Psalms18
Lei kempwak muiteube ziemne. David gu lei ge, RAMPAUBE kilabe, Saul ba gade nah pe ngauraume ba gade pecu kelibeu kecudau pa RAMPAUBE dage lei aide tei kegai. Pa lei teigai:
1Ih ncu hunglie, RAMPAUBO, a kengkieng.2RAMPAUBE au a tsura, a kengkieng bam, pa acu peu kwak lula; pa au a Tinggwang, a tsura; Ih pe dade nsiu lula. Pa a hegeu, a kelikelu kiibe, nah a nsiu kengkiengbe. 3Hetwa pwapeulu kebui RAMPAUBE de Ih qu gai zie, nah Ih a ngauraume dade kwak bamlu zie.4Ketsai kengngi le acu twagwapung bam, nah kengkap cui ne a reu ngkieng bam dida. 5Sheol de kehing le acu twagwapung bam dida; ketsai baih ne acu kang pwabam dida.6Reikela gade Ih RAMPAUBE de qugai; Ih a Tinggwang de kengha ziemne qugai. Pa pe kerecaki gade a kwa siulu; a kengha kekie peda mie canglu; cide pe kwen ga lütlu.7Pecai kideube nlai nah mbeudi; lamlwatu bangbeudung de mbeu nah nlaidi kedanemene Tinggwang pe rata kedine.8Pe ngkie gade mika kapet cuhdi, nah pe mui gade mi heu petdi. Miceu de cide ne rudi.9Pa tinggimdung ngkei gai nah pa nghung, nah kemui kedige pe pi kangga la.10Pa cherub ge reuga bamlu eh lim la; pa tingkai hesiu gade lim la.11Pa pecu kemui gele hezui, twagwalu, tingkam ga mwangzui dui kepui gele.12Tangheu nah miheu cuidung kehepik kegai gade pe dwaga cakmie.13RAMPAUBE tinggim gade sahbak gai! Hutube Tinggwang kwa tangheu nah tingkehepikdung nzwa siudi.14Pa pe lakpitsidung kapgai nah pe ngauraumedung de tei zangra di; tingkehepikdung de le penuide tei kebwakdi.15O RAMPAUBO, nang hesiu kegai dau;n rata eh mra kegaiduirwakdung ngaudi,kideube bangbeudung mta mrwadi.16Pa nreule de nghung; pa acu ngngwa lu! Pa acu dui kedi gade teu mpetlu.17Pa a ngauraume kengkieng gade acu kelibeu da, acu ngau keraume dade, penui a ziemne ngkieng ham kedi ziemne.18Ih a lungrei kebamdau ngauraumedung acu reniapet dede RAMPAUBE acu ngha beu!19Pa acu heni kenza gage lungmpet beu; pa acu ngha beu kedanemene pa acu pe sui kelane.20Ih samsang gai kecu ziemne RAMPAUBE a ziehi teibeu; a ba mci kecu ziemne pa acu teimcang beu.21Ih RAMPAUBE zaide mzai nah a Tinggwang dade Ih kemau tei eh nreu tetdi kemakne,22Pe kesamsang zaidung a dwa ga kebamne; nah pe samdung gade Ih nreu tetdi kemakne.23Ih pe dwa gade nzui, nah Ih kemau tei dimah.24Cine RAMPAUBE a kesamsang ziemne acu samlam beu, kedanemene pe miak dwa gade a ba mci kecu ziemne.25Samsang kecume dage, nang samsang la;yicang kecume dade, nang nkatei ncu yicang kecu keulia la.26Mci kecume dage, nang nkatei ncu mci kecu keulia la; dede nang ngkoi kelame dade au mriak.27Nang keherei kelame de kelibeu la, dede nang ngang kelame de teu ngkau dila!28Nang a mitaubung de kebaa peu la; RAMPAUBE a Tinggwang a kemui de tei baa beula. 29N ziemne kekam kenan Ih pakkah lubui; tangdeu ge reu Ih a Tinggwang ziemne nsau kah lubui.30Tinggwang au, pe lampui au mzui! RAMPAUBE sam au mci! Pa au hegeu ge nzwa lie pe dade nsiu kera peei kelame ziemne.31Cau Tinggwang no RAMPAUBE ne mecai? Cau tsurabe no anui Tinggwang ne mecai?32Tinggwang a dage kiakang nzwa kengkieng kaibeu la, pa yicangsiak kecume de pe lampui sau beula.33Pa heti pi nzwa a pi tei mzet beu nah kecehu gage acu kaibeu!34Hereu tei kera pa a ba mtei beu nah hetageu lakpi teu ngkoilu kera a ba mtei beu.35Nang n kelikelu gu hegeu acu peuda. N ba zetle le acu ngha beu da, nah ngaugia de ne acu teingkieng beuda.36Nang a pi ziemne pe bam kedi ge teilu iciu eh a pi reneu di melu kerane.37Ih a ngauraume de zui mie nah penuide tuilu; penuide tei ngkap di kemakta Ih caili nreu gwang ma.38Ih penuide pwa sam iciu eh penui cuh dai melu kerane; penui a pi kangga kaumie.39Nang a dage hereu ziemne kiakang ge nzwa kengkieng kaibeu; acu renia cuh kelame de a kang gage kai dida.40Nang a ngauraume kedok acu peu; nah Ih acu ngau keraume leune de teingkap di.41Ngauraume kengha kiegai, dede migede penuide ngha ma; penui RAMPAUBE de qugai, dede pa penui sam keli ma.42Ih penuide dap takcai di eh tingkai ne guikela rebui nzwa teidi; Ih penuide lampuikidung gage tangdei nzwa keliengi di.43Nang acu mina keregi kecu gade acu kelibeu da. Nang acu heleuhdung reu pe peube teibeu da. Ih ci kemakme de a gwatei.44A sam siuge siu, penui a sam nzailu; sangmedung depeu a dwaga keukei mie. 45Sangme penui nsiubamdung gade mbeu eh mpet.46RAMPAUBE ring la; peu a tsura de hetwa punglu. Acu kelikebeube RAMPAUBE de peu hetwa herüt punglu lo.47Pa au a ziemne hekum peei beu kela Tinggwang, heleuhdung de a kangga kai beu kelabe.48A ngauraume dade acu kelilu da! Kesang, nang acu renia kelame reu acu kengkieng peu da! Nang regi kelame dade acu kelibeu da.49Cine Ih ncu twala zie, RAMPAUBO, heleuhdung kakgade; Ih ncu ketwa lei teila zie! 50Ngkieng kelu kedi Tinggwang pe hegwangpei de peu la, nah pegu keniak kelube de pe samkakkelu samsang de lia la, David de nah pe leuhme dage kelungta.Bridge Connectivity Solutions Pvt. Ltd.