Matthew1
1Abraham napei David, David napei, Jisu Khrista paupak ha laisiukwak.2Abraham au Isaac pei, nah Isaac au Jacob pei, nah Jacob au Judah, nah pe siname pei.3Judah au Perez penai Zerah pei, nah penai pui cai Tamar, nah Perez au Hezron pei, nah Hezron au Ram pei.4Ram au Amminadab pei, nah Amminadab au Nahshon pei, nah Nahshon au Salmon pei.5Salmon au Boaz pei nah pe pui cai Rahab, nah Boaz au Obed pei, nah pe pui cai Ruth, nah Obed au Jesse pei.6Jesse au hegwangpei David pei, nah David au Solomon pei, nah pe pui cai Uriah nau.7Solomon au Rehoboam pei, nah Rehoboam au Abijah pei, nah Abijah au Asa pei.8Asa au Jehoshaphat pei, nah Jehoshaphat au Joram pei, nah Joram au Uzziah pei.9Uzziah au Jotham pei, nah Jotham au Ahaz pei, nah Ahaz au Hezekiah pei.10Hezekiah au Manasseh pei, nah Manasseh au Amon pei, nah Amon au Josiah pei.11Israelme de Babylon gage tuiteu mie kecu tingdau, Josiah pe na Jechoniah nah pe siname lunghlu.12Babylon gage tui teu gwang kelucai, Jechoniah pe na Shealtiel lunghlu, nah Shealtiel pe na Zerubbabel lunghlu.13Zerubbabel au Abiud pei, nah Abiud au Eliakim pei, nah Eliakim au Azor pei.14Azor au Zadok pei, nah Zadok au Achim pei, nah Achim au Eliud pei.15Eliud au Eleazar pei, nah Eleazar au Matthan pei, nah Matthan au Jacob pei.16Jacob pe na, Mary nahpei Joseph lunghlu, nah pane Khrista lie qukela Jisu de mnalu.17Ceheu pelane Abraham gade David kecang de ceheu kereiemdai ge bam, nah David gade Babylon ga tuiteu gwang kedi nah Khrista ting kecang ceheu kereiemdai ge bam.18Jisu Khrista de ainzwa mnalu. Pe pui, Mary, Joseph de ngngwa lungh kerane naurang teilu, dede penai ngngwa ncüt kemakne gade, mipuibe Kemci Rabe gade tetlak la kedi cidi.19Dede pe nahpei Joseph au kemzuime ge nah mtei dwade pecu peu hengam teineu ma, cine pa pecu ngkim eh tadi kera cetlu.20Pa ma aidungde cet kebamdau, ainie, Rampaube gwame ge pe mangle de peda gwang eh ranggai, “David napei, Joseph, Mary de n nau kera ngngidi helo, kedanemene pa tetlak kela de au Kemci Rabe gade lu.21Pa mipei nage de mna luzie, nah nang pe zi Jisu lie msiak zie, kedanemene pa pe mina de penui maudung gade kelibeu zie.”22Ma aidung pelane Rampaube ne caihakecibe dage kerang de teicanglu kerane teigai, ainzwa ranggai,23“Ainie, relei kemci pui ge tetlak luzie nah mipeina ge de mna luzie, nah penui pe zi Immanuel quzie” cide pekie, “Tinggwang anuide ngngwabam.”24Pecai Joseph ziep kebam gade mraklu nah Rampaube gwame pe dage kerang nzwa teilu nah pa Mary de pe naulu.25Dede henanabe de mnalu kemaktane Joseph pe nau de ngngwa nauhepei zai tei ma. Nah pa pezi Jisu msiaklu.
Bridge Connectivity Solutions Pvt. Ltd.