Psalms42
Lei kempwakme muiteube ziemne. Korah namedung gu maschil ge.
1Heti dui reunadung de luu neu kela nzwa, cinzwa eh Ih de ncu hengim bam, Tinggwang.2Ih Tinggwang de luu neula, kering Tinggwang de, Ih daidau Tinggwang dwaga gwanglai? 3Tingmui tingba a miakduidung le a taktyeipok teibam dida, a ngauraume a dage, “N Tinggwang si?” De eh rangmui kebamdau.4Ih ma aidungde nsunglu ge Ih a lung teei dila: Ih mina madungde de ngngwa tet nah penuide Tinggwang ki gage ngngwa gai suiyi kwa nah hetwa peu eh, hemaa maadi ge hengyi kebam.5Daitei nang, nsui sia la no? Daitei nang nlung gade nsui sia süt bam no? Ih Tinggwang da a keregui bam zie, Ih pecu twa dai zie kedanemene pa a Tinggwang acu rikelune. 6A Tinggwang, cu au a lung gade a suisiasüt bam dida, ciziemne Jordan deu gade Ih ncu nsung dailu zie, Hermon Deutu kecum gade, nah Mizar deutu gade.7N dui lwamie kecu kwa dene kecok ge ne kecok ge de qu gai; ngu duidicuidung nah n tingkaicuidung a reu ga gwang.8Dede tingba nsangne RAMPAUBE pe keku de acu pwa liala; delwe tingmui msangne Ih pe leidung tei zie, acu kering pwa kepeu be Tinggwang dade kei eh.9Ih Tinggwang dage ranggai zie, a tsura, “Acu daitei nsung tadi no? Daitei a ngauraume acu tei keherei kegai ziemne Ih asui sia la laino?”10A radung ga kingtie ge kebam nzwa, a ngauraumedung acu mmau bam, penui acu, “N Tinggwang daiga bamno?” De eh rangmui kebamdau.11Daitei nang, n suisia lano? Daitei nang n suisiasüt bamno, a rabo? Ih Tinggwang da a keregui bam zie, Ih pecu twa daizie kedanemene pa a kelikelube nah a Tinggwang kecune.Bridge Connectivity Solutions Pvt. Ltd.