Proverbs25
1Aidungde Solomon macisamdung, Judah gwangpei, Hezekiah kangga pe kedimedung ne rau keludung.2Ma kebaiteu kelade au Tinggwang kendu, nah cide rangmci lia kegai au hegwangme kendu.3Tinggimdung kecehu nah kideu kecok cicang gailak kecu nzwa, hegwangme lungning de cicang gailak.4Rangkanggeu gade keheradung de keu gidi, iciude hegeu kerekibe rangkanggeu keu pe ta tei lubui.5Ciciuliede, mina kesiamedung de hegwangpei dwa gade keugi dilu, iciude pe hegwang petaube tei eh tei ngkieng luzie.6Hegwangpei dwa gade nkatei ncu twa so, nah kenlangmedung ziemne tei pwa kebam bam ga sap so.7Peu kenlangme dwa gade ncu hengam teidi kera swade, Pa ne ncu, “Aika hanglu,” de kerang be yiki. Nang kengau de,8tutiakbam ga teu kelwa mie diso. Kedanemene kekamle n kidabe ncu teu hengam tei kecudau nang daitei lai?9N kidabe nnai kakgade n ha de nzanglu nah kedame kengkiem de mide ranglia so,10mecai cide siukelube n reu gage hengam teigai beuzie, nah n ha kesiade kebai gailak dizie.11Sam petaube peting siakdau rangkegai aukecak apple rangkanggeu kwak gage kaipwa kebam nzwa da.12Makecimege ne kingnei keneume dage keledeu sam rang kegai au kecak bakap mede kecakle tei kelu hetei heta nzwa da.13Kenlum samgwabe au pecu langkegaime dwade luhlüt ting kelum dau kengkung buising nzwa da; pa pe mpaume lung tei ringrak beula.14Pa peu kemak mapeude ziemne hegie kelabe au hemwa nah tingkai dui teugwang beula kemakpe nzwa da.15Milung tie kecu au kedibe lung tei nreudi lubui, nah sam kemnwa au teihra de teipang lubui.16Nang heliadui ngau lucai, tyeilu kebui ge tyeilu, mecai, cide tyei kieeham lu eh ncu tei nruidi lubui.17N kidame ki ga mie heriham so, pa ncu ngngwa leudi lubui nah ncu ngkaudi lubui.18Mige pe kidabe kenret zierang ketei au tsingtie ge hereu ga keu kelabe nzwa, mede kingtiege, mede lakpitsi pemui keyi ge nzwa.19Nang keherei kelu tingdau masang kemakme ge de nlum kecu au migei kesia ge mede mipi daukeli kegai nzwa da.20Mige pelung keherei süt eh kebambe dage lei tei kegaibe au tingtiak tingdau mige pe pai gaugi kegai nzwa, mede keteei zam gage kehiadui rui kegai nzwa da.21N ngauraube mzeu lacai, pecu ketyeipok tyei kera peulu, nah pa hereu lacai, pecu dui sak kera peulu,22iciude nang heu kebam hengam miceudung pe peu gage twakgai zie nah RAMPAUBE ncu ziehi peu zie. 23Tingbangle tingkai tingrui teugwang kela nzwa, cinzwa kengkiem sam kerang mleu au rata teugwang beula.24Kesamlim kecu nauge de ngngwa kilung ge ga ngngwa lungh kecu swa au kipeu kimiak ga kelungh be yiki. 25Kemdei deudi gade samliakeyi kesiu au mige hereu kebam dau duikung kesak nzwa da.26Makesangme ge mina kesiame ciem gade kau kedi au duirwak keherabe mede tekwa teimsia kedibe nzwa da.27Heliadui tyei kieeham kecu au yi ma; cide au mitwa kekiee ngauneu eh peeikela nzwa da.28Pe rata ketip lula kemakbe au namdi kau kedi nah pe kiriedung kegah nzwa da.
Bridge Connectivity Solutions Pvt. Ltd.