Psalms132
Kengha kekie lei ge.
1RAMPAUBE, David zi gade keherei kecu pelane nsunggai.2Pa RAMPAUBE de sampet kegai de nsunggai, pa dainzwa Jacob gu kengkieng Tinggwang dage sampetgai bi.3Pa rang, “Ih a ki ga lütlak mede zeu ga gwanglak,4Ih a miakdung de kezip halak mede a miakkum de kemtak halak5Ih RAMPAUBE ziemne heni ge peeilu kemaktane, Jacob kengkieng Tinggwang ziemne paiki ge peulu kemaktane.”6Pielo, anui Ephrathah gade cipau hade siuda; anui cide Jaar luhdung gade ngau luda.7Anui Tinggwang kiga miego; anui pe pi kai kecu bam gade reca zie.8Cuh lu, RAMPAUBE, ngu kemtak bam ga, nang nah samkakbung n kengkieng de!9Peu ngu cingkume de kesamsang paini teulu; peu ngu kesamsang mede suiyi sah lo.10Nkilabe David zi gade, n keniakkelu hegwangpei dade nreutet diso.11RAMPAUBE David dage sampet teibi kera pe sam pet gaibeu, cipau sampet de pa teibi mene talak: “Ih n name hang ge de peu n hegwang bam ga kaibeu zie. 12Magade n namedung agu samkak nah Ih hezaidung penuide ledeu kebeu de kai nzeulu cai, penui name dung de ngu hegwang bam ga kelunghta bam di zie.”13RAMPAUBE Zion de kedet luda, pa pebam ziemne pecu luuneu di.14Nang ranggai “Aide kelungta ziemne agu kemtak bam. Ih aika lungh zie, kedanemene Ih pecu lu keneu ne.15Ih pecu kekiee ge teu makesia leune samlambeu zie. Pa maga kebam de taktyei le tei mnung beu zie.16Ih kelikelu le pe cingkumedung de cum beu zie, pecu kenlummedung suiyi ziemne sa zie.17Cika Ih David de pekii pwak cuh kecu tei zie nah keniak kelube a hegwangpei ziemne kebaabung kaibeu zie.18Ih pe ngauraumedung de hengam le cum luzie, dede pe dade hegwang peurwa baa zie.”Bridge Connectivity Solutions Pvt. Ltd.