Nehemiah12
1Nah aidungde Shealtiel napei Zerubbabel nah Jeshua de ngngwa lwe cailikegwang cingkume nah levime: Seraiah, Jeremiah, Ezra,2Amariah, Malluk, Hattush,3Shecaniah, Rehum, Meremoth,4Iddo, Ginnethon, Abijah,5Mijamin, Moadiah, Bilgah,6Shemaiah nah Joiarib, Jedaiah,7Sallu, Amok, Hilkiah, Jedaiah. Aidungde Jeshua tingdau cingkume kakgade muiteumedung nah penui sinamedung.8Nah Levime cai: Jeshua; Binnui; Kadmiel; Sherebiah; Judah; nah Mattaniah, pa nah penui sinamedung ketwalei ketei pie kerengeime;9nah Bakbukiah nah Unni, nah penui sinamedung, penui ta ketei ga penuide ncwa bam.10Nah Jeshua au Joiakim pei; nah Joiakim au Eliashib pei; nah Eliashib, Joiada pei;11nah Joiada au Jonathan pei; nah Jonathan au Jaddua pei.12Joiakim cingku kedibe tingdau cingku aidungde pautsa peumedung: Seraiah pautsa gade, Meraiah; Jeremiah pautsa gade, Hananiah;13Ezra pautsa gade, Meshullam; Amariah pautsa gade, Jehohanan;14Malluk pautsa gade, Jonathan; Shebaniah pautsa gade, Joseph; 15Harim pautsa gade, Adna; Meremoth pautsa gade, Helkai;16Iddo pautsa gade, Zechariah; Ginnethon pautsa gade, Meshullam;17Abijah pautsa gade, Zichri; Miniamin pautsa gade, Moadiah pautsa gade, Piltai;18Bilgah pautsa gade, Shammua; Shemaiah pautsa gade, Jehonathan;19Joiarib pautsa gade, Mattenai; Jedaiah pautsa gade, Uzzi;20Sallai pautsa gade, Kallai; Amok pautsa gade, Eber;21Hilkiah pautsa gade, Hashabiah; Jedaiah pautsa gade, Nethanel.22Cingkume kedime Eliashib, Joiada, Johanan nah Jaddua tingdau, Levime kelak peume ha raupwa bamla: cingkume liede, Persiame pei Darius hegwang ketei tingdau.23Levime, kelakdung peume, Eliashib napei Johanan tingdau kecang liede, heta keteidung laisiukwak ga raunzeu.24Nah Levime peu keteumedung cai Hashabiah, Sherebiah, nah Kadmiel napei Jeshua, hetwa nah herüt kepeu recadung ga penui sinamedung penuide ncwa kebamme, Tinggwang minabe David ne rang kebeu nzwa.25Mattaniah, Bakbukiah, Obadiah, Meshullam, Talmon, Akkub, aidungde kekwame, herieki kekwame, rieki taiga mania kaikenzeu ga bam eh kwa kecumedung.26Mina aidungde Joiakim, Jeshua napei, Jozadak tsapei tingdau, nah deuceudibe Nehemiah nah cingkupei Ezra, keraube tingdau.27Nah Jerusalem kirie de tei mci kera dau, penui Levime de penui lungh kebam leune gade peeilu, penuide Jerusalem ga ngngwa gwang kera penui sui yisüt eh teikemci ta aide ketwa leidung nah mtwai, lyredung, nah leibungdung, kwa eh ngngwa hengyi lu kerane.28Nah lei keteime kelakdung gwang kangbaulu, penui lungh kebam Jerusalem twagwapung kebam deu nah Netophahme de twagwapung kebam renamdung gade,29nah Beth-Gilgal luhdung gade nah Geba nah Azmaveth luh gade; lei keteime Jerusalem twagwapung kebam penuikatei penui ziemne renamdung teilu.30Nah cingkume nah Levime penuikatei penuide teimci lu. Nah penui minadung, nah heriekidung, nah kirie teimci lu.31Nah Ih Judahme kedime de kirie peureu ga nghang kera qu hekwalu. Nah Ih hetwa kepeu leiteimaa maadi kena de kelang lu, delwe kirie peureu zetlebie Dung Rieki le ge tetgai.32Nah Hoshaiah Judahme muiteume pempie ge penui caisui eh tet,33nah Azariah, Ezra, nah Meshullam,34Judah, Benjamin, nah Shemaiah, nah Jeremiah.35Nah cingkume name gade midungge telui pwala: Zechariah, Jonathan napei, Shemaiah napei, Mattaniah napei, Micaiah napei, Zaccur napei, Asaph napei;36nah pe sinamedung, Shemaiah, nah Azarel, Milalai, Gilalai, Maai, Nethanel, Judah, nah Hanani, Tinggwang minabe, David lei ketei netdung pwalu. Nah Ezra keraube penui dwaga tet.37Nah penuide ncwa eh Duireu Rieki gade, penui David namdi pihidokdung ga tet nghang, David ki kirie reuga tetkah eh kepetle, Dui Rieki ga kecang gwangdi.38Nah ketwa leiteimaa pe kenabe, kirie peureu hilebie miekela, nah Ih, minadung pempie ge de ngngwa penui cai suilu, Ovens renei tetkah mie kirie kemza ga gwanglu,39nah Ephraim herieki peureu ga, nah kehegwa herieki reu, nah heka rieki reu nah Hananel renei nah hai renei, cikade meurün rieki ga tet gwanglu: nah penui rieki kekwa bam ga gwang mtaklu.40Nah hetwa kepeu maa kena Tinggwang ki dwa ga saplu: Ih de, nah muiteume pempiege acu ngngwa bamlu;41nah cingkume, Eliakim, Maaseiah, Miniamin, Micaiah, Elioenai, Zechariah, Hananiah, telui pwalu eh;42nah Maaseiah, Shemaiah, Eleazar, Uzzi, Jehohanan, Malkijah, Elam, nah Ezer. Nah lei keteime penuikatei siulu, Jezrahiah ne penui muiteu tei eh.43Nah cipaunai penui ratak kedi teigai, nah penui suiyi le puidi, Tinggwang ne penui sui teihemi sütgai kebeune. Cipau reude mipui nah hename kecangde suiyi lu, ciu eh Jerusalem suiyi kwa mdei süt kecu kecangde siumie cangdi.44Nah cipau benai makaidung ziemne, nah kereizige ziemne, pemmi gade mei nah matsi meupet raitube, mania kai hekwa kecu kibung ga peu mina dungde rengei kera kedetlu, hezai gade kie kela cingkume ziemne nah Levime ziemne namdi luhdung gade maha kekai dungde hekwa kera penui zie. Kedanemene Judahme cingkume reu nah Levime reu, sap kebamme de ngau penui suidi.45Nah penui penui Tinggwang recadung nah tei kemci recadung teigai, lei keteime nah herieki kekwame de si eh, David nah pe napei Solomon ne ranglia kebeu nzwa.46Kedanemene ndaa David nah Asaph tingdau gade, lei keteime Tinggwang de hetwa nah herüt peu kecu leidung keteime kakga peube bamla. 47Nah Zerubbabel tingdau nah Nehemiah tingdau de, Israelme peciakne lei keteime nah herieki kekwame de ngha kerane tingba ramsang ma kai beula. Nah penui Levime ziemne kemci reca peu gai, nah Levime Aaron leuhme ziemne penui qwa peudi.
Bridge Connectivity Solutions Pvt. Ltd.