Pumpei1
1RAMPAUBE Sinai hetaideu ga kebam paiki gade Moses de mpau, Egyptme deu gade penui mpet kelu cai mmi pekenabe, kei na bekei raitu benai, RAMPAUBE rang,2“Israelme pelane de pautsa gege kecu hepum pei cu, penui peime kelakdung gade. Penui zi gade pei lu. Mipeina peciakne de pei lu, hangge ge kecu3mmi ngkai di mede ciswa cing kedime. Cauge reugwame nzwa Israelme ziemne regi lubui bi pelane de peilu. Nang nah Aaron reugwa maa ga mipei pumpei raulu maisia.4Heleuh ge gade mipei hangge, pautsa gu pepeube, pe leuhme muiteube nzwa ncu ngngwa kengha zie. Muiteume ketket kecu minadung de teuswa zie cau penui leuhme ziemne regi ziebi.”5Hezi aidungde muiteumedung ncu ngngwa eh regi kerame da:“Reuben leuh gade, Shedeur napei Elizur;6Simeon leuh gade, Zurishaddai napei Shelumiel;7Judah leuh gade, Amminadab napei Nahshon;8Issachar leuh gade, Zuar napei Nethanel;9Zebulun leuh gade, Helon napei Eliab;10Joseph napei Ephraim leuh gade, Ammihud napei Elishama;Manasseh leuh gade, Pedahzur napei Gamaliel;11Benjamin leuh gade, Gideoni napei Abidan;12Dan leuh gade, Ammishaddai napei Ahiezer;13Asher leuh gade, Okran napei Pagiel;14Gad leuh gade, Deuel napei Eliasaph;15nah Naphtali leuh gade, Enan napei Ahira.”16Mipei aidungde minadung kakga de kedetlu. Penui ne penui paupaime leuhdung muiteu tei. Penui au Israel ga pautsame muiteudung.17Moses penai Aaron mina aidungde de ngngwa lu, penui zi rau nzeulu,18nah mina aidungde de nzang lwe penai Israelme pelane de ngngwa ngkwa ncütlu pekenabe kei raitu benai. Pecai mige ge kecu mmi ngkai cing nah ciswa cing kedime pe paupai ria ci mcilu. Penui paume dade lungh kegwang pautsadung nah kelakdung zi raulu.19Ge Moses Sinai hetaideu gade penui pumpei rau nzeulu, RAMPAUBE pecu tei lulo aja kaikebeu nzwa.20Reuben leuhme gade, Israelme neraibe, hangge ge kecu nah mipei leune mmi ngkai mede ciswa cing kedime reugwa ga mielu kebuime pelane zi peilu, penui paupai pautsadung nah kelakdung rau kenzeu gade.21Reuben leuhme gade penui mina 46,500 pei lu.22Simeon leuhme gade hangge ge kecu nah mipei leune mmi ngkai mede ciswa cing kedime reugwa ga mielu kebuime pelane zi peilu, penui paupai pautsadung nah kelakdung rau kenzeu gade.23Simeon leuhme gade penui mina 59,300 peilu.24Gad leuhme gade hangge ge kecu nah mipei leune mmi ngkai mede ciswa cing kedime reugwa ga mielu kebuime pelane zi peilu, pautsadung nah kelakdung penui paume rau kenzeu gade.25Gad leuhme gade penui mina 45,650 peilu.26Judah leuhme gade hangge ge kecu nah mipei leune mmi ngkai mede ciswa cing kedime reugwa ga mielu kebuime pelane zi peilu, penui paupai pautsadung nah kelakdung rau kenzeu gade.27Judah leuhme gade penui mina 74,600 peilu.28Issachar leuhme gade hangge ge kecu nah mipei leune mmi ngkai mede ciswa cing kedime reugwa ga mielu kebuime pelane zi peilu, penui paupai pautsadung nah kelakdung rau kenzeu gade.29Issachar leuhme gade penui mina 54,400 peilu.30Zebulun leuhme gade hangge ge kecu nah mipei leune mmi ngkai nah ciswa cing kedime reugwa ga mielu kebuime pelane zi peilu, penui paupai pautsadung nah kelakdung rau kenzeu gade.31Zebulun leuhme gade penui mina 57,400 peilu.32Joseph napei Ephraim leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.33Ephraim leuhme gade penui mina 40,500 peilu.34Joseph napei Manasseh leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.35Manasseh leuhme gade penui mina 32,200 peilu.36Benjamin leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.37Benjamin leuhme gade penui mina 35,400 peilu.38Dan leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.39Dan leuhme gade penui mina 62,700 peilu.40Asher leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.41Asher leuhme gade penui mina 41,500 peilu.42Naphtali leuhme gade hangge ge kecu nah mipei leune mmi ngkai mede ciswa cing kedime reugwa ga mie lu kebuime pelane zi peilu, penui paupai pautsadung nah kelakdung rau kenzeu gade.43Naphtali leuhme gade penui mina 53,400 peilu.44Moses penai Aaron mina aidung pelane de peilu, Israel leuhme puisau tei kela mina kereiehkena de ngngwa ncüt eh.45Cine Israelme pelane mmi ngkai nah ciswa cing kedime, hereu regi lu kebuime pelane, penui ki kelakdung gade ketket peilu.46Penui mipei 603,550 peilu.47Dede mina Levime leuh gade lungh kegwangme de pei ma,48kedanemene RAMPAUBE Moses dage rangbeu,49“Nang Levi leuhme de peilak mede Israelme pelane ga penuide de si lak.50Ciumeliene, Levime de nlumbeulu paiki recabam samkakkelu hezaidung pie rengei kera, nah paiki recabam niadung leune nah cika kebam mania pelane pie rengei kera. Levime recabam de pwa zie, nah reca paiki netdung de pung zie. Penui reca paiki pie rengei teune zie nah penui ramzeuki cide tei twagwa zie.51Reca paiki heni keda gage tei kedi kecudau, Levime ne cide ra nghung zie. Reca paiki teicuh kera telei keludau, Levime ne tei ncuh zie. Sangme keheibe de reca paiki ga gwang nna cai teitset dizie.52Israelme penui paikidung teincuh kecudau, mige ge de penui reugwa maame pailim kenna gage tei zie.53Iciuliede, samkakkelu hezaidung reca paiki de Levime ne penui paikidung lim twagwa luzie ciciulude a rata Israelme reuga gwang di kelakne. Levime samkakkelu hezaidung reca paiki de pie rengei zie.”54Israelme ma aidung pelane teilu. RAMPAUBE Moses dage aja kaikebeu pelane penui teilu.
Bridge Connectivity Solutions Pvt. Ltd.