Proverbs31
1Hegwangpei Lemuel samdung, pe pui pecu tei lulo eh ledeu kebeu ge.2Daino, a napei? Cide daino, a na akube? Nang dai luu neu no, a kekie keli kebeu nabe?3N kengking mipuidung de peu diso, mede n zaidung hegwangpeidung de ngkap di kelame de.4Cide hegwangme ziemne ma, Lemuel, hegwangme zau sak kera ziemne ma, mede peu keteume zau kengking hengim kerabe ma,5kedanemene penui sak luge penui hezai kai kenzeudung nsungta dila, nah keherei kebamme mzeu de tei nggah dila.6Zau kengking kap gahdi kezeume ge de peu lo nah lungrei kieesüt kecume de zau peu lo.7Pa sak luzie nah pa pe magah de nsungta dizie nah pa perei de nsungta dizie.8Marang lula kemakme ziemne rang lo, kap gahdi kezeu pelane de ziemne.9Rang petgai nah petaube tutiak de le tiaklu nah kegahme nah teumaikesiame ziemne nggia kie lu.10Cau henau keyi ge peei lulai? Pe mi au hegadung swade yiki.11Pe nahpei pe mlung gade pecu nlum la, nah pa madaude magah dilak.12Pa pe ziemne ma keyidung teila nah kesiabe tei lama pe tingbadung pelane.13Pa mamai nah linen pai kedet, nah pe bata de pe sui yi eh tei bamla.14Pa heli ketei liemdung nzwa; pa kilung ga ketyeipok kemdei gade teugwang lula.15Pa tingmui kebam dau cuh dila nah pe kilungme de taktyei mtei beula, nah pa kilapuidung de heta mzi beula.16Pa luh ge pie eh cide lui lula, pe ba gade bui kelu tsi dele pa kubeluh ge ling lula.17Pa pe renci le pekatei pecu mtei lu la nah pe ba tei ngking lula.18Pa daipai tei de keyi ge pe ziemne gielu zie bi ci nswa lula; tingmui dau de pa ma tei nnang bamla.19Pe ba helang hedui eh nnang bam, nah pa kehedui ria de herak teu bamlu.20Pa mina ma kegahme de ngha beula; pa mina teumaikesiame de maikesiabe peula.21Pa buising kekei dau pe kilungme ziemne hing di lamah, pe kilungme pelane de pai kelumbe bah kelune.22Pa pe zeu ziemne paidung teilu, nah pa linen pai gieremang hezu keyi bah la.23Pe nahpei de au kiriedung gade ci lula, pa namceu hangkiame de ngngwa ntum kebamdau.24Pa langcimpai niadung tei lu nah zwa la, nah pa kiakangdung tei lwe heli keteime dage zwa beula.25Pa au kengking nah herüt le pecu cum lu, nah pa gwang keradau nui la.26Pa maci teu marang la nah pezai hena kecu pe mui ga bamla.27Pa pe kilungme zaidung pie bam la la nah mide tei nghet di kela tangku tyei lama.28Pe namedung cuh eh pecu samlam kepung lie eh qu la, nah pe nahpei pecu twa eh rangla,29“Mipui kekiee ge keyi teilu, dede nang cidung pelane kakde yitu da.”30Kehemeu au mide kecwa, hezu keyi au gah dila, dede RAMPAUBE de herüt peu kela pui ge, pecu au twa zie.31Pe bata tsi de pecu peulo nah pe tadung de peu namceu heriekidung gade hetwa peulo.
Bridge Connectivity Solutions Pvt. Ltd.