Psalms135
1RAMPAUBE de twalu. RAMPAUBE zi de twalu. Pecu twalu, nnui RAMPAUBE kilamedung,2nang RAMPAUBE ki ga kesapme, anui Tinggwang ki kisie ga.3RAMPAUBE de twalu, kedanemene pa au yilu; lei tei pezi twalu, kedanemene cide ketei au yilu.4Kedanemene RAMPAUBE peziemne Jacob de kedetlu, Israel de pegu teilu.5Ih ci RAMPAUBE au di kecu, anui Tinggwang au hera kedadung pelane reu.6RAMPAUBE ma keheibe tei keneube, tinggim gade, kideu gade, jaaidi gade nah pe kang kecokdung pelane gade pa teila.7Pa hemwadung kemdei gade teugwang la, ting kehepikdung de tingrui de nzang kecu tei nah pa pegu mania kibung gade tingkai keumpet gaila.8Pa Egypt gu neraibe de teitset di, mipei nah makaunedung kenana de.9Pa ma rengei nah mimakecang nnui kakga langgai, Egypt, Pharaoh nah pe kilamedung pelane dage.10Pa heleuhdung kekiee gede ngkapdi nah hegwang kengkingme de teitsetdi,11Sihon Amoritme gwangpei nah Og Bashanme gwangpei nah Canaan ga hegwangramdung pelane.12Pa anuide penui deu gum kera pwapeu, pe mina Israelme de peu gumlu kera peudi.13N zi, Oh RAMPAUBO, kelungta ncu nsung lazie; n kendu, Oh RAMPAUBO, ceheudung pelane ncu nsungla dizie.14Kedanemene RAMPAUBE pe mina de gumla nah pe kilamedung de ngau nggia la.15Heleuhdung mamiedung au rangkanggeu nah kecak, cide mina badung bata.16Cipau mamiedung au penui muidung bam, dede penui marang gailak; penui miakdung bam, dede ngau gailak;17penui kwendung bam, dede penui siu gailak, mede ngicui de penui muidung ga gah.18Penuide teikegaime nah mi keheibe de penuide nlum kelamedung au penui nzwa.19Oh Israel leuhmedung, RAMPAUBE de samlam beu; Oh Aaron leuhmedung, RAMPAUBE de samlam beu.20Oh Levi leuhmedung, RAMPAUBE de twalu; nnui RAMPAUBE de herüt peu kelame, RAMPAUBE de twalu.21Zion gade RAMPAUBE de samlam beu, Jerusalem ga kelunghme. RAMPAUBE de twalu.
Bridge Connectivity Solutions Pvt. Ltd.