Psalms144
David gu lei ge.
1RAMPAUBE, a tsurabe de peu samlampung kelube teilo, hereu teikera ziemne a badung ledeu kelabe nah keregi kera ziemne a zurangpuidung.2Nang au agu kesamsang samkak kelube nah a kengkieng reketbam, a bam kehube nah acu kelikelube, acu kegumbe nah Ih pe dage nsiu kelabe, a kang gade heleuhdung de kezeu lu kelabe.3RAMPAUBO, mina be daipaino nang pecu mcet kebambe de mede mina nabe nang mning kebambe de? 4Mina au ngngi cuige nzwa; pe tingbadung au tingkaumie ge pakla kelanzwa.5Tinggim de ngkei lwe nghung lulo, RAMPAUBO; lamlwadung de tunggai eh penuide mika tei dilo.6Ting kehepiakdung langgai eh a ngauraumedung de teizang dilo; n lakpitsidung kapkai nah penuide kebwak dilu.7Nreule de n ba pet; dui kekiee gade, sangmedung ba gade acu keli beulo.8Penui muidung kenret rangla, nah penui nzetle ba au kemau.9Ih nda ge lei keheci ge teigai zie, Tinggwang; leibung peria kerei gade Ih lei tei ncu twazie. 10Hegwangmedung de kelikelu kepeu be, David n kilabe de kingtie kesiabe gade kelikelube.11Acu sangmedung ba gade kelibeu nah lungmpet beulo. Penui muidung kenret rangla, nah penui nzetle ba au kemau.12Peu anui namedung de tsingbangdung lung cangsiak kelube nzwa lulo penui rehang tingdau nah anui napuidung de hegwang ki kimiak ga hetsia hezu keyibe nzwa.13Peu anui baudung tah kelu ketsamtsam le kepui teilo, nah anui meuründung de cangcang nah cang kerei hing pet lulo anui luhdung ga.14Iciu eh anui tumdung de pena kekiee bam luzie. Migede anui heriedung teipop lüt lak; gwa kempet de bam lak nah anui lampuikidung ga kehap de gah zie.15Mina cikenzwa samlamdung kebam me samlam pungtu; mina pe Tinggwang au RAMPAUBE kecume pe sui yila.Bridge Connectivity Solutions Pvt. Ltd.