Psalms39
Lei kempwakme muiteube ziemne, Jeduthun ziemne. David gu lei ge.
1Ih tiak ludi, “Ih makerang de pie teune zie iciu eh Ih a mleu le kemau teidi kelakne. Ih a mui kang dizie kemaube pei dwaga kebamdau.” 2Ih zingde bam di; Ih makeyi ge de rang lak, nah Ih teei kela de teei mtei di.3A nlung lumdi; Ih ma aidungde cetncok kegaidau, a nlung mi nzwa heudi. Ge Ih marang cuhdi.4“RAMPAUBO, a teilungh cangdi keradau peu acu ci gailo. Nah a tingbadung daitie ge zie bi. Ih dai mzetzet eh gahdi ziebi acu keulia lo.5Pielo, nang a teilung a badeu lang nage gwale teibeu ma, nah a teilung pelane n dwa gade au magede ma. Mina keheibe de ngngi cui ge gwale ma kesang. Selah6Mina keheibe de tingkaumie ge nzwa tetkela kesang. Mileune de mahei peei kera gage zette gai dila iciuliede aide caune ngau ziebi cila ma.7Cu, Rampaubo, Ih dai ziemne kwa bambi? Ncu rünne Ih a keregui bam.8A maudung gade acu kelibeu lo; acu le pwa kemieme nuineu tei diso.9Ih zingde bam dida nah Ih a mui nkei gailak dida, kedanemene nang ne aide tei kegaine.10Acu tei rezam sita lulo; N ba ne acu kepeu kegaide ne acu puipung bam dida.11Nang mina de penui mau ziemne ledeu kegaidau, penui luu keneudung de taklei nzwa tyei ngkapdi; mina leune de tingkai cui nage swa sima kesang. Selah12A kengha kekie kingneilo, RAMPAUBO, nah a kwa siulo; A kehap kwa de siu gailo! A dage n kwenpang di helo, kedanemene Ih n da sangme de nzwa la kecune, a paumedung pelane nzwa Ih n giabe ge kecune. 13Acu pie ta dilu iciu eh Ih a sui yi dailu kerane Ih tsaidi kemakne.”Bridge Connectivity Solutions Pvt. Ltd.