Proverbs13
1Kemteu nabe pe pei keledeu kingnei lula, dede mide rangkemsiame kesiu kecude kingneilu lama.2Mige pe samrang gade ma keyidung ngau lula, dede pe ciem kesiame au zaisiet tyeineu lala.3Pe muigum tei kelame pe teilung kwak luzie, dede pe muigum kegahme pekatei pe teilung ngkap dila.4Mina kenghetme tyeikeneu kiee sütla dede magede ngaulu lama, dede mina kemrime ketyeikesak puikenlim kemnung ngau lula.5Mina kesangme kenret ngkau la, dede kesiame ge pekatei pe rata tei lula, nah pa hengam kepung tei dila.6Makesang ne penui lampui ga maukemakme de gum beula, dede kesia au kemau tei kelame de teingkau dila.7Mikangge pekatei pecu le keheime lie eh lala, dede magede bam lama, nah mikangge mapelane peu dila, dede mahei kesang bamla.8Keheime ge pe mahei teu pe teilung kelilu la, dede makegahme gede mide keheu lama.9Mina makesangme kebaa baa ha bamla, dede kesiame mibung tei mmüt dizie.10Ngang kecu ngngwa kesia rünne mna beula, dede keledeu keyi kingnei kelame da maci bamla.11Ngang eh hegie süt kedidau mahei cam reureu dila, dede pe bata tei eh rangkang peei kelabe heisi luzie.12Keregui ngauri kedidau milung pang dila, dede hengin kelabe teikelu au kering tsing bang geda.13Keledeusam mlai kelabe pekatei peda keherei punggwang lula, dede keledeusam de kerüt peu kelabe de ziehi peu zie.14Makecime keledeusam au kering duilet ge, ncu ketsai baih gade teu nzia beu zie.15Lungcet keyi hetwa pung lula, dede mide kecwame lampui au madaude penli gah.16Mina kemriakme keheibe keteiga macet eh teila, dede kemangme pe macet kegah ta keulia la.17Samgwa kesiame ge keherei gage cakgai dila, dede samgwa kesamsangme kezuyi teu gwang beula.18Keledeusam luu neula kemakme magah zie nah hengam ngau zie, dede ledeu kebeube mzai kelume da kerüt gwang zie.19Regui kelabe teicang kelu au tyei keneube tyei mnung kelu ge, dede kemangme kemau gade nreutet raula.20Kemteume de ngngwa tetlu, iciude nang mteu luzie, dede kemangme kangngwame keherei ngau zie.21Kemaume cai keherei suila, dede mina makesangme de ziehi keyi peula.22Mina keyime petsame de mahei lunghdiak beula, dede kemaume mahei au makesangme ziemne hekwa bamla.23Makegahme tatyei kemak luh gade ketyeipok kekiee builu bui, dede cide masang kemakme ne sütteu dila.24Pe nade ledeu kemakbe pecu hung lama, dede pe nade hung kelabe pecu ledeu teune beula.25Makesangme pa teikeneu leu tyeiset kemakta tyei bamla, dede kemaume mzeu bam mui zie.
Bridge Connectivity Solutions Pvt. Ltd.