Proverbs19
1Magah liede samsang eh kebambe au kemieme ge sam kesia rangkela swa yiki.2Maci si mene kehengin kebam au yi ma, nah pak nzet süt kecume lampui pak mau dila.3Mige pekatei pe mie le pe teilung ngkap dila, nah pe mlung RAMPAUBE de mmau la.4Keheime zangna kekieege ngausi lula, dede kegahme ge au pe zangna kebam kecamnage de dade teuntsam dila.5Kenret zierang tei kelame de saja peu mene talak, nah kenret rang kelame mbai gailak.6Mina kekieege mbang eh peu kelabe dade kengha kiela, nah mileune de mta mapeudung peu kelabe zangme teineu la.7Kegahme ge pe sinamedung kecang de pecu ngkau la; pe zangme pe dade tet mdei kedimedung de daikenzwa gede pecu ngau ngkau lai! Pa penuide qu gai, dede penui au tet dida.8Maci ngaulu kera tei kelabe pe teilung hungla; kecikecet kainzeu kelube ma keyibe ngaulu zie.9Kenret zierang tei kelame de saja peu mene talak, nah kenret rang kelame de ngkap dizie.10Kemieme ge lungh kehega eh lungh kecu zeu ma, kilame ge kedime reu di kera petau kemak nzwa.11Pe lungcet keyime pe rata kezeu lula, nah pe dage kemau teikegai gi kebeu pe kendu ge.12Hegwangpei rata au hingho kemra nzwa, dede pezai keyi au tseheinei ga hezin nzwa.13Hena kemang nabe au pe pei de kekap teu gwang beula, nah henau samrang repia kebam pui au dui zau jüja kebam nzwa da.14Mige ki nah mahei pe puipei dade gum lula, dede makeci nau au RAMPAUBE ne peula.15Kenghetme ge zip zing eh bamla, dede bata tei keraume mzeu eh bam zie.16Tinggwang aja mzai kelume pe teilung gumkwak lula, dede mige pe lampuidung cetla kemakbe tsai zie.17Kegahme de ngaunggia kelame RAMPAUBE de releu beu bamda, nah pa tei kegaide de pa pecu rui pwapeu daizie.18N name hena eh maci lu kebui dauge ledeu beulu, nah nang pecu ketsai gage kaidi kera cetso.19Pe rata kesiame de saja peu maisia; nang pecu kelibeu cai, nang pekenabe de tei dai kerabe.20Keledeusam kingnei lu delwe cide de luulu, iciude n teilung kekamle gwang de nang mriak luzie.21Minadung mlung ga mariem kekiee ge bam lubui, dede RAMPAUBE suibe rünne tei zie.22Minadung lukeneu au masang kecu, nah kegahme au kenretme swade yiki.23RAMPAUBE de kerüt kering gage mina de saugai beula, keheibe de cide kebambe nnung luzie nah rezam lu kebui gade kwak luzie.24Kenghetme gili gage pe ba kaila; pa pemui gage de pwa nghang daigai lama.25Mide henui tei kelame de saja peulo, iciude kemangme mriak luzie; makecime de ledeu lo, iciude penui maci silu zie.26Pe pei mahei keuteu nah pe puide gwagi kedibe au kengngam nah hengam teu gwangbeu kela napei ge da.27A na, nang keledeu samdung kingnei ta dicai, nang maci samdung gade mdei tet dizie.28Masang kemak zierang keteibe au kemzeube de rangmsia la, nah kenlienme sam kemaudung mnwa dila.29Mide rangmsia kelame de mmau kera nah kemieme de dap kera mtei pwabam.
Bridge Connectivity Solutions Pvt. Ltd.