n zi gade anuide renia cuh kelame de anui kang gage kailu zie.6Kedanemene Ih a lakpi de nlum kelakne, mede a kingtie ne acu kelilu lak.7Dede nang anui ngauraume dade anuide kelibeu da, nah anuide ngaurau kelame de peu hengam teidi.8Petingnai Tinggwang ziemne anui ngang la, nah anui n zi de kelungta twala zie. Selah9Dede cu au nang anuide keliengi dida nah anuide peu hengam teugwang beu, nah nang anui reugwamedung de ngngwatet meda.10Nang anuide peu anui ngauraume dade nreutetdi; nah anuide ngaurau kelame anui gudung luu teu dida.11Nang anuide teipwa meurünna de gitset kera nzwa tei dida nah anuide heleuhdung kakga tei zangra dida.12Nang n minadung de pemi kegah gele zwa dida; cide ketei dele nang n mahei tei ngkiee swama.13Nang peu anui kidacaineme de anuide mmau, anui taiga kelame ne anuide rang msia nah henui teibam.14Nang peu heleuhdung kakgade anuide rangmsia, minadung kakgade anuide penui peungum bam.15Petingnai a hengam de a dwaga lala, nah a zu hengam de le acu gum pwabam16mide kesiu nah rang msiakelabe kwa ziemne, ngauraume nah hekum peei kelame ziemne.17Aidungde pelane anui reu ga gwang; iciu lie de anui ncu nsungtadi ma mede n samkak dage anui kenretdi ma.18Anui nlung nreu caili dima; anui piketdung n lampui gade tet tsam dima.19Iciuliede nang anuide heneudung kakgage tei msiasüt gai dida nah ketsai tingkaumie le anuide gum dida.20Magade anui Tinggwang zi nsungtadi liecai mede anui ba sang keda tinggwang dage hetwa petgai liecai,21Tinggwang aide peei gai lakni? Kedanemene pa mi lungning kengkiemdung de cilu kelane.22Kesang, n ziemne anuide daptset bammui dida; meurünna ge de gitset keranzwa anuide cetlu. 23Mraklu, daitei zip bamno, Rampaubo? Cuhlu, anuide kelungta gidi so.24Daitei n zu hebai lano nah anui rei nah lungreidung nsungtadi lano?25Anui rebui ga kaumie di kecune; anui pumdung kideu ga sia eh kaumie dida.26Anuide ngha kera cuh lulo nah n samkakkelu samsang de ziemne anuide keli beulo.Bridge Connectivity Solutions Pvt. Ltd.