Proverbs23
1Nang kengkieng keteume de ngngwa matyei kera bam keludau, n dwaga kebamdung mcet sünne lu,2nang ma kekieege tyei kelame ge cai, nkatei ncu kezeu lu.3Pe taktyei keyidung hengin so, kedanemene cide au mide kecwa taktyei lu.4Mahei silu kerane mata tei nri sütso; mriak eh mtak kerating cilu.5Nang n miak peu cika baa gai zieni? Cide au gah dizie, kedanemene cide helie nzwa pe hesiu pung eh ting gage liem tet gai dizie.6Mina kesiame gu ketyeipok tyeiso, nah pe ketyeipok keyi de hengin so,7kedanemene pa au ketyeipok mi peei kelame ge. “Tyeilu nah saklu!” de pa n dage rangla, dede pe lungcet au ciciu lama.8Nang keceu nage tyei kelude nrui nghang dizie nah nang twa kegai pelane kemta tei dizie.9Kemieme dage marang so, kedanemene pa n kemteu samdung de nlai dizie lu.10Ndaa de kebam herai tsu de deu kelai so mede nggiana deu luu teu diso,11kedanemene penuide Rikelube au ngkieng nah pa ncu mmau eh penui tutiak zie.12Keledeusam de gage nlung kailu nah macisamdung kingnei lu.13Henamedung de ledeu kera lunghau so, kedanemene nang pecu ledeu lucai, pa tsai dilak.14Nang ne pecu tsingtie le dap maisia delwe pe rabe Sheol gade kelibeu kerabe.15A na, n lung mteu cai, Ih de a sui yizie;16nang petaube rang kecudau a rabe pe suiyi luzie.17Peu n nlung de kemaume de hengin so, dede n ting pekiene RAMPAUBE de hing jüja lalu.18Paucai teigwang kera ge bam nah nang regui kebam de tei nggah dilak.19Kingneilu, nang!, a na, delwe mriaklu nah n lung petau gage teu gailu.20Zau sakmie kecumedung de ngngwa so, mede heteih tyei kecimedung de kekangngwa so,21kedanemene sak kemieme nah ketyeikau de ma gah dizie, nah kezip ne penuide peu paineu bah zie.22N pei ncu teilung kepeube kwa kingneilu nah n pui cing dide, nang pecu ngkau diso.23Makesangbe luilu, dede cide zwa diso; maci, keledeusam nah lungcet keyi luilu.24Makesangme ge pei au pe sui yizie, nah kemteu nabe lungh kelube au pe suiyi luzie.25Peu n pei penai n pui de penai sui yilu, nah ncu mna kebeube de peu pe sui yilu.26A na, n mlung acu peulo nah n miak de peu a puisaudung pie lulo.27Kedanemene helipui au hekwa kecok ge, nah kemmha pui ge au kenrum tekwaki ge.28Pa sütketyeime nzwa kwabam la nah pa minadung kakga mide kecwamedung tei ngkiee si reu beula.29Cau keherei bam no? Cau pe sui sia bam no? Cau regi lano? Cau ncam bam no? Cau made tei mene rezam zamdung pung lano? Cau pe miak giebei bam no?30Zau sak bam kelame, zau hai kelube sak kelame.31Zau gie kedibe pieso, cide hepiak ga nzaihei nah mduipai eh nghung dila liede.32Kekam ga cide henei nzwa nsau zie nah henei kerabe ne nsau kedi nzwa teei zie.33N miakngau gade ma ketsamdung ngau dizie, nah n lung gade makesiadung rang dizie.34Nang jaaididung reu ga zip kelame ge nzwa dizie, mede liem nreutu ga zeu kebamme nzwa zie.35Nang, “Penui acu tei,” de eh rang zie, “dede acu rezam dima. Penui acu dap, dede Ih cide cilu ma. Ih daidau mrak cu lai? Ih sak si maisia da.”
Bridge Connectivity Solutions Pvt. Ltd.