Mark4
1Pecai Jisu Galilee jaaidi kung gade mide ledeu cuh daidi, ge mina maadi ge gwang petaiga twagwalu. Ciziemne pa Galilee jaadi ga liem ge ga lütlu delwe cika bamlu. Mina maabe pelane jaaidi kung ga bam.2Ge pa samgwa gade ma kekiee pwa penuide ledeu, nah pa penuide ledeu kecu dau penui dage rangdi,3“Kingnei lulo! Ainie, heta ketame ge heleuh gi zielie mie.4Pa heleuh gi gaige, heleuh kesa lampui kung ga cakmie di, ge nruinedung ne gwang cidungde nsau tyeilu.5Nah heleuh kesa tsura reu ga cakmie lu, cika tangdei bam sütma. Cide pwak zette cuhlu, kedanemene cide tangdei bam ki kemakne.6Dede tingnaimiak taugai ge, mabangdung de puki di, nah cidungde pe mah cok kemakne, penui reguidi.7Nah heleuh kesa hetu kakga cakmiedi. Hetu bangdung lungcuh delwe cide zimdi, delwe cide petsi gede builu tadi.8Nah heleuh kesa pedeu keyi ga cakmie gailu eh pwaklu nah lungcuh petsi builu iciu eh tsi camrei, riakherok, nah hai kecang builu.”9Iciu eh pa rangdi, “Mina keheibe de pekwen bam eh kingnei keneume de peu kingnei lulo!”10Cidau Jisu pekatei kebam dau pecu twagwapung kebamdung kereiekena bau de si eh gwang samgwa ha keteu di.11Cine pa penui dage rangdi, “Tinggwang hegwangram ha sam kecukdung pwa nnuide peu dida. Dede hegwale kebamme de au ma leune de samgwa gade,12cine penui pie au piela, dede ngaula melie, nah penui siu au siula, dede cila melie, iciu eh penui nreugwang eh penui maugi melu kerane.”13Ge Jisu penui dage rangdi, “Nnui samgwa aide ci melie ni? Iciu cai nnui dainzwa eh samgwa keda pelane cilu laino?14Heleuh kegibe sambe pwa gi gaila.15Lampui kung ga cakmie kedibe aidungde da, sambe cika kelütdung de penui sambe cide siulu ge, Satan zette gwang eh penui lung kelüt samdung de süt dai teu dila.16Cinzwa eh tsura reu ga kemie aidungde da, penui sambe siu luge penui suiyi süt eh mzai zette lula.17Dede penui mah kegahne kak nage rünne bam kelu gwale tadi la. Iciu eh sambe ziemne keherei mede teikeherei kecu gwang ge penui zette kau dila.18Nah keda hetu kakga kelüt aidungde da. Aidungde sambe siu kelume,19dede cudau teilung hadung cet pwa penui lungpang tei nah mi de cwa kela mabamdung nah ma keda kehengim penui lung lüt eh sambe de zim di nah cide petsi builu tadila.20Dede pedeu keyi ga cakmie keludung au sambe siulu eh cetpwa pegu teilu eh penui tsi camrei, nah riakherok nah hai petsi builu keladung delie.”21Jisu penui dage rangsi di, “Nnui mibung ge mabam reu gage kai kerane mi zeukang gage kai kerane pwa gwang lano? Cide mitaubam gage kailu kerane meni?22Peu mide ci nah ngau kerane gwale magede kebai kemzeu gah, nah peu mide cilu zielie kecube gwale magede ngkim kenzeu ga.23Mina keheibe de pekwen bam eh kingneilu kebuime de peu kingnei lulo!”24Ge pa penui dage rangdi, “Nnui ma kekingneibe sünne lu, nnui pwa ndet kelabe pwa ndet dai pwa nnuide peu daizie, nah nnuide kaisi dai beuzie.25Kedanemene kebambe de peu kiee si zie, nah kegahbe dade kebam na de de keuteu si di zielie.”26Ge Jisu rang si eh, “Tinggwang hegwangram au mige heleuh teu mie hangdeu gage nrok kegai nzwa da.27Pa tingmui gwang zipdi nah tingba luge cuhlu eh heleuh de dainzwa eh pwakcuh di lula bi pa cikemak nzwa delie.28Kideube petsi builu: Keraibe pebui petlu, pecai pe meibum petlu, pecai meitsi ci lula.29Nah peciube meulu ge luhlüt ting kedine pa tangkane teu mei rum cuhla.”30Pa rang daidi, “Anui Tinggwang hegwangram de pwa daige de keu keda lulai mede anui daipai samgwa lepwa mi dage ranglia lulai?31Cide au ziegitsi nage nzwa delie, cide tangdei gage ling kegai dau, kideu ga kebam heleuh pelane kakde ceutu nage.32Dede, cide ling kegai dau, cide pwakcuh eh hegurie bangdung pelane swade di dila, delwe pekiak lung di lula, iciu eh tinggim nruinedung cipau kangga penui cietdung teu lula.” 33Cine penui cilu kebui kieege, samgwa aikenzwa kekiee teu pa penuide ranglia,34nah pa samgwa teu mene penui dage marang ma. Dede pa pekatei kebam dau, pa ledeukelumedung de maleune rang mci lia beu.35Cipaunai ting hegi dige, pa penui dage rangdi, “Anui Galilee lulebie gim mpetdi go.”36Cine penui maadi de gidi, penui Jisu liem ga kelane pecu ngngwalwe gwangdi. Nah cika pecu ngngwa liem kedadung de lasi.37Ge cidau tingkai kaidi ge gui gwang eh dui nswakdung de ne liem teu kenuak gai eh liem de dui kepuih teidi.38Dede Jisu pekatei liem cai lebie, bam ge ga zipzeu, ge penui pecu ngkia eh pe dage rangdi, “Keledeubo, anui tsai dilai kezeu ngau nang nlung pang meni?”39Ge pa mraklwe tingkai de kesiu gai, nah jaaidi de, “Zing de dilu!” de ranggai. Ge tingkai de mtakdi nah cika zing dedi.40Pecai pa caisuime dage keteudi, “Nnui daitei mahing au no? Nnui cu de nnui kenlum bamlu mereu ni?”41Iciu ge penui ngngi süt eh hangge ge dade rangdi, “Mina aipau de daikenzwa ge no, tingkai nah jaaididung de pe sam mzai kela ai?”
Bridge Connectivity Solutions Pvt. Ltd.