Psalms112
1RAMPAUBE de twa lu. RAMPAUBE mie hing kelabe au samlam pungtu lie, pa aja kaikebeudung mzai la kecu pe sui kelabe.2Pe leuhmedung deudibe gade ngkieng luzie; mina kemzuime leuhmedung de Tinggwang ne samlam beuzie.3Pe kilung ga mahei nah mabam bam; pe masangdung kelungta bam zie.4Mina keyimedung ziemne kemui ga kebaa lala; pa mide ngau nggia, pezaiyi, nah mzui.5Pe zaiyi eh mide nggia kelame nah mide rangkang releu beu kelame da au kezuyi lala, pe bata masang eh tei kelabe.6Kedanemene pa au madaude kau dilak; masang kelabe de au nsungla mui zie.7Pa samlia kesiadung de hing lama; Pe kenlum au ngkieng, RAMPAUBE de nlum eh.8Pelung au keherei lama mede ngngi lama, pa pe ngauraume de ngamlwe ngkienglu kemaktane.9Pa mbang eh kegahme de ma peula; pe masangdung kelungta bamzie; pecu hetwa herüt peuzie.10Kenlienme aide ngau eh pe rata dizie; pa pe rata süt eh pe gei geigim dizie nah pa sui dizie; kenlienmedung kehengin au gah dizie.
Bridge Connectivity Solutions Pvt. Ltd.