Joshua3
1Joshua tingcang nuge cuhlwe, penui Shittim gade tet mpetdi eh penui Jordan Reuki ga gwanglu, pa nah Israel namedung, penui kahpetdi kemakne cika ramzeu lu.2Nah cide langcumne cang gwang kecu dau kedime ramzeuki sum gade tetpet;3nah penui minadung da ajah kai eh ranggai, “RAMPAUBE Nnui Tinggwang gu samkakbung pungla eh ngau keludau, nah Levi cingkume ne pung la eh, nnui bam gade tet mpet lu maisia nah cide mzui lu.4Iciuliede nnui kakga petie cubit cang na kenzwa ge kainzeu lu, cipau taiga gwang mna so, cinzwa lude nnui dai lampui ga tetgai laubi ci luzie, kedanemene ndaa nnui aipau lampui kahgwang melu.”5Cine Joshua minadung da rangdi, “Ncünne ziemne nnui katei nnuide tei mcilu, RAMPAUBE nnui kakga miswakega bata teigai zie.”6Pecai Joshua cingkume da ranggai, “Samkakbung pwa ncuhlu, nah minadung dwaga tetlu.” Cine penui samkakbung pwa lwe mina dwaga petdi.7RAMPAUBE Joshua dade rangdi, “Henai tingba gade Israelme pelane miakdung gade Ih ncu teu ncuh beuzie da, Ih Moses da kela nzwa Ih nda de lalie kecu penui cilu kera.8Nang ne cingkume samkakbung pwa kelame de aja kaizie, ‘Nnui Jordan reukung dui penli ga gwang keludau nnui cika Jordan ga sap lulo.’”9Joshua Israel namedung da rangdi, “Gwang nna lwe RAMPAUBE Tinggwang samdung kingneilu.”10Ge Joshua rangdi, “Aide gade nnui ci lu zie ring kela Tinggwang nnui da la kecu nah pa nnui dwa gade gwagi bi dizie nah Canaanme, Hittime, Hivitme, Perizzme, Girgashme, Amorme, nah Jebusime dwa gade nnuide keli beuzie.11Pielo! Samkakbung kideu pelane gu RAMPAUBE gu de nnui dwa rai eh Jordan lungga lüt.12Cu nang nkatei nziemne mina hang kereiekena de kedetlu, Israelme leuh kakde nah heleuh ket gade hange ge kecu.13Nah cinzwa eh cingkume, kideu pelane reu RAMPAUBE, samkakbung de pung kelame pideu Jordan duidung ga gwang mtaklu de, Jordan duidung de mbai mpet dizie nah nreule de duidung lwa kemie dung de heni gega ngkwa bam dizie.”14Cine cipaucai minadung penui ramzeukidung gade mpet lwe Jordan kahpet lu kera Cingkume samkakbung pung kelame ne penui dwa rai eh.15Samkakbung pung kelame Jordan ga gwang canglu herizi nah cingkume samkakbung pung kelame pi duikung penli ga hi gai herizi (cu Jordan reu kungdung pelane dui puipet di lulwet ting kecang),16dui nreule de lwa nghung kebamdung de piage gage lwacaili daidi, Adam namdi dei süt kecu gade, Zarethan taiga namdi kebam de, nah Arabah duidi ga lwamie kebamdungde ga, Ketsai Jaaidi de dangdi eh minadung Jericho nam taiga kahpet lu.17Nah Cingkume RAMPAUBE samkakbung pung kelame Jordan reu deucang sumga sap mtip bamdi nah Israel leuhme pelane Jordan kahpet deucang ga canglu kemaktane.
Bridge Connectivity Solutions Pvt. Ltd.