Psalms10
1Daitei eh, RAMPAUBO, nang sap mdei lano? Daitei eh nang anui keherei kecu tingdau mbaih di lano?2Penui ngang kela ziemne, mina kesiame rei kelame de zuila; dede kesiame de peu penui katei ne mtei kelu baih gage peu baang dilu.3Mina kesiame penui lungning kecokdung ziemne ngang lala; pa ma kehenginme de samlam beula nah RAMPAUBE de rangmsia lala.4Mina kesiame au ngang kecu zu pungbam; pa Tinggwang de peei lama. Pa Tinggwang de madaude nsungla ma kedanemene pa pecu malie la kemakne.5Pa peting ramsangne ziune bamla, dede n kesamsang hezaidung au pe ziemne hu zu; pa pe ngauraumedung de nui lala.6Pa pe nlung gade rangla, “Ih madaude kau dilak; lungkela tane Ih madau gede keherei dau lak.”7Pe mui au reset nah kenretpedung nah mide keheu samdung le pui; pe mleu kangga mide tei kelunglei nah makesia sam bam.8Pa renamdung taiga mbai bamla; cikemak henidung gade pa mina mau kemakme de teitset la; pe miakdung mina magede teigai kelakme de peei la.9Pa pe mbai bam ga hingho nzwa kwa bam; pa pe ngau raume de tuilu kerane zeu eh kwa bamla. Pa pe ngau raume de pe baih teu kegai dau tui lula.10Pa ne tui kelume de tei kecai dila nah rejam dila; penui pe baih kengkieng dega caklüt dila.11Pa pe nlung gade rangla, “Tinggwang acu nsungta dila; pa pemiak ziangmui dida; pa madaude pie kera cet meda.”12Cuhlu, RAMPAUBO! N ba hwa ncuhlu, Tinggwang! Rei kelame de nsung tadi so.13Daitei mina kesiame Tinggwang de mlai lano nah pe nlung gade, “Nang acu mmau dilak ha,” de eh rangla no?14Nang ngaula, mide tei keherei kelame nah mi lungrei tei kelame de nang pie bammui la kecune. Magede teigai kelakme pecu le pwa ncu nlum beula; nang pe pei kegame de ngha beula.15Kemaume nah kesia keteime ba teicum dilo. Pa kemaudung tei kedine pecu saja peulo, pa cet kecu nang ci lak lie kelane.16RAMPAUBE au kelungta hegwang; Tinggwang de ci kemak leuhdung pe deu gade gwampet dila. 17RAMPAUBE, nang rei kelame kekie de siu luda; nang penui nlung teingkuu beu, nang penui kekie kingnei beu;18Nang pe pei kegame nah rei kelame de gum beula iciu eh mige de kideu aika kekeheu ta teisi dai kelakne.
Bridge Connectivity Solutions Pvt. Ltd.