Psalms115
1Anuide so, RAMPAUBO, anuide so, dede n zi de peu kemdu peu lo, keku bammui kelade nah masang de ziemne.2Daitei heleuhdung keteulai, “Penui Tinggwang cu daiga bamno?”3Anui Tinggwang au tinggim ga bam; pa tei keneube leune tei la.4Heleuhdung gu rabedung au rangkanggeu nah kecakle tei, mina ba le tei keludung.5Cipau rabedung de penui muidung bam, dede ma rangla ma; penui miakdung bam, dede ma ngau lama;6penui kwendung bam, dede ma siu lama; penui ngkiedung bam, dede mariem ci lama.7Cipau rabedung de penui badung bam, dede ma deu lula ma; penui pidung bam, dede penui tet lu lama; mede penui muidung gade marang lama.8Cidungde tei kegaimedung nah, cidung de nlum kelame leune de cipaudung de nzwa da.9Israel, RAMPAUBE de nlum lu; pa nnuide kenghabe nah kegumbe.10Aaron leuhmedung, RAMPAUBE de nlumlu; pa nnuide kenghabe nah kegumbe.11Nnui RAMPAUBE de kerüt peu kelamedung, pecu nlumlu; pa nnuide kenghabe nah kegumbe.12RAMPAUBE anuide nsungla nah samlam beu zie; pa Israel leuhme de samlam beuzie; pa Aaron leuhme de samlam beuzie.13Pecu hing kelame de pa samlam beu zie, hename nah hecingme de.14Peu RAMPAUBE de nnui leu tei ngkiee reureu beulo, nnuide nah nnui namedung de.15Nnuide peu RAMPAUBE de samlam beulo, tinggim nah kideu tei kegaibe de.16Tinggim au RAMPAUBE gu, dede pa kideube pwa mina de peu dida.17RAMPAUBE de au ketsaime ne twa lama, mede ketsaime deu ga nghung kedime twa lama.18Dede anui RAMPAUBE de ketwa peuzie cu nah kelungta. RAMPAUBE de twalu
Bridge Connectivity Solutions Pvt. Ltd.