Proverbs6
1A na, nang n kidabe pau ruibeu kera n rangkang keumpet ntsam nzeu cai, nang cikemakme ge pau ruibeu kera n sam petbeu dicai,2iciucai n sampet dene nang nziemne baih ge tei luda nah n mui gade kepet samdung dene ncu keu luda.3A na, n samdung ne ncu keu keludau, aide teilu nah nkatei ncu kelilu, nang n kidabe ba gage kaugai di delu; mie delwe nkatei ncu teihenah lu nah n kidabe dwa gade nggia kielu.4Peu n miakdung de kette zipso nah n miakkum de kette zip diso.5Heti ge teihgwabe dade pak mbaikelu nzwa nkatei ncu kelilu, nruine ge matak keteime ba gade pakkelu nzwa.6Nang kenghetbo, tangtiane de piegai lo, pe teilung zaidung cet gailo, nah mriak lulo.7Pe muiteube, kedibe, mede kengkieng keteube gah,8dede pa hepwak tingdau pe taktyei mtei lula nah luhlüt dau tyei kera hekwa lula.9Nang kenghetbo, nang daitie ge zip bam launo? Nang zip kebam gade daidau cu launo?10“Manage zip gai ziereu, manage zip gai ziereu, a ba tuilwe manage mtak gai ziereu”11nah n magah au sütketyeime ge nzwa gwang zie, nah nang teumai kesiabedung pe reunet teulwe sütketyeime ge nzwa gwang zie.12Kemta nah kenlien kauge pa kenret rang eh hui pwa lala,13pe miak miakhim, pe pidung le maciemdung tei nah pe zurangdung le sau eh.14Pa mide kecwa nlung pung delwe heciem kesia riemla; pa keheidau de kelung zwa kemak kelung gaila.15Ciziemne peda kengkap zette gwang zie; piage gage pecu teingkei gai kelak keherei gwang zie.16RAMPAUBE ngau kengkau ma herok bam, pa kemneu ma hena bam.17Ngang kelame miakdung, kenret kela mleu, kemzuime de teitset kela badung,18heciem kesiadung riem kela lungning, kesia tei kera zette pet kela pi,19Kenret zierang ketei nah sinamedung kakgage kesamlim ling kegai.20A na, n pei teilo kebeube mzai lu nah n pui ledeu kebeube gi diso.21Cidungde n lung gage kang nzeu pwabam muilu; cidungde n ngwang gage keulu.22Nang tet keladau, cidungde ncu sau beuzie; nang zip kebamdau, cidungde ncu gum beuzie; nah nang nrak cuh kecudau, cidungde ncu ledeu beuzie.23Kedanemene ajadung au mitaubung ge, nah keledeusam au kebaa ge; keledeusam au kering lampuibe da.24Cide mipui kesiame dade ncu keu kezia beuzie, mipui kesiame kemdui samdung kerang gade.25N mlung gade pe zuiyi de hengim diso, nah peu pecu pemiak maidung le ncu tui teu diso.26Helipui (kezeu/zeu)gede tangku kwak ge mi le lui lubui, dede mikedame naude kelwet au n teilung pelane kai kegai nzwa da.27Mige pe paidung ru mene pe hekakrak gage mi pung lubui ni?28Mige pepi nsie mene miceu kelum ga tet lubui ni?29Mige pe kidabe nau da mie kecube de cinzwa da; pecu tung kecube saja ngau mene talak.30Keregame ge pa mzeu eh teumai kesia ne rega lacai Mina pecu mlai lama.31Dede pecu tui lucai, pa regakelu pia hena kieege peu dai zie; pa pe kiga pemi ketei leune peu maisia.32Kemmha ta keteibe magede kecet gah; cide tei kelabe pekatei pecu teimsia bam da.33Rezam nah hengam pa ngau kera pe nsam, nah pa ngngam lamui dizie.34Mipei ge pe nau ziemne pe ngauraume dade pe lungriak kecu dau perata süt dila; pa pekum kepeei dau ngaugia kette bam lak.35Pa hemaa kepeu kette luu lak nah pecu lui gailak, nang pecu mapeudung kekiee ge peu liede.
Bridge Connectivity Solutions Pvt. Ltd.